蕭正楠

公開蕭正楠黃翠如愛情保鮮秘技|十二傳說

娛樂

廣告

TVB新劇《十二傳說》以香港著名靈異事件為藍本,蕭正楠在劇中飾演突發記者傅子博,會與林夏薇一同合力查出是否有人利用傳說犯案,二人更有感情線。現實中,蕭正楠自去年突然爆出一句「我要多謝,我太太黃翠如」,令二人已婚的身分曝光,並在峇里補辦婚禮。蕭正楠同翠如由拍拖到結婚仍然處於熱戀期,不時在社交網站上放閃,現在就跟大家公開二人的愛情保鮮秘技啦!

撰文:Kammy|圖片來源:蕭正楠Instagram黃翠如Instagram

拍拖初期翠如遭抹黑為第三者

蕭正楠黃翠如喺2014年拍《師奶Madam》認識,當時佢哋分別飾演好窮嘅警察羅大樹同好有錢嘅港女警察花蘋,佢哋兩個獲上頭任命假扮夫妻,潛入一條屋村查案。而蕭正楠同黃翠如就因為喺劇入面假扮夫妻,加上拍劇朝夕相對,所以產生感情。

當時,黃翠如俾傳媒誤會佢係第三者,蕭正楠因為要幫黃翠如澄清而公開承認二人嘅關係,並且堅決否認黃翠如係第三者。雖然蕭正楠同黃翠如嘅愛情開頭開得唔係好順,不過第三者嘅不實傳聞好快就沉咗底,二人都越愛越高調。近年TVB都開綠燈,允許蕭正楠同黃翠如孖住一齊出席公開活動,以情侶檔搵真銀。

熬過四年之癢

美國羅格斯大學有研究指出愛情嘅壽命只有四年,唔少情侶去到第四年都會因為抵受唔住新鮮感嘅誘惑或者無辦法磨合到而分手,2018年正正就係蕭正楠 黃翠如拍拖第四年,面對住咁多不穩定因素,佢哋依然能夠繼續相愛。

連好友曹永廉都話佢哋兩個好夾好少鬧交,被問到蕭正楠 黃翠如幾時結婚,阿廉都好睇好佢哋,仲話:「話唔定佢哋已經結咗婚呢。」

蕭正楠:多謝太太令我學識點照顧人!

去年,蕭正楠同曹永廉憑《兄弟大茶飯》奪「最受歡迎電視拍檔」,由黃翠如、洪永城頒獎。蕭正楠講得獎感受時,正式公開黃翠如為太太,令全場藝員同事超驚喜!

蕭正楠:「Sorry sorry,我係好心神彷佛,拍戲或有人嗌我都唔知,我一直諗啲好浪漫嘅嘢感動我太太,但我個腦仔有限,唔識講好多嘢,好緊張,緊張咗成晚,我都唔記得要多謝你乜嘢。我多謝你令我學識去照顧人,令我學識做個更加好嘅男人,今晚呢個承諾都好大鑊,因為全香港人都知道。」黃翠如終於開口:「夠喇,夠喇,頒獎禮嚟㗎。」蕭正楠就聽話唔再繼續﹕「多謝大家畀呢個機會我講,多謝晒!」

 

婚後仍處於熱戀期

Sternberg(1986)提及過,情侶熱戀期只有兩個月,結婚一年之後夫妻感情容易變淡,男方嘅睪丸素會下降,會開始感到厭倦。蕭生蕭太拍咗拖已經四年,結咗婚都差唔多一年,似乎完全冇出現研究所講嘅感情變淡,反而好似拍得越耐越相愛。蕭生蕭太貴為TVB一線小生花旦,平時各有各忙,不過一有時間就會上IG放閃㗎喇!點放閃?蕭生蕭太咪喺自己IG不停Po對方嘅相,然後又打吓啲歌詞,例如:記住要共最美好的人分享每個夜晚。

除咗打歌詞,仲會幫對方宣傳吓新劇,提粉絲記住支持自己個honey。仲有仲有!讚吓對方係自己心目中嘅美女廚神咁囉!唔好以為冇喇,仲有㗎!小編覺得最sweet嘅就係有一次蕭正楠喺中秋節拍劇,佢就話有兩件重要嘅事,一就係中秋節快樂,二就係記得餵魚。所謂嘅魚,即係蕭正楠最深愛嘅翠如呀!真係sweet到爆!

