【白色強人】細數馬國明6大孝順行為

【白色強人】細數馬國明6大孝順行為

有不少人都在追看TVB的電視劇《白色強人》,劇中陣容鼎盛,更有超有觀眾緣的馬國明坐鎮。馬國明在劇中飾演心胸肺外科主管、醫院副院長唐明,相信最多人留意《白色強人》的就是他與前妻唐詩詠的一段情,馬國明向她再次展開追求,最終成功復合。現實中,馬國明出名孝順顧家,愛屋及烏,一直被封「荀盤」,可惜暖男性格並未為他帶來好愛情運,入行多年情路十分坎坷。

撰文:Kammy|圖片來源:馬國明微博節目截圖,新傳媒圖片庫

白色強人》中勇敢求愛

馬國明在《白色強人》中為人正直,對他而言有人的健康是最重要,因而忽略了自己的家庭生活,劇中的太太唐詩詠亦因此而跟他離婚。不過,馬國明對唐詩詠多年來都念念不忘,早前唐詩詠疑似感染中東呼吸綜合症,馬國明就不惜一切闖入隔離區,陪伴對方等結果。

白色強人
在《白色強人》中,馬國明與唐詩詠離婚多年,但依然對對方念念不忘
白色強人
早前唐詩詠疑似感染中東呼吸綜合症,馬國明就不惜一切闖入隔離區,陪伴對方等結果。

唐詩詠馬國明分開後,馬國明便遇上李佳芯,二人發生微妙感情,從而發展出一段三角關係。不過,在最新一集《白色強人》中,馬國明決定再度追求唐詩詠,更指:「決定個一蚊膳養費以後都唔畀你。」二人最終復合成功,有情人終成眷屬。

白色強人
最新一集《白色強人》中,馬國明決定再度追求唐詩詠,二人最終復合成功

馬國明被封為「荀盤」

古語有云:「百行以孝為先。」不少人都覺得娛樂圈係一個大染缸,但其實圈中都有唔少孝順仔女,例如「男神」馬國明。現年45歲嘅馬國明入行多年鮮有是非緋聞,不煙不酒不夜蒲,唔使開工最多只係踢波陪伴家人,買樓係想令父母住得舒適,買車係想方便家人郊遊,佢曾經講過自己係好顧家嘅人,一切以父母為大前提,搵女友首要條件都要與家人相處融洽,所以從未想過搬開住,婚後亦希望和家人同住。

白色強人 馬國明

高學歷男神

馬國明1999年於第14期藝員訓練班畢業,而且同普通藝人一樣由跑龍套做起,直到指攝《衝上雲霄》先漸受重視。其實馬國明係一位高材生,同對人彭于晏入讀同一所學校加拿大英屬哥倫比亞大學,畢業於機械工程系,而女朋友黃心穎亦係喺呢間學校嘅金融與國際商業碩士畢業生,大家都係校友呢!

白色強人
馬國明在《白色強人》中飾演心胸肺外科主管、醫院副院長唐明

細數馬國明6大孝順行為

1. 曾揚言婚後與家人同住

馬國明曾經講過一切以父母為大前提,搵女友都要與家人相處融洽:「我係一個好顧家嘅人,所以做我女朋友,首要條件唔係靚,係要同我家人相處得來。我爸爸同媽媽出名好相與,如果結婚唔可以同父母一齊生活,咁就係女仔有問題,有問題就唔會結婚啦!我本身又唔煙唔酒,所以我接受不到女友食煙及劈酒,因為我唔鍾意煙味酒味。」

白色強人 馬國明
馬國明在2017年的劇集《降魔的》表現脫胎換骨!

2. 最愛繑著媽媽手臂行街

馬國明雖然劇接劇,但難得忙完這個乖仔有時間不時陪伴馬母,早年馬明曾經講過:「我喜歡繑住阿媽行街,十二、三歲時有幾年無繑,怕人家以為自己不成熟,會怕,即是才不成熟。」

白色強人 馬國明
馬國明最愛繑著媽媽手行街,他認為怕被人笑才是不成熟的表現!

