【白色強人】何廣沛捱足7年成功入屋 為入行曾遭家人經濟封鎖

【白色強人】何廣沛捱足7年成功入屋 為入行曾遭家人經濟封鎖

現年30歲的何廣沛至今已入行7年,他在最近TVB熱播的電視劇白色強人》中飾演明成北心胸肺外科駐院醫生潘懷德,劇中為人正直,而且跟馬國明有不少對手戲。何廣沛近年上位順風順水,更被網民追捧為新一代男神。不過,原來他多年來捱過不少辛酸,當年遭父母反對入行做藝員,曾因收入有限而要一日三餐捱麵包,食住玩都要靠屋企,幸好如今終於吐氣揚眉,成最有前途上位小生路,一切都得來不易!

撰文:Kammy|圖片來源:何廣沛InstagramYoutube截圖,新傳媒圖片庫

何廣沛《白色強人》中首演醫生

近日晚晚播的《白色強人》,不時都會見到何廣沛的蹤影,他在劇中飾演馬國明的徒弟,同樣是個正直的好醫生。早前一集,講到主刀醫生韋家雄在手術中途為聽電話而離開,幸得何廣沛夠冷靜去控制場面,憑自己經驗令手術得以順利完成,十分搶鏡。不過,韋家雄其後要求何廣沛為他隱瞞真相,何廣沛因體諒對方的難處而一口答應,更因此而跟馮盈盈發生爭執,事件最終發展成點,就要留待觀眾繼續去追劇喇!

白色強人 何廣沛
在《白色強人》早前一集,講到主刀醫生韋家雄在手術中途為聽電話而離開,幸得何廣沛夠冷靜去控制場面
白色強人 何廣沛
不過,韋家雄其後要求何廣沛為他隱瞞真相
白色強人 何廣沛
何廣沛因體諒對方的難處而一口答應,更因此而跟馮盈盈發生爭執

去年勇奪「男飛躍」

去年無綫台慶劇《跳躍生命線》勇奪萬千星輝頒獎典禮2018的「最佳劇集」,劇中何廣沛擔演男二,演新紮正直消防救護員入型入格,其角色形象正直討好成功入屋,演技備受讚賞,更憑此劇獲得「飛躍進步男藝員」獎,實至名歸!

白色強人 何廣沛
去年何廣沛在《跳躍生命線》中擔演男二
白色強人
何廣沛憑此劇成功入屋,更獲得「飛躍進步男藝員」獎

何廣沛雖然外表童顏,但其實今已經30歲,去年在無綫捱足先捱到做男二。雖然父母反對入行做藝員,但何廣沛是孝順仔,一直同家人同住鰂魚涌,日前不用開工,亦爭取時間陪媽咪家姐食飯行街。

白色強人 何廣沛

父母反對入行 經濟封鎖

何廣沛學業成績彪炳,初中就讀赤柱聖士提反書院,中三隨家人移居美國三藩市,在加州州立大學會計系畢業,父母一心想他當會計師,他卻違抗父命去投考藝員訓練班。據知情者透露:「Matthew(何廣沛)係會計系學士,父母梗係想個仔做會計師啦!但佢冇興趣,反而鍾意做戲,畢 業仲走咗去考藝訓班,父母覺得呢行好講際遇,收入又唔穩定,一路反對佢做藝員,阿爸仲講明佢揀得做呢份工,以後都要靠自己,唔可以好似讀書時咁下下問屋企攞錢!」

白色強人 何廣沛
出身小康之家的何廣沛,中三隨家人移居美國三藩市,在加州州立大學會計系畢業,不過因放棄做會計師,遭父母反對入行做藝員,更被父母經濟封鎖。

自從前年事業起飛,何廣沛已經不用再餐餐捱麵包,更不少陪阿媽家姐到銅鑼灣利園食晏。放假做乖仔,何廣沛陪完阿媽食飯再去行街。

白色強人 何廣沛

何廣沛家姐這日穿露腰裝配牛仔熱褲大騷長腿,如果母親唔同行,分分鐘被誤會係女朋友。不過,何廣沛同家姐一樣好好傾,兩姊弟感情相當好。

白色強人 何廣沛

白色強人 何廣沛

入行初期,何廣沛向父母承諾,五年若冇成績就會轉行,今日終於捱出頭,何媽媽當然安慰,陪阿仔食晏全程笑唔停。

白色強人 何廣沛

被家人經濟封鎖,性格硬頸的何廣沛卻堅持追求理想, 不到黃河心不息,就算餐餐捱麵包亦要做演員,希望有朝一 日達成心願做到男一。據知情者透露:「為咗做自己鍾意嘅工 作,Matthew一路咬緊牙關,做新人收入少惟有乜都慳住使,又唔想 開口問屋企攞,冇錢捱麵包就一餐,試過一日三餐都係食麵包,見到鍾 意嘅嘢都唔敢買!」

白色強人 何廣沛
何廣沛同媽咪家姐一齊行去停車場 攞車,更負責揸車做司機。
白色強人 何廣沛
上年終於賺到錢買車,何廣沛坦言下個目標係買樓報答父母!

