海外升學唔一定赴英澳美加 到馬泰同樣可讀國際學校

海外升學唔一定赴英澳美加 到馬泰同樣可讀國際學校

近日移民海外升學再成熱話,我哋亦走到街頭訪問香港家長點睇!不少家長紛紛表示有為仔女諗定後路,就算唔係舉家移民,都想先送小朋友到海外升學再作打算。不過,除咗昔日嘅英澳美加等地,原來泰國同馬來西亞亦開始成為家長熱門升學之選,就連香港藝人羅敏莊亦計劃送女兒陳禛到泰國讀國際學校,同時為自己嘅退休生活作準備。

撰文:Crystal | 圖片:新傳媒資料庫、快樂姐妹花Facebook我要睇樓團Facebook

對香港未來失信心 不滿香港教育制度

Sunday Kiss之前做咗個街訪,問香港家長會唔會因應社會最近現況諗過帶小朋友離開香港。大部分受訪家長表示擔心社會現時時勢對小朋友有負面影響,形容「成個城市都好唔開心」,感覺香港社會退步,對香港未來失去信心。亦有家長認為外國教育比香港填鴨式教育更適合子女,有意送小朋友到海外升學。但有小朋友接受訪問時表示很喜歡香港,不願意出國讀書。

想睇街訪:

怕香港讀書壓力大泰國升學更開心

羅敏莊同好多香港家長一樣,擔心囡囡係香港主流小學升學會太辛苦,所以早喺三年前到曼谷置業,將香港的物業加按,希望為女兒在當地升讀國際學校作準備。羅敏莊指當地校舍大,學習環境舒適,想個女讀得開心,囡囡亦表示鍾意到泰國生活,而且泰國同香港距離只係幾個鐘機程,方便自己兩邊走!

3

羅敏莊一家不時到泰國遊玩

國際學校選擇多 價錢負擔得宜

羅敏莊有朋友嘅仔仔入讀泰國嘅國際學校,雖然香港亦有這間學校,但至少要六、七百萬入學,泰國嗰間幾十萬就可以。另外,曼谷也有不少外國人居住,相對上多國際學校選擇,而且課程國際化,將來銜接外國升學也沒問題,預計她中學後就會過泰國升學。

移民泰國有2大方法:

  1. 退休移民:只要年滿50歲,及有80萬泰銖的銀行存款便可申請 (不能在當地做生意或打工賺錢的,否則便屬違法)
  2. 投資移民:須與一名泰國公民聯名開立公司,而泰國公民所持有的股份須佔多數

大馬升學另一選擇 語言為最大原因

原來除咗泰國,喺馬來西亞讀國際學校嘅學費同係香港讀私立學校嘅學費差唔多。80後港媽Kelly為咗2個囡囡,四年前決定離開香港移居馬來西亞。2個囡囡入讀當地國際學校,唔單止無讀書壓力,學費仲非常平!Kelly話,移居馬來西亞唔單止令囡囡有返個快樂嘅童年,仲學習到如何享受生活。「揀馬來西亞嘅最大原因喺當地國際學校好多,佢哋嘅語言天份好高,社區配套都係全英文,小朋友可以好好咁學習國語同英文。」

為快樂移居大馬 私校價錢讀國際學校
細女陳真 大女陳穎

為快樂移居大馬 私校價錢讀國際學校

為快樂移居大馬 私校價錢讀國際學校

馬來西亞有超過170間國際學校,吉隆坡佔50多間。Kelly表示,其實囡囡都可以入讀馬來西亞政府學校,但基於學習環境同升學嘅前途最終選擇國際學校。馬來西亞有唔少英國或澳洲嘅大學喺吉隆坡設分校,依啲大學分校嘅文憑都是由當地學校發出,而馬來西亞大學學費普遍亦比當地平宜接近一半,等同學生可以用一半學費獲得英國或澳洲嘅大學文憑學位。

為快樂移居大馬 私校價錢讀國際學校

移居馬拉30萬港元定存即可:

港人可以馬來西亞第二家園計劃移居當地。申請《馬來西亞 第二家園 MM2H》條件,非常簡單,只需準備

  1. 近 6個月入息/政府退休金 證明,月入超過 rm10,000/ 約HK$20,000以上
    (付月結單或糧單證明)
  2. 港幣100萬 的6個月定期存款單 (此定期存款待移民局查閱後,定存資金可自由提取,不用保留)
  3. 申請無犯罪記錄證明 (即良民證)

如資料齊備,9成申請都可以獲批,審批需時約4-6個月。
當申請批准後,需要親身到馬來西亞任何銀行(匯豐/中銀/其他),開立定期存款戶口*即可,所以移居馬來西亞門檻真是相當之低。
*(如申請人年齡於50歲以下,須要rm$30萬/約HK$60萬;如申請人年齡於50歲以上,只須rm15萬/約HK$30萬)

更多精選內容