林夏薇結婚4年 分享夫妻相處之道|十二傳說

林夏薇結婚4年 分享夫妻相處之道|十二傳說

TVB新劇《十二傳說》以香港著名靈異事件為藍本,林夏薇在劇中飾演民俗學教授潘朵拉,更會追查香港的都市傳說。林夏薇去年因拍攝無綫劇集《逆緣》而獲觀眾們歡迎,不過人氣急升後就決定花多點時間陪家人,減少拍劇。近年,林夏薇大搞飲食生意,她曾笑言老公在精神上無限量的鼓勵她,十分恩愛!

撰文:Sunday Kiss,東方新地|圖片來源:林夏薇Instagram節目截圖

《十二傳說》揭新娘潭鬧鬼之謎

《十二傳說》以「新娘潭」、「狐仙」及「七姊妹」等十二個香港著名靈異事件為藍本,林夏薇在劇中飾演民俗學教授潘朵拉,首集就派搜索隊到新娘潭展開搜索工作,期間遇上飾演突發記者的蕭正楠,二人其後更會合力查出,是否有人利用傳說犯案。

林夏薇在劇中飾演民俗學教授潘朵拉
林夏薇與蕭正楠將會合力查出是否有人利用傳說犯案。

林夏薇嫁金融才俊

現年32歲的林夏薇於2015年低調結婚,老公為比她年長16年的莫贊生(Jason),Jason擁美國俄亥俄州立大學土木工程理學士,更擔任多間上市公司的高層,有指其身家逾二十億,成「廿億闊太」的林夏薇婚後亦發展飲食生意。

林夏薇

大讚老公博學又貼心

林夏薇指自己最鍾意做戲,而生意她說:「其實都係喺婚後先至開始多咗接觸,都係一個新手,都係學習嘅階段。」笑言老公沒有無限量打本給她做生意,只有精神上有無限量的鼓勵。

林夏薇
以為林夏薇低調,少談婚姻生活,豈料她講及丈夫莫贊生時滔滔不絕,一臉崇拜,冧樣盡現。

林夏薇

林夏薇表示,老公在生意方面是她的前輩,說:「會問吓佢呢方面嘅意見,我有好好嘅partner嘅,佢哋有做飲食方面嘅經驗,我都好相信佢哋,亦都做得好好、好放心。」至於生意上賺了幾錢,她則指沒有計過,只知生意慢慢上軌度。

林夏薇
經營點心及火鍋生意,分店愈開愈多,她指多得遇到好的拍檔。

對老公讚不絕口

林夏薇表示,老公為人比較指醜,說:「佢一向唔係好鍾意人影佢,佢比較低調,但依家都已經進步咗好多。」她更指自己是個識煮飯的太太,坦言:「佢浪漫過我,佢會好貼心去照顧,同埋我最欣賞呢個男人係佢事業方面每次都可以令我覺得呢個係全新嘅佢,佢唔單止做生意叻,原來喺學識方面都好博學,會講歷史、化學乜嘢佢都 可以同你講到,呢個都係我幾欣賞佢嘅地方。」

林夏薇
林夏薇經常開心 share出海泳照派福 更笑指老公是其御用攝影師。

林夏薇

逼老公睇「親熱戲」

被問到有冇俾老公禁拍親熱或者性感戲,她指:「我從來都無諗過佢會唔會介意,我仲要迫佢睇,對於我嚟講,係我嘅工作,佢又知道我係好努力去準備我嘅每一個角色,我成日話『今晚呢個你同我一齊睇!』佢會話:『你係咪變態㗎?成日叫我睇你嗰啲親熱戲!』但對於我嚟講,唔係咩親熱、亦無咩感覺。」

林夏薇

林夏薇 為生仔做足準備

林夏薇遇富愈富,有指婚後即穩袋兩億家用,仲有車有樓揸手,現與老公同住山頂獨立屋,閒時坐自家遊艇出海,生活寫意,不過莫贊生經常飛外地工作,一個人住咁大間屋,都係時候為獨立屋添個小主人。據知林夏薇老公婚後已心急想生仔,不過見老婆事業剛有起色,他亦願意讓步,不過年紀愈大生仔壓力都愈大。

林夏薇
日前林夏薇拖埋老公莫贊生出席林子善的婚宴,與堂哥林峯齊跟一對新人合照。

為了一擊即中,林夏薇近半年不停操弗自己,時刻保持最佳狀態,兩夫婦不時在獨立屋內的自家健身室做運動,知情者說:「之前薇薇一路拍劇搞到身體好差成日病,依家套劇終於煞科,佢就成日做運動又去睇中醫keep住調理,兩夫婦仲一齊去做身體檢查,大人健康啲,生出嚟嘅BB就更加健康啦!」

