陳展鵬單文柔為愛女搞百日宴 小豬比超精靈可愛
廣告
陳展鵬同單文柔於半年內經歷結婚生女，今年4月宣布寶貝女小豬比（Quinta）出世，兩公婆不時都分享小豬比嘅相到社交平台，不過就大多用圖案遮住個樣，之前就有網民留言抨擊佢哋，當時單文柔就禮貌地回應，指小豬比出世百日後就會公開亮相。呢日，陳展鵬同單文柔就為愛女大搞百日宴，佢哋都終於公開囡囡嘅正面相，見到小豬比超精靈可愛，陳展鵬仲話囡囡好似佢！
撰文：Kammy｜圖片來源：單文柔Instagram，陳展鵬Instagram，微博
陳展鵬單文柔為愛女搞百日宴
陳展鵬同單文柔呢日為囡囡小豬比搞百日宴，邀請咗唔少親朋好友出席。相中見到，主角小豬比著住淺色格仔裙仔，配上頭飾，好乖咁畀媽媽抱住，超精靈可愛！其後，陳展鵬喺社交平台上晒愛女熟睡嘅樣，仲話囡囡好似佢！
張國強洩露「小豬比」中文名
有唔少藝人呢日都有份出席百日宴，呢日有份出席嘅張國強就係網上洩露，小豬比中文名叫「陳諾瑤」，仲話小豬比「全程非常乖乖和配合，沒扭計沒哭鬧，這麼大塲合也超合作，任抱任影，沒半點怯場」。
單文柔分享BB相及育兒心得
單文柔日前上傳「小豬比」拿住玩具的照片，剛好玩具遮住BB樣貌，單文柔寫道：「之前唔想俾小豬比抓傷面，幫佢戴了手套，後來發現佢經常緊握拳頭，網上話啱啱出生bb神經系統未發展成熟，屈肌強於伸肌！後來按摩手掌心，俾佢接觸唔同物件，慢慢佢開始打開掌心，我又長知識了」
一心想分享湊B心得，點知有網友留言批評佢同好多藝人一樣，一方面曬B，一方面又用emoji遮BB樣，仲話「怎麼啦？Baby冇面見人？」面對惡意批評，單文柔留言回應：「我很少回應對我評論，因為我尊重每個人的想法。其實我都是想家中長輩高興，家中有個小傳統，希望小豬比長到100日，身體再強些，才和大家見面。」單文柔和BB受攻擊，她未有動怒反而好有禮貌且EQ高去回應，獲網友大讚！
陳展鵬係好傳統嘅人，佢跟足中國人習俗不能讚初生BB，所以他之前接受訪問時話小豬比好曳：「BB係唔讚得嘅，所以佢係非常之曳，不過我哋依家已經 上咗手，小豬比一生出嚟好似Phoebe(單文柔)，但十幾日後又有啲似我喎！」
