森美

森美罕晒夫妻合照 逆齡老婆童星出身被讚靚女 結婚廿年當初因蝴蝶結撻著

熱話

廣告

森美 是娛樂圈出名的好爸爸,同時是個廿四孝老公。近日,他與老婆同遊主題樂園,罕有地於社交平台上載夫妻合照留念,公開放閃。不少網民將焦點放於森美的圈外老婆Veronica陳雅嫻身上,大讚她靚女,還讚她保養得宜,少女味濃,完全不像兩孩之母。

撰文:KM | 圖片來源:森美Instagram、陳雅嫻Instagram、新傳媒資料庫 | 編輯:Clara

森美晒合照賀結婚廿周年

原來森美與圈外老婆於2000年拉埋天窗,至今已結婚逾廿年,他難得公開與老婆的合照,還寫了肉麻字句:「公主城堡前發現野獸跟公主,二十年前沒有盛大的婚宴仍能走到今天,就用一張簡單的相片交換再多走二十年。」森美老婆穿上短裙,因有滑水、騎馬習慣Keep fit,所以年屆40仍身形弗爆,睇落好後生,網民紛紛留言大讚她好靚女:「少男與少女」,而藝人好友如陸浩明、蔡明詩Jessica、麥美恩都很認同,還笑言她像森美個女:「森太好靚女啊」、「嘩咁靚嘅,你個囡啊?」、「嘩嘩嘩,阿嫂真係索到爆,成日收埋就知點解」。

森美晒合照賀結婚廿周年(森美Instagram圖片)
森美晒合照賀結婚廿周年(圖片來源:森美Instagram圖片)
森美晒合照賀結婚廿周年(森美Instagram截圖)
森美晒合照賀結婚廿周年(圖片來源:森美Instagram截圖)

老婆名校畢業 童星出身

森美老婆陳雅嫻其實是童星出身,她中學畢業於名校德望中學,有傳被封為校花。她比森美更早入行,小時候她是童星,曾在許冠傑主演的電影《全家福》中演出,飾演鄭文雅及許冠傑的女兒、溫兆宇的姐姐。後來她成為有線電視兒童台的節目主持人。與森美結婚後,她決定退出幕前,專心相夫教子。

雖然森美老婆曾經做過幕前,不過為人相當低調,在社交平台絕少上載與森美的合照。森美很尊重老婆,很少晒夫妻合照,亦很少公開提及夫婦生活。直到仔女長大,二人才慢慢減少避忌,不時被記者影到孖住拍拖,結婚多年仍然恩愛如初,羨煞旁人。

森美 老婆名校畢業 童星出身(陳雅嫻Instagram圖片)
老婆名校畢業 童星出身(圖片來源:陳雅嫻Instagram圖片)
森美 老婆名校畢業 童星出身(陳雅嫻Instagram圖片)
老婆名校畢業 童星出身(圖片來源:陳雅嫻Instagram圖片)

森美因為一條蝴蝶結同老婆撻著

森美早前接受訪問時被問到,生活被工作和兒女佔去大部分,還有沒有時間同老婆拍拖?他坦言的確比以前少:「係少咗嘅,不過可以自己爭取。我帶團去四國玩,人哋畀我帶一個助手,我就當太太係助手,帶埋佢一齊玩囉!不過呢個助手好唔合格,第一個trip唔記得帶passport,第二個trip就狂買嘢,搞到我推住篋仲要手拎七袋手信同零食!」

森美 (陳雅嫻Instagram圖片)
(圖片來源:陳雅嫻Instagram圖片)

被問到還記不記得第一面見到老婆的情景,第一下過電又是因為甚麼原因,森美憶述:「我一入行就識太太,成20幾年前,不過仲記得好清楚。第一次見面喺商台大堂,佢喺度派緊果汁橡皮糖,周圍問人食唔食,嗰次我係無食到嘅⋯⋯真係有感覺就係幾個月後,我哋呢班DJ訓練班準備上台比賽,我係佢前一個出場,臨出去,佢叫我幫佢綁鬆咗嘅蝴蝶結。條裙係條碎花長裙,個蝴蝶喺佢背後,就係嗰一下,綁出事。」

森美罕晒夫妻合照賀結婚廿周年 逆齡老婆童星出身被讚靚女 原來當初因蝴蝶結撻著
(圖片來源:陳雅嫻Instagram圖片)

對老婆口硬心軟 笑她比發嫂次一級

森美笑言自己對老婆並不溫柔,但內心其實很著緊她,隔空傳情:「有啲男人對太太好著迷、時時刻刻都覺得太太好好,但我又唔係喎。我係成個大叔咁款,日日見親佢就吟吟沉沉,吟佢呢樣吟佢嗰樣。但出去開工十幾廿個鐘,又會好掛住佢,不過打去就係粗聲粗氣咁問:『做緊咩吖?』見唔到太太時,我成日都有一個畫面,就係一間花店、佢好仙氣咁坐喺度,幫人包吓花、同客人傾吓偈⋯⋯唔知點解係花店,佢都無話過想開花店。」

他又笑言老婆只會守住他的財,不讓他亂花錢,將她與周潤發老婆比較:「不過我太太都有個好處,就係知慳識儉,從來要求都唔高、平時又會同我坐廉航出去玩吓。我成日話發嫂嗰啲慳家得嚟,又投資有道,我老婆呢啲淨係知慳識儉,守住我啲財,比起發嫂,次咗一級。」

森美 對老婆口硬心軟 笑她比發嫂次一級(陳雅嫻Instagram圖片)
對老婆口硬心軟 笑她比發嫂次一級(圖片來源:陳雅嫻Instagram圖片)
森美 對老婆口硬心軟 笑她比發嫂次一級(陳雅嫻Instagram圖片)
對老婆口硬心軟 笑她比發嫂次一級(圖片來源:陳雅嫻Instagram圖片)

森美感性發表愛妻宣言

森美曾於《森美旅行團》中體驗S.U.P(立式划槳)課程,試玩前,他還教大家追女仔:「追女仔時唔好成日諗住要送物質嘢,最好係送佢一段經歷,因為人對於物件嘅記憶力好短暫,但對經歷嘅記憶就好長!」不知森美又送過幾多段經歷給太太呢?

沿著北十間川小運河,划到東京晴空塔看日落,森美還幸運地遇上雙彩虹的意外驚喜。日落加上雙彩虹,兩人都感嘆為何伴侶不在身邊。當時體驗過後,森美哽咽地發表愛妻宣言,他說如果那一刻是跟太太來的話,他會很開心,他還心裡想假如下次再同太太來的話,他未必會再看到這個日落,見得到日落,又未必可以見到彩虹,猶如愛情:「總係對方唔喺你身邊嘅時候,你先會發現自己其實好需要佢。」說著說著,還感動得流下男兒淚,不過電視機前的森美嫂看到這一幕,會否也感動落淚呢?

圖片來源:TVB旅遊節目《森美旅行團》截圖、森美Instagram圖片、陳雅嫻Instagram圖片