林夏薇
拍無綫劇日以繼夜辛苦到爆,林夏薇試過連續一星期每日只休息兩至三個鐘,體力透支令健康變差。

想生3個小朋友

去年林夏薇為新劇《逆緣》做宣傳,活動上麥玲玲師傅為眾人測字指點迷津,林夏薇以「明」字問添丁,麥玲玲指她有可能懷上龍鳳胎,她即場開心回應:「希望承師傅貴言,龍鳳胎梗係好。我哋好鍾意小朋友嘅,好想生3個,不過都要睇緣份,我同老公各有各忙,見都冇時間,好似同屋住,所以我拍完劇後會休息一段時間,可以多啲陪屋企人。」林夏薇所講的停工是指不再接劇,即使陀B成功,亦會照樣接其他工作及打理食店生意,不過一切都以生仔行先。

林夏薇
早前林夏薇與老公莫贊生由司機接載離開位於山頂的獨立屋。

林夏薇

結婚4年仍像熱戀

林夏薇與莫贊生雖然因為工作不是經常見面,但二人都珍惜相處的時間,不時互氹為日常生活增添情趣。早前本刊記者直擊夫婦二人由司機接送到中環,林夏薇去髮型屋恤髮,莫贊生就到附近閒逛等老婆,二人甚有默契。嫁入豪門非易事,要同富豪老公講心又講金就更加難,不過林夏薇兩樣都做到,現在停工生B,老公仲畀獎金,一億都當係碎銀,絕對是人生大贏家。

林夏薇
闊太生活出入有司機接送,林夏薇一個急call,司機極速到達。
林夏薇
林夏薇上車後再去接埋老公一齊返家。

林夏薇去年車禍 頸椎受傷

去年六月,林夏薇駕駛其保時捷跑車返回山頂住所途中,遇上交通 意外,疑遭小路出大路的保時捷四驅車攔腰撞到,座駕損毀,林夏薇還 因此撞傷大陣,涉事女司機被控不小心駕駛罪,案件日前(2月20日)宣 判,法官指林夏薇供詞前後矛盾,裁定被告罪名不成立,車禍受傷的林夏薇不滿判決,嬲爆在個人社交網撰千字文大控訴宣示不滿,無奈表 示:「人在做天在看,馬路殺手太多了,大家真的真的要小心!」

於車禍後,林夏薇即在 IG 上載 X 光 片,顯示其頸椎受傷情況,她的頸 椎亦明顯比正常頸椎冇晒弧度。

手經常麻痹

林夏薇反應咁激,除咗為攞回公道,女人傷大陣亦可大可小。據 知情者透露:「撞完車之後,老公已經即刻陪薇薇睇骨科醫生,醫生話 薇薇頸椎變形,尾龍骨又有幾節移位,要做一段時間物理治療,觀察 情況進展,受傷初期薇薇就算食住止痛藥依然痛到瞓唔到覺,手仲成 日感覺到麻痹,雖然已經做咗大半年物理治療,但到依家隻手仲會間 中有痹嘅感覺,咁耐都未好番,佢兩公婆又點會唔擔心。」

去年六月林夏薇駕駛其保時捷跑車返回 山頂獨立屋寓所途中,疑被小路出大路 的保時捷四驅車攔腰直撞,四驅車女司 機被控不小心駕駛罪,案件日前(2月20日)宣判,法官裁定被告罪名不成立,令林夏薇嬲爆不滿判決,在社交網撰千字文宣示不滿。

家人好擔心

貴為林峯堂妺,家族顯赫的林夏薇,15年下嫁身家豐厚金融才俊 莫贊生,Jason(莫之洋名)本想老婆婚後做少奶奶,畀過億家用任 使,不過林夏薇事業心重想做女強人,除咗拍劇又大搞飲食生意, Jason都讓步全面配合,直至去年家人發最後通牒,放聲氣希望盡快抱 孫,林夏薇同老公亦有共識,決定放下幕前工作步伐,火速幫老公造 人繼後香燈,今次車禍令生B計劃受阻,雙方家長都非常緊張。據知 情者透露:「長輩們吩咐Jason一定要照顧好老婆,必須要徹底治療康 復好先得,始終陀B腰骨負荷唔到會好辛苦,佢哋都話依家唔心急 得,好彩薇薇年紀唔算大,復原應該會快啲,Jason本身好鍾意小朋 友,本來薇薇一路有做開運動,身體keep得好fit,但今次整親條 腰,心情唔好連身體都差咗,呢輪就要中西合璧治療同調理!」