白色強人

3. 初戀無疾而終 馬明:只因怕阿媽寂寞

馬國明當年初戀在加拿大讀大學時發生,因為女友要去多倫多讀書,雖然馬明想過跟女友一起去,但因爸爸做太空人留在港工作,而兩個姐姐已在另一個埠讀書,馬明想到得媽媽一個女人孤伶伶在家,怕她寂寞,所以最後決定留在溫哥華讀書,和女友相隔兩地,結果初戀維持約一年便結束。

白色強人 馬明
早前馬明趁冇工開陪母親去太古城商場為新居添家具,頭戴cap帽的他左手攬住盒雨傘架,右手又拎住一大袋汽水,與母親邊行邊傾行返新居。

4. 不愛夜蒲閒時踢波做義工

97前移民潮,馬明爸爸做「太空人」,媽媽陪兩女一子到溫哥華移民讀書,馬明是家中惟一男丁,所以所有粗重工夫如剷雪剪草都由他包辦,因做工程師的馬爸爸很希望子女都大學畢業,結果馬明揀在UBC機械工程系讀書,多年來看見爸爸努力工作辛苦供養三姊弟,去市區玩的車程加上住得遠所以馬明怕花費而甚少外出,偶爾會兼職幫補,這樣的生活直至畢業,亦因此養成不愛蒲的性格。而平日馬明不用開工的娛樂,除了踢波和陪家人,就是去做義工!

白色強人 馬國明
馬明不煙不酒不夜蒲,佢認為自己不是純情,只是口味問題,因為他不愛烈酒的味道,夜蒲場合覺得好嘈而已!

白色強人 馬國明

白色強人 馬國明
跟住阿媽同家姐去尖東做義工,見到馬明落車後,一馬當先行去將大盒紙皮箱逐一搬上車,期間女義工欲出手,馬明立即叫停,示意讓自己搬運,風度盡顯。

白色強人 馬國明

5. 後悔年少時鬧母親

孝順,也許會有犯錯的時代!馬明說過年少時把屋企看成酒店看待,回家不是吃就是睡。直至移民加拿大,全家只得他一個男丁,責任感才慢慢培養而來,馬明說令他至今難忘的一件事,是馬媽不小心把他一件名貴tee混在其他衣服一起洗,結果了其他染色,當時馬明好惡地罵媽媽之後更不理睬她,後來馬明見到媽媽跪在浴缸旁用心地嘗試洗淨那件染了色的tee,這畫面令他後悔也不禁落淚。畢竟衣服只值千多元,但媽媽卻不是用錢可以買到的!

白色強人 馬國明

白色強人 馬國明

6. 為父母 豪擲$2000萬買複式單位

馬國明的形象樸實,而且都是慳家男生,出道頭幾年一直冇買車,也甚少搭的士,多數會由住處搭地鐵去將軍澳站,再轉乘廠車到電視城返工,早年才買入四驅車,直至早前馬明以八十萬買入Benz,換掉駕了多年的四驅車,馬明說買車也只為全家放假郊遊。馬明與父母同住太古城多年,本身已是父母的物業,但去年他再花1,960萬買入頂層複式的過千呎單位,花過百萬裝修後最近已入伙。他又為了賺錢供樓,馬不停蹄,頻頻工作。但放假時亦會陪母親逛街,認真孝順

白色強人 馬國明
馬國明早前花1,960萬做業主,換上大屋,令父母住得更舒適。

白色強人

黃心穎追魂Call氹掂馬國明密謀赴美密會

「安心事件」發生逾兩個月,黃心穎遠走美國,進修為名,著草為實,被傷得徹底的男友馬國明一直留港拍《降魔的2.0》,以工作來麻醉自己。對於姣心穎,馬明被指未能忘情卻又未能釋懷,不過女友一直越洋追魂call,不斷上演一哭、二鬧、三上吊,耳仔軟的馬明亦開始動搖。猶記得心穎被踢爆倫食當日,馬明母親表現出前所未有的雀躍,以為一天都光晒,馬明從此可以遠離邪花,重歸母親懷抱,可惜馬明對於分手舉棋不定,畀心穎氹兩氹,仲密謀飛去美國私會。終於拍完劇放成個月大假,馬明日前盡孝道陪母出街,拖到實情景好溫馨,出發會心穎前呵母,無非都係想馬母息怒。

白色強人 馬國明

黃心穎一手做成的「安心偷食事件」,結果累完全家累全台,受影響人士多不勝數,而直接身受其害的男友馬國明,則一直處之泰然,很快就公開回應事件,對於女友的不忠,馬明從沒有說原諒或不原諒,亦拒絕回應是否會分手,他只是處處維護,所以被封「絕世好男人」。然而馬明心中的悲憤,只有他自己最清楚,呃到人呃唔到自己,出事後馬明一直沉迷在工作之中,日接夜夜接日拍《降魔的2.0》,收工即返家休息。

