【湯水食譜】沙葛豬骨湯 生津潤燥 舒緩眼睛疲勞

【湯水食譜】沙葛豬骨湯 生津潤燥 舒緩眼睛疲勞

今次Blogger教路一款夏天湯水食譜,讓各位媽媽除了用煲冬瓜湯,都可以轉換其他口味,一樣有消暑解渴之用。沙葛有降血脂、血糖和預治心臟病方面的功效,胡蘿蔔能減少眼睛疲勞與眼睛乾燥。成個食譜材料便宜,但所含營養豐富,是為保健良品。一家主「煮」可以跟住一齊煲靚湯啦!

撰文及圖片來源:傑。斯與晴|編輯:Vicky

冬瓜湯湯水食譜

夏天熱辣辣,又唔想成日都煲冬瓜湯,仲有咩湯水可以煲?

我就揀咗用「沙葛」來煲湯!你又有無飲過?其實沙葛唔止可以用來煲湯,仲可以用來炒菜添架!而今次我煲嘅就係紅蘿蔔花生眉豆沙葛豬骨湯。

湯水食譜

功效:

沙葛:味甘、性涼、止渴、通便而且具解酒功效,所以於中醫而言係有食療作用。而西醫研究指出沙葛有降血脂、血糖和預治心臟病方面的功效架。唔單止咁,沙葛仲有清熱消暑、生津潤燥嘅效用,夏天同初秋都啱食!

眉豆:營養價值高,含有豐富蛋白質、脂肪和礦物質,對肝臟無負擔。眉豆其不溶性膳食纖維(IDF)有顯著降低血清中總膽固醇的作用。眉豆是滋補佳品,常作不同粥類的原料,更可被製成清涼飲品。

胡蘿蔔:含有大量胡蘿蔔素,具有促進眼內感光色素生成的能力,並能預防夜盲症、加強眼睛的辨色能力,也能減少眼睛疲勞與眼睛乾燥。

注意:

沙葛嘅種子及莖葉係有毒架,所以唔適宜食用!

紅蘿蔔花生眉豆沙葛瘦肉湯

湯水食譜材料︰

紅蘿蔔一條
花生
眉豆
沙葛
陳皮一至兩角
生薑數片
豬骨

湯水食譜

做法︰

1. 花生、眉豆及陳皮浸洗,備用。

湯水食譜

2. 將陳皮刮囊。

湯水食譜

3. 將豬骨汆水,備用。

湯水食譜

4. 將沙葛和紅蘿蔔去皮及切厚片。

湯水食譜

湯水食譜

湯水食譜

湯水食譜

5. 預先煲滾水,將豬骨、沙葛、紅蘿蔔、花生及眉豆放入。

湯水食譜

6. 最後加入果皮及薑片,並以大火煲滾再轉細火煲兩小時即成。

湯水食譜

湯水食譜

沙葛煲完湯依然爽甜味美,小JM都好鍾意食!你睇佢幾滿足!

湯水食譜

湯水食譜

更多精選內容