林夏薇
未知是否受交通意外影響,稍發現有可疑車輛或 跟車太貼就表現緊張,日前林夏薇帶埋愛犬孖老公外出,驅車到銅鑼灣遊艇會時遇上記者,兩人 表現驚愕!
林夏薇
記者表明來意後,林夏薇夫婦表現友善,不過就以趕時間為由未肯接受訪問。

搞大飲食王國

老婆受傷又嚇親,Jason當然心痛,為呵番老婆, Jason一早已有行 動,除了體貼陪老婆頻密覆診及做物理治療,更擲千萬氹老婆。據知 情者透露:「佢知道薇薇呢兩年好落力去搞自己嘅飲食生意,雖然生意已上軌道,但薇薇仲會不停諗啲新菜式去吸引食客,對生意好著緊,今次Jason就加碼出錢支持薇薇,又幫手搵舖搵廚 師,等老婆全心發展業務之餘又唔使咁操勞,佢仲同老婆講明 投資不設上限,只要薇薇鍾意,開多幾間舖都冇問題,有Jason咁落力幫手,唔使半年已經開多咗四間分店!」

財技了得兼學識廣博,正是莫贊生打動林夏薇最大原因,林夏薇就曾開腔大讚老公見多識廣:「做生意佢係前輩,會畀好多意見我!而且佢浪漫過我,會好貼心照顧我!」

揸車接老公

日前林夏薇由山頂寓所驅車到中環接老公莫贊生,當日薇薇駕駛的保時捷跑 車,正是上年六月出車禍被撞的車輛,跑車前面車門位置及車頭都明顯花晒又有凹痕。

交老公揸車

林夏薇會合老公莫贊生後即做 番乘客,交由老公負責駕車。

陪玩散心

林夏薇所言非虛,莫贊生出錢出力支持老婆搞大飲食王國外,還細心安排歐洲、美國等地旅行散心,讓老婆放鬆心情養 好身體。據知情者透露:「受傷之後,Jason見薇薇心情唔 好,揸車行返出事嗰條山路仲有陰影,盡量減少工作應酬,貼 身照顧老婆,盡量會自己揸車或安排司機接載老婆出入,一有 時間就陪老婆去旅行,等老婆可以放鬆心情去玩同買嘢。」受交通意外判決影響心情,日前林夏薇駕車外出亦明顯無厘心機,當日下午,林夏薇先駕車去新文華酒店接老公莫贊生,會合老公後轉由莫贊生駕駛,不過發現記者兩人就表 現驚愕,更將車駛至中環警署外,待記者表明來意,夫婦才放下戒心,但就示意不受訪,之後兩人驅車去銅鑼灣遊艇會 準備出海。公道自在人心,又有個財力雄厚兼錫自己的好老公時刻支持,薇薇都係時候收拾心情,冇嘢比養好身體為莫家開枝散葉更重要!

前後腳落車

林夏薇未有同老公一齊落車,反而在 車上等司機到來,才落車會合老公。

莫贊生將車駛到銅鑼灣遊艇會後,同老婆前後腳落車,其後再call司機到駛走保時捷。

速開四分店

除咗拍劇,林夏薇15年開始投資飲食生意,短短三年間已開設了十多間「功夫集團」旗下食肆,有指莫贊生近半年再擲千萬投資氹老婆,半年速開四間(天后、大角咀、新蒲崗、旺角)分店。

