【親子好去處】迪士尼首個Marvel Land 2020年於加州開幕 粉絲必去!

【親子好去處】迪士尼首個Marvel Land 2020年於加州開幕 粉絲必去!

Marvel粉絲注意!迪士尼又有新搞作,將率先在加州建設全新的Marvel主題樂園,預計2020年開幕!屆時園區將會比星球大戰主題園區更大!

撰文:KM | 圖片:DisneyLand、Cliff

親子好去處迪士尼首個Marvel Land 2020年於加州開幕

復仇者聯盟 4 : 終局之戰》(Avengers 4:Endgame)4月上映後揭起全球熱潮,讓復仇者系列電影劃下完美句號。近日有消息指,迪士尼已經拿到了全新「Marvel Land」建築許可證,即代表迪士尼可以率先在加州建設全新的Marvel主題樂園!

Marvel Land將取代A Bug’s Land ,並預計於2020年開幕,屆時「Marvel Land」的規模更可媲美現時的星球大戰主題園區。開幕後不但會舉辦角色見面會,亦會有商店、小型釀酒廠、蜘蛛俠主題遊樂設施等等。各位粉絲必去!

全球首個 香港迪士尼「蟻俠與黃蜂女」遊樂設施

香港迪士尼前年(2017年)推出過「鐵甲奇俠飛行之旅」,而全球唯一一個「蟻俠與黃蜂女」遊樂設施「蟻俠與黃蜂女:擊戰特攻!」將會延續Iron Man嘅故事!蟻俠與黃蜂女

故事大綱:

故事係由遊客到訪神盾局(S.H.I.E.L.D.)喺香港迪士尼明日世界「史達科技展」新設嘅「神盾局科技館」開始。喺一次參觀之旅中,由於邪惡組織Hydra喺香港發起雙重襲擊,不但企圖掠奪史達大樓嘅弦反應能源器,而且由 Arnim Zola派出數千隻機械蟲軍團入侵「神盾局科技館」,試圖偷取儲存高度機密資料的數據核心。各遊客將會同蟻俠與黃蜂女一齊作戰,共同對付Zola!

記者率先試玩

真係聽到個故仔都覺得好緊張刺激呀!依家就同大家去直擊呢個新遊樂設施!

等緊個時都覺得好緊張呀!
蟻俠與黃蜂女
要高過1.27cm先可以玩嫁!(其實有邊個過唔到…)

成個歷險之旅由迎賓大堂開始,個度有3個大型屏幕,顯示實時嘅監控片段,大家可以喺片中到見到館中發生緊咩事!仲見到有香港特色嘅蛋撻添!

有無眼尖朋友發現枱面嘅蛋撻同奶茶呢!

宣萱則出演神盾局科技館的總工程師林樂詩(Leslie)。

神盾局科技館的總工程師林樂詩(宣萱)、蟻俠( Paul Rudd)及黃蜂女(Evangeline Lilly)及iron man皆有出現。

睇完片就去到保安裝備庫,呢度就有唔同外星生物同武裝科技嘅重要研究項目,同好多唔同嘅收藏品,記者見到之後十分興奮,因為真係大開眼界!終於呢到戲肉啦!各位遊客會坐上神盾局最新研發嘅「突擊」戰車,當中配備電磁脈衝槍,投入一場正義之戰,同蟻俠及黃蜂女並肩撃敗敵人!

坐上「突擊」戰車,準備同蟻俠及黃蜂女並肩作戰!
蟻俠及黃蜂女嘅身影會不斷穿梭在遊戲中。

成個遊樂設施總共有150個射擊目標,以多種唔同形狀呈現,到時會有5種機械蟲,大家只要攻擊機械蟲嘅弱點就可以獲得分數!去到數據核心實驗室會有一隻「巨型巢蟲」,佢有3條巨型機械臂,喺度圍攻數據核心,真係好危險呀!不過唔緊要,呢個時候會聽到蟻俠同黃蜂女嘅廣播:「我們必須將你們縮少,進入巢蟲體內,從內到外攻擊Zola。」咩話?縮細我哋?!

射擊目標無處不在

聽完廣播之後,好快就有一道紅光射記者身上,呢個時候記者見到啲動畫咁,真係有種好似俾人縮細緊嘅感覺!之後自己同部「突擊」戰車都變細咗(其實係周邊啲嘢都好巨型…),真係好神奇!

遊戲有3款射擊目標,各有唔同分數。
記者玩到好投入!

去到巢蟲體內,四周都係大型電熱板、記憶體等,上面仲有好多唔同大小形狀嘅弱點,呢個時候緊係要攞起枝槍盡情咁射啦!期間仲有蟻俠同黃蜂女嚟睇下大家安唔安全添!

蟻俠會同大家並肩,一同戰鬥。
黃蜂女亦會出現。

攻擊緊對方嘅時候突然有鼓熱氣喺頭頂,成個設計都十分真實!之後部車去到巢蟲嘅神經中樞時,記者不停聽到Zola勁陰森恐怖嘅聲,原來神經中樞係Zola控制機械蟲大軍嘅地方,個度仲有Zola嘅綠色數碼面出現,呢個時候會見到蟻俠同黃蜂女喺度對付Zola!Zola戰敗之後會離開巢蟲,大家仲會見到數據核心依家安然無羔!最後仲會見到蟻俠、黃蜂女、Iron Man同林樂詩出現,祝賀大家獲得勝利,亦代表呢個遊戲已經玩完啦!

遊戲最後,蟻俠、黃蜂女、Iron Man同林樂詩會相繼出現。

記者玩後感:

本身都知道「蟻俠與黃蜂女:擊戰特攻!」係由「巴斯光年星際歷險」改建而成,整體大致上同「巴斯光年」嘅玩法差唔多,不過今次張椅子冇得好似之前咁自己較點郁,可能刺激度冇咁高,不過就啲射擊位比較清晰,所以都容易攞到分!

記者玩完之後以為自己好高分,點知都只係得20幾%….

更多精選內容