安志杰

JC仔仔一歲生日 細仔激似爹哋安志杰

育兒

廣告

安志杰和老婆Jessica C.(JC)2017年結婚,婚後育有一仔一女,不知不覺細仔Elvis已經1歲,日前(19日)係Elvis1歲生日,兩公婆分別係instagram,貼照片並寫上祝福,媽媽回憶一年生產Elvis的回憶。

 

撰文:TLY | 資料來源、圖片:instagram-JC安志杰

 

JC和B仔齊齊伸脷

JC上載抱著囝囝並的齊齊伸脷相片,留言:「1年前的今天,我們帶你進入這個世界,終於面對面見面了! 我已經愛上了你和你的個性。 你一個好奇、無所畏懼,充滿愛心的小靈魂! 你給我們的家人帶來瞭如此多的愛與光明! 各方面都是一種祝福! 今天我們慶祝你!」

 

 

安志杰上載幾張湊仔照,並簡單寫上:”Happy birthday, Son﹗”

 

 

 

 

JC為老公誕下8.8磅巨B

30歲嘅 JC於上月6月19日作動及順產誕下8.8磅B仔,安志杰稱太太JC整個生產過程非常順利,入產房十幾分鐘BB就出世,而且BB出世一刻,特登推掉幾個工作陪老婆生B,並對囝囝是個巨B感到十分驚喜,全家上下都好開心,又感謝上天送一仔一女俾佢。

安志杰為囝囝改名「貓王」

安志杰稱,B仔重8.8磅,身長53cm,醫生都話好勁,好少有咁大巨B。另外,佢亦已同仔仔改名,Elvis,並有趣地與已故美國搖滾樂巨星「貓王」皮禮士同名。

啱啱出世嘅Elvis雖然雙眼合起,但嘴仔望落好似笑緊咁。

老竇安志杰用強而有力嘅臂彎,溫柔抱住剛出世嘅囝囝。

 

JC會唔會再生B

據知JC生完兩日就已經出院,佢亦感謝家人及朋友關心,以及上天俾佢咁大福氣,有咁多人陪佢待產。至於會唔會再生,JC就話順其自然,因為就算再生都要等一段時間。

聽講2歲姐姐Tessa見到細佬第一眼,就已情不自禁咁不停錫細佬,對細佬又好細心,Tessa一定會係個好家姐!

 

Tessa又眼定定望住細佬Elvis,相信兩姊弟將來感情會好好!

 

一向愛錫老婆嘅安志杰錫錫JC做「獎勵」,一家四口幸福滿瀉!

 

安志杰妹妹亦有上載去醫院探JC嘅合照,據知安志杰媽咪同細妹特登喺外國飛返嚟睇BB出世,而相中見到JC餵緊人奶,完全零遮掩,大方示人!

曾以「警鐘胸」聞名嘅名模JC正為老公誕下囝囝,加埋大女Tessa,正好湊夠個「好」字。