白色強人

馬明同心穎拍拖三年一直被利用上位,飽受情傷後依然為女友護航,並坦言知道事件後,好快冇嬲嘅感覺,反而係變成擔心:「我擔心牽涉到呢件事嘅所有人,任何一個受到傷害我都唔希望,我可以代表佢講少少嘢,我知佢都知道自己做錯,佢仲好年輕,未來仲有好長嘅路要走,希望大家畀啲空間佢!」

白色強人
有寶貝仔馬明拖到實一實,馬母全程蓮子蓉咁口,據知馬明經常投訴母親唔肯做運動,所以這日特登帶阿媽出外。

咬實唯一翻身機會

據知馬明唔想件事變得更複雜,所以唔想多講,他亦想等拍完套劇有時間諗清楚先再作決定,知情者透露:「心穎真係好帶挈,佢自己出事可以一走了之,可憐馬明要硬食,仲要扮冇嘢,睇得出佢呢兩個月開工都心事重重,已經捱到又殘又乾,所以佢想將感情事放埋一邊先。不過心穎就咬住佢唔放,日日都追魂發短訊同打視像電話,馬明最初都冇聽冇覆,想大家冷靜吓先,不過係人都知佢易心軟,最終佢都有keep住覆,畀心穎狂氹之後心情好番好多,不過佢唔會再盡信心穎,亦唔會抱太大期望。早前心穎話知道自己有一段長時間唔可以返香港做嘢同見屋企人,仲話自己情緒唔好,又話會亂諗嘢,好想身邊有個人陪,佢知道馬明拍完《降魔的2.0》有成個月休息,所以喊晒咁叫馬明飛去見佢,又話好掛住。事業已經一鋪清袋,心穎唯一可以挽回少少形象就係得到馬明原諒,而馬明見到心穎咁,亦好唔忍心,仲有成個月假,所以佢亦隨時起行。」

白色強人

白色強人
馬明拖實母親離開太古城寓所,過馬路時跟隨母親節奏慢慢行,呵護備至。
白色強人
辛苦拍劇拍足幾個月,馬明擔正的《降魔的2.0》終 於煞科,放大假至8月,可以靜下來解決感情事。

馬國明密謀赴美密會

《降魔的2.0》終於煞科,不用再捱更抵夜的馬明亦回復精神,早前他為新劇《白色強人》宣傳時,被問到有否聯絡女友心穎時,馬明拒絕回應,但表示心情已無大礙,受訪時更透露現時處於休息階段,除了宣傳新劇外,還接洽了不少香港及內地登台的工作搵真銀。再被問到會否去旅行散心?馬明說:「唔會,我接咗啲活動,而且我都冇乜嘢,一直都投入工作,希望大家手下留情。」據知馬明早已定了行程偷偷飛去美國與心穎私會,不過卻遭到家人強烈反對,而最大的反對聲音當然是馬母。

白色強人
由太古城步行去筲箕灣,路程最少要30分鐘,馬明不時被途人認出眼望望,但他都不以為意,繼續拖實阿媽做乖仔。

白色強人

白色強人
馬明出身於小康之家,向來慳家節儉,這日與母親幫襯平民茶餐廳,一樣食得滋味同開心。

家人強烈反對

與心穎拍拖前,馬明慳家樸實,凡事以家人為先,與母親的感情更是好到不得了,曾話過婚後都要與母同住。不過自與心穎拍拖後,馬明為迎合年紀細一截的女友改形象扮後生,花錢置裝又破費買禮物氹心穎,唔止買20萬一對情侶戒指面不改容,就連過百萬車都買,馬明更一改口風,明知母親與女友不能同一屋簷下,公開表示會努力搵錢買多層樓結婚,馬母對於心穎早已甚為不滿,不過仔大仔世界,無奈被迫接受。

白色強人
下午5時許,馬明母子經西灣河打道回府,行經燒味店,馬母要買乳豬為晚餐加餸,馬明乖乖站門外等。
白色強人
一名疑似燒味店太子女突然撲出要同馬明合照留念,馬母見阿仔咁受歡迎笑得好開心,馬明雖然爆晒瘡,一樣好樂意合照。