由閒角做起

何廣沛頭2年一直做閒角,大部分時間做大茄,死屍、路人、文員、記者等冇對白角色,苦等冇機會都曾經洩氣,因為知道父母擔心自己前途,更向家人承諾如果五年都冇成績就轉行。據知情者透露:「父母點會唔緊張仔女?Matthew爹哋媽咪怕佢浪費光陰冇前途,成日勸佢轉行,但見個仔無論捱得幾辛苦都仲好有心做戲,慢慢都開始讓步,有時知佢唔夠錢使,仲堅持唔同屋企講,成日捱麵包當一餐,都會主動幫佢,好多時專登陪佢出街食飯買嘢,主動幫佢埋單,等個仔唔好咁大壓力!」

白色強人 何廣沛

同蕭正楠、曹永廉拍《超時空男臣》演穿越時空的稚氣小太監小冬,與劇中二小姐朱晨麗成網民熱捧一對。

網民熱捧一對

拍《超時空男臣》被指同朱晨麗撻著,不過,兩人只認好朋友關係,更不避嫌經常拍住出活動,感情疑幻似真。

白色強人 何廣沛

白色強人 何廣沛
前年《萬千星輝頒獎典禮》,何廣沛同曹永廉及蕭正楠一齊攞「最受歡迎電視拍檔」獎。

有前輩教路,2014年何廣沛事業終於有轉機,被當年他在藝訓班的導師鄭丹瑞以及前輩吳啟華欽點,第一次有機會孭重戲,拍攝劇集《女人俱樂部》做年輕版吳啟華,不過第一次拍重頭劇,一直做閒角冇乜演出經驗的他,一開始就不停碰釘。據何廣沛好友透露:「嗰時佢仲細,根本唔知天高地厚,接到劇本已經好開心,以為背熟晒就一定掂,點知入到廠又係另一回事,不停出錯係咁NG,幾乎日日都畀導演鬧爆,有段時間佢都好唔開心,但 佢性格執著,覺得人哋做到自己唔會做唔到,又肯虛心問人,好 多前輩都肯教佢!捱咗一段時間,已經捉到晒路!」

白色強人 何廣沛
訓練班畢業後,做了兩年大茄的何廣沛,拍 第一部無綫重頭劇《女人俱樂部》,同時獲訓 練班導師阿旦及同劇主角之一吳啟華欽點演出。
白色強人 何廣沛
經驗淺孭重戲,何廣沛一拍就出事,因經常出錯NG被導演鬧爆,有指鬧得佢最甘嘅,係出名要求高的導演陳維冠。

苦盡甘來,何廣沛事業成功起飛,連拍兩套劇《親親我好媽》及《超時空男臣》開始廣為人識,去年一套《跳躍生命線》更成功爆紅入晒屋。爆騷收入增加,上年終於可以畀家用屋企,據知情者透露:「捱咗咁多年,佢都係上年做完《超時空男臣》開始紅,多咗接外邊工作,先第一次畀到家用屋企!佢依家最大心願,係希望可以儲到錢買樓,等屋企人唔使再為佢將來擔心!」 何廣沛拍《跳躍生命線》跳埋入直路,可見當紮男神仲有排紅!

白色強人 何廣沛
做新人收入有限,被父母經濟封鎖的何廣沛,入行 後出入都坐巴士,早前做完《超時空男臣》,才賺到錢買車。

7年捱出頭

新紮小鮮肉何廣沛,2012年考入第26期無綫藝員訓練班,眨吓眼已經入行7年!

白色強人 何廣沛
14年獲得阿旦(鄭丹瑞)欽點,拍攝重 頭劇《女人俱樂部》,劇中做年輕版吳啟華。

曾做大茄

做完《女人俱樂部》,何廣沛繼續做閒角,在《巾幗梟雄之諜血長天》,就做其中一名游擊隊員,更曾在《超級無敵獎門人終極篇》做獎品先生。

白色強人 何廣沛

白色強人
2013年,Matthew曾在《超級無敵獎門人終極篇》做獎品先生,似足《美女廚房》入面班味之天使!
白色強人
Matthew父母都好支持囝囝演藝事業,仲曾經到電視城探班。

入屋上位

2016年《律政強人》演方中信徒弟,戲份開始多。早年連拍兩套劇《親親我好媽》及 《超時空男臣》,演出被讚成功入屋!

白色強人 何廣沛

白色強人 何廣沛

白色強人 何廣沛

關鍵詞
何廣沛

更多精選內容