森美

森美拍廣告向父母吐心聲:自己畀阿爸阿媽嘅愛原來唔夠

育兒

廣告

DJ森美一向都出名口才好、轉數快,更是個出色的司儀,說甚麼話題都可以,但他就一向很少把家事掛在口邊。最近,森美就接拍了一個有關親情的廣告,他就在廣告內訴說自己跟父母的回憶,又指自己有些說話未曾向父母透露,說著說著更不禁流下男兒淚,場面十分動人。

撰文:Kammy|圖片來源:森美Facebook森美Instagram

森美拍廣告向父母吐心聲

現年45歲的森美在影片內透露,自己從未試過擁抱、錫過媽媽,甚至跟媽媽說「我愛你」都未曾試過。至於爸爸方面,森美就透露他在讀書時期發生的事,事件令他十分深刻,更深深地感受到爸爸對自己無私的愛。

森美表示,他以前讀赤柱的寄宿學校,有次他的爸爸載他到九龍區考試,但當時正滂沱大雨,車輛就更突然爆車軚,令爸爸十分焦急,因為他怕耽誤了森美去考試。說到這裹,森美已紅了眼眶。

他續說,當時沒有任何雨傘、雨衣,爸爸只頭戴膠袋就下車自行換軚。期間,爸爸更不斷叫森美:「你留喺度,唔好落嚟。」森美這時已忍不住流下淚來,他回想起這一幕依然歷歷在目,他表示:「係呢個情況你會感覺到,原來爸爸嘅辛苦令到你有安逸。」

森美:多啲見屋企人係重要

森美在片中透露,自己跟很多人都一樣,有時對自己子女表達愛意,反比跟自己父母吐心聲更容易,但每次見自己的子女時,都會不自覺地想起自己的父母,更指「多啲見返屋企人對我嚟講係緊要」。

森美:畀父母嘅愛原來唔夠

森美其後在網上發文:「越做得人地阿爸耐先至越發覺到,原來自己對阿爸阿媽嘅表達係咁唔夠!向來只係會對自己嘅仔女表達,有幾緊張佢地會同佢地講,但唔知點解,對阿爸阿媽有幾緊張,就好似永遠都講唔出口。以前唔覺得咁有咩問題,但係當仔女大到咁上下,佢地開始有自己嘅生活,開始離開我去搵佢地嘅天地,嗰種失落,令我體會到阿爸阿媽嘅心情,令我終於明白到自己畀阿爸阿媽嘅愛原來唔夠。所以今年我畀咗樣功課自己,就係要好好將心意傳遞」

森美與老婆恩愛24年 首晒合照

森美除咗係個孝順仔外,更一直係娛樂圈出名嘅好爸爸好老公。森美與太太Veronica(陳雅嫻)相愛24年,育有一對仔女,雖然森美經常分享育兒之道,不過絕少提及老婆。日前,森美同老婆去日本旅行,首次晒出二人合照,森美仲搞笑留言話:揾到個靚女合照!相片中嘅Veronica非常年輕,完全唔似2孩之母,保養得宜!

森美帶太太扮助手出國

森美早前接受訪問時被問到,生活被工作和兒女佔去大部分,仲有冇時間同太太拍拖?:「係少咗嘅,不過可以自己爭取。我最近開始帶團去四國玩,人哋畀我帶一個助手,我就當太太係助手,帶埋佢一齊玩囉!不過呢個助手好唔合格,第一個trip唔記得帶passport,第二個trip就狂買嘢,搞到我推住篋仲要手拎七袋手信同零食!」

問佢哋仲記唔記得第一面見太太嘅情景?第一下過電又係點解?森美憶述:「我一入行就識太太,成23年前,不過仲記得好清楚。第一次見面係商台大堂,佢喺度派緊果汁橡皮糖,周圍問人食唔食,嗰次我係冇食到嘅⋯⋯真係有感覺就係幾個月後我哋呢班DJ訓練班準備上台比賽,我係佢前一個出場,臨出去,佢叫我幫佢綁鬆咗嘅蝴蝶結。條裙係條碎花長裙,個蝴蝶喺佢背後,就係嗰一下,綁出事。」

讚發嫂投資有道

森美笑言:「有啲男人對太太好著迷、時時刻刻都覺得太太好好,但我又唔係喎。我係成個大叔咁款,日日見親佢就吟吟沉沉,吟佢呢樣吟佢嗰樣。但出去開工十幾廿個鐘,又會好掛住佢,不過打去就係粗聲粗氣咁問:『做緊咩吖?』見唔到太太時,我成日都有一個畫面,就係一間花店、佢好仙氣咁坐喺度,幫人包吓花、同客人傾吓偈⋯⋯唔知點解係花店,佢都冇話過想開花店。不過我太太都有個好處,就係知慳識儉,從來要求都唔高、平時又會同我坐廉航出去玩吓。我成日話發嫂嗰啲慳家得嚟又投資有道,我老婆呢啲就淨係知慳識儉守住我啲財,比起發嫂,次咗一級。」

森美隔空發表愛妻宣言 感觸流下男兒淚

其實森美一向很少公開談及太太,皆因太太Veronica是圈外人,希望保護家人。早前播出的無綫節目《森美旅行團》中,森美罕有講出愛妻宣言,仲感動到流下男兒淚,連拍檔黃心穎都忍唔住話:「好Sweet啊!」話說嗰集節目講到森美同心穎體驗S.U.P(立式划槳)課程,沿著北十間川小運河,划到東京晴空塔看日落,還幸運地遇上雙彩虹的意外驚喜!超・級・浪・漫!

森美試玩前,還教大家追女仔:「追女仔時不要只整天想著要送物質的東西,最好是送她一段經歷,因為人對於物件的記憶力很短暫,但對於經歷的記憶卻很長!」不知森美又送過幾多段經歷給太太呢?

日落加上雙彩虹,兩人都感嘆為何伴侶不在身邊!

森美感性發表愛妻宣言

體驗過後,森美更難得感性地發表愛妻宣言。他說:「如果那一刻是跟太太來的話,我會很開心,我心裡想假如下次再同太太來的話,我未必會再這到這個日落,見得到日落,又未必可以見到彩虹,所以我覺得,愛情總是對方不在你身邊的時候,你才會發現自己其實很需要她。」

說著說著,還感動得流下男兒淚,不過電視機前的森美嫂看到這一幕,會否也感動落淚呢?

在旁的心穎也忍不住說:「好Sweet啊!」