做生招牌

林夏薇除為舖頭做生招牌,還不時會落店舖監督業務,又會請圈中人試菜。

廚娘慰夫

林夏薇唔止係老闆娘咁簡單,更入得廚 房出得廳堂,煮得一手好菜的她,不時 在家下廚整兩味氹老公。

歐美遊放血

林夏薇於車禍撞傷大陣,除要做物理治療外,連心情亦受影 響,莫贊生近幾個月就不停陪老婆 歐遊散心,飛完美國又飛倫敦,周 遊列國享受生活呵番老婆。

林夏薇
自稱係「空中薇」、「時差薇」的林夏薇,真係坐飛機多過人哋坐車。
飛三藩市在機上食件三文治,林夏薇就不經意大晒身上行頭,鑽戒同鑽石鏈墜閃爆入鏡。

三個月就連飛兩轉英國,林夏薇更愛在名勝留倩影,不過低調的莫贊生就極少出鏡。

同老公遊倫敦睇街頭藝術表演。

性感出活動

去年約滿無綫,林夏薇暫停拍劇專心造人, 不過賺錢活動及大型盛事仍會出席參與,去年底她就以一身大露背盛裝出席華鼎獎。

豪派利是

家底豐厚的林夏薇,農曆年同圈中好友陳山 聰、林子善及趙希洛等團拜兼大派利是。

是非纏身

兩夫婦去年更是非纏身。擅長收購、融資的莫贊生,是多間上市公司董 事,身家估計高達30億,不過去年12月,在將軍澳電視城附近圍欄,莫贊生 被貼街招指他是空心老倌,令人質疑林夏薇同老公經濟狀況,不過,林夏薇 回應事件就直指無聊,更在IG連發三段文及Po出自己輕鬆在家布置聖誕樹 的短片,力證生活無憂及心情未受影響。

林夏薇
被貼街招後,林夏薇發文表示:「不爭、不理、不解釋!」

林夏薇係章子怡師妹

林夏薇於中央戲劇學院出身,同學院有章子怡、秦海璐、袁泉 ⋯⋯她指:「最近我返去見老師,都見到章子怡。」對於在香港發展,她認為是一個緣份:「因為我拎香港身份證,老師就覺得我其實可以試吓喺香港發展,加上香港演藝學院有嚟學校同我哋交流,嗰時香港話劇團有部戲招緊女主角,問我有無興趣,所以我就返咗嚟。」

林夏薇

林夏薇

堅持畀家用

雖然林夏薇家庭背景好好,但原來她指:「由細到大屋企教育我哋都係靠自己,大學嘅時候我都會拍吓廣告、雜誌,家用方面賺得多咪畀多啲,賺得少就畀少啲,可能嗰時我一個月只係畀五百蚊 ,但都係我對屋企嘅心意同責任感。」

林夏薇

林夏薇

拍劇林峯有畀意見

林夏薇是林峯堂妹相信無人不知,但對於她來說這並不是一個壓力來源,她表示:「我其實無諗咁多,亦覺得無所謂嘅,的確係因為人哋知我係佢堂妹,而多咗人認識,我希望可以通過自己嘅努力同埋時間係可以證明一切嘅,我覺得觀眾嘅眼係雪亮嘅!」

林夏薇

林夏薇

至於會否與堂哥林峯討論演戲經,她指比較少:「仲未入行,可能見到佢會問吓,佢有時會畀吓意見。入咗行之後就少 啲,因為佢都好忙,我亦都有自己忙嘅時間,同埋有老師、同學,多咗人可以問。」

林夏薇
認「林峯堂妹」這個身份的確令 她在初來港發展時加速了知名度。
林夏薇
在《乘勝狙擊》露白 滑肌膚及鎖骨,獲 網民大讚。

林夏薇於訪問中透露自己曾經於北京做過臨時演員,指:「試過拍嘢拍咗全日,連三十蚊酬勞都畀人呃攞唔到,但我都係覺得有機會就去嘞、就好開心,覺得係發揮、學習嘅好機會。」

林夏薇

林夏薇

對於有傳她退出娛樂圈,林夏薇斷言強調無這樣說過,指:「自己又有家庭,又有自己嘅生意,比較少有自己嘅私人時間,要畀番少少時間屋企人,例如我先生成日都話返到屋企,又見我唔到,希望多啲時間陪吓佢,陪佢做嘢,陪吓父母。」

林夏薇
林夏薇身形骨架一向纖細,而且從不用節食減肥,「我食好多嘢㗎!」果真得天獨厚!
林夏薇
常有淡出新聞傳出,外界亦普遍認為她嫁得好唔憂做,「唔係,你真係要幫我澄清吓,book多啲我做嘢!」

為拍劇學日文

林夏薇於去年的無綫劇集《逆緣》講日文令唔少觀眾感到驚喜,她表示自己是為該劇特地學日文,並且之前完全不懂,她說:「因為知要演講日文嘅角色,我都有啲擔心,但我又覺得好刺激,覺得又可以學多樣嘢,我搵老師,喺兩個禮拜內學咗五堂,之後公司都有安排上堂,我就雙管齊下兩邊都學。」

林夏薇
《逆緣》中的中日混血兒角色,甚受網民歡 迎,而網民似乎特別喜愛林夏薇戴眼鏡。
林夏薇
《逆緣》中,林夏薇與陳家樂飾演一對情侶。

更多精選內容