白色強人

直至今年4月驚爆「安心事件」,癡心馬明被重創,馬母被記者追訪時表現出前所未有的歡喜,心穎被撕開真面目,馬母以為不費吹灰之力就可以令馬明醒覺,卻不知道這段期間心穎原來一直在暗中補鑊𦧲復合。當知道馬明隨時會出發赴美後,馬母都好言相勸,知情者說:「呢兩個月嚟馬母都以為個仔會決心斬纜,因為唔見佢有提心穎,心情都好似平復咗,馬明唔係返工就黐家,同馬母關係又回復以前咁親密,馬母都有同馬明分析,話個女仔變咗心已經冇得救,就算勉強再一齊都會有條刺唔會有結果。馬明係孝順仔,佢唔會講大話呃阿媽,早前佢有提過會去探心穎,結果所有屋企人都反對,勸佢唔好再做傻仔畀人利用,不過忠言逆耳,馬明都係要去。」

白色強人
聲言放大假要接job搵真銀的馬明,日前遠赴蘇州登台,官仔骨骨大受歡迎。女友出軌困擾兩個月,近日難得見馬明精神飽滿,笑容亦重現。

母子情未變

情關始終闖不過,馬明做個好男友的同時,亦會顧及母親感受。本刊記者日前見到馬明拖住母親步出太古城寓所,二人悠閒地沿太古城道經西灣河行到筲箕灣,大熱天時身水身汗,但馬明全程都拖實母親手從未鬆開過,戴帽戴眼鏡都不時被途人認出,但馬明都一於少理,繼續母子溫馨行街。與母食完茶餐廳醫肚後,馬明再陪母去斬料預備晚飯,繼續手拖手行返太古城,期間馬母又陪仔入商場買CD,出發前都抽時間陪母行街呵番,睇得出馬明孝順的初心從未變。馬明已經45歲年紀唔細,係乖仔就回頭是岸,唔好再浪費時間同感情用事,快啲搵個合資格嘅新抱仔畀阿媽。

白色強人
孝順仔馬明唔止陪阿媽出街,仲負責拎住袋斬料,拖住阿媽行入商場,出來時馬明手上多了兩隻CD,冇嘢做宅在家,聽音樂娛樂吓都好嘅!
出事後冇面見人的黃心穎,經澳門飛去美國避世,雖聲稱赴美是進修,不過據知心穎在當地繼續享樂,唔使做,快活過神仙。

拍拖後愛屋及烏

黃心穎喺入行後一直都公開表示馬明係自己男神,最終二人於2016年指攝《為食神探》時結緣。其後一直盛傳黃心穎力追男方,但依然無阻二人發展,多次被傳媒拍到二人交往仍然否認,二人直到2018年先公開認愛。

白色強人 馬國明
二人直到2018年先公開認愛
白色強人 馬國明
之前女方30歲生日,馬國明仲陪女方一齊著校服示人

白色強人 馬國明

二人發拖後,一直少應酬嘅馬國明為配合女方,多次陪伴出席多個飯局。另外,女方三家姐黃心慧結婚時,更陪對方一齊飛到澳洲墨爾本出席婚禮,融入女方生活,愛屋及烏。

白色強人 馬國明
女方三家姐黃心慧結婚時,更陪對方一齊飛到澳洲墨爾本出席婚禮
白色強人 馬國明
馬國明仲成日陪女方去睇演唱會

情路坎坷 細數入行後三段情

1. 曾華倩

入行20年,三段情都是跟圈中人發展。06年,馬明和曾華倩被爆發展姊弟戀,兩人被影到拍拖勝地鯉景灣撐枱腳,更被影到曾華倩開車載馬明返香閨過夜,雖然兩人死口不認戀情,但馬明大讚對方是好女仔,指二人很合拍、有說不完的話題。

白色強人 馬國明
曾華倩

2.胡定欣

馬明於09年和胡定欣合作《舞動奇跡2》撻着,拍拖三年性格不合而分手,有傳當時未戒港女格的胡定欣嫌棄馬明為人老土、悶餅,馬明亦透露曾因冇梳頭、唔打扮、不修篇幅而激嬲定欣。自從2012年同拍拖3年的胡定欣分手之後就一直單身。

白色強人 馬國明
胡定欣

3.黃心穎

馬國明黃心穎直到2018年先公開認愛,女方更經常喺社交平台度公開放閃,十分恩愛。可惜近日黃心穎被拍到偷拍人夫許志安,馬國明慘被背叛。

白色強人 馬國明
黃心穎

更多精選內容