蕭正楠 黃翠如2招保幸福

第一招:無條件支持對方

唔知大家有冇睇過黃翠如作客美女廚房嗰一集呢?黃翠如原來係地獄廚神嚟㗎!嗰集黃翠如煮咗羊膝俾主持食,全部主持紛紛俾負評俾翠如煮嘅羊膝,唯獨蕭正楠除外。蕭正楠喺節目入面話:「冇人欣賞你,我欣賞你。」仲大讚翠如BB煮嘅羊膝好好味、好甜,就連身邊嘅黃宗澤都忍唔住話:「愛,真係偉大!」

【美女廚房】「蕭黃」閃爆美女廚房

【美女廚房】「蕭黃」閃爆美女廚房蕭正楠同黃翠如打情罵俏打到上美女廚房!一句「無人欣賞你,我欣賞你」,哇真係感動全場啦!搞到翠如都眼濕濕! 小編都好想快啲見到佢哋有情人終成眷屬啊!#美女廚房 #cookingbeauties #蕭正楠 #黃翠如 #美女廚房爆笑精選即刻上 big big channel 睇 「蕭黃」閃爆美女廚房立即下載 big big channel 追蹤啦!iOS 版本:https://goo.gl/mKdpgYAndroid版本: https://goo.gl/koAb9o

Posted by TVB on Saturday, August 18, 2018

除咗蕭正楠支持黃翠如之外,黃翠如都好支持蕭正楠㗎,每逢蕭正楠有新劇或者新節目上映,黃翠如一定會喺IG度幫手宣傳,每次嘅caption都好sweet 好搞笑㗎!黃翠如為咗支持男朋友嘅節目,實在係絞盡腦汁呀!

第二招:製造小驚喜

拍拖四年,如果每日都過住一模一樣嘅生活,咪話唔悶,隨時悶到分手㖭呀!不過蕭正楠同黃翠如唔需要怕悶,因為佢兩個會不時為對方製造驚喜。之前蕭正楠喺橫店拍《深宮計》嘅時候,因為戲份提早完成咗,喺咁忙嘅拍戲生活入面,拍完自己嘅戲份之後蕭正楠並無停低休息,反而即刻買機票飛東京去探拍緊《Do 姐再Shopping》嘅黃翠如。但係,好衰唔衰,蕭正楠俾朋友出賣,驚喜曝光,黃翠如得知蕭正楠搭緊飛機過嚟搵自己,黃翠如於是就反客為主,調返轉俾驚喜俾蕭正楠,走去機場接蕭正楠機。

可能呢兩招大家會覺得好平凡,冇咩特別,但係正正就係因為呢啲嘢好簡單,大家都忽視咗呢兩招有幾有效。有時候唔一定要靠物質禮物去維持關係,簡簡單單好似蕭正楠同黃翠如咁,都已經可以幸福一輩子。希望喺2019年可以再次聽到蕭生蕭太嘅好消息,儘快剩個小蕭蕭或者小翠如啦!

蕭正楠黃翠如 峇里補辦婚禮

上年,蕭正楠與太太黃翠如突然宣布已婚,令不少人非常驚訝。當時,二人對婚禮細節一切都十分低調。然而,早前兩公婆各自於個人社交網分享多張結婚相,原來他們於峇里島補辦婚禮,場面非常幸福!黃翠如於IG上載多張相,並留言寫道:「一年前,送給我們兩個人的一個婚禮。一年後,送給父母的婚禮。有你們,就有愛。感謝我的爸爸媽媽,你的媽媽和天上的爸爸仔,讓我們這一天,聚在一起分享愛。那個早上,再遇彩虹。」

翠如更留言大晒愛的表白,指:「你是一個沒有太多想法的人,就是喜歡傻傻笑地跟著我走,我說我喜歡簡單的美,淡淡的艷,你也跟著說你喜歡,好吧,就這樣,你跟著我,我跟著你。這個男生,我喜歡。」

多張相中,均感受得到二人的甜蜜氣息!

蕭正楠亦有於IG上載婚照,同時亦sweet爆留言:「這天媽媽親手為我戴上一條小金鍊,說是爸爸仔留給我的,原來您在生時已經為我準備好,我知道您當天一定有在場看着我們,謝謝您。」

阿蕭更情深表示:「我喜歡愛着你笑。請你一直快樂地笑下去和我走這一輩子。如果你不嫌棄…下輩子我們再約定…拍一下對方額頭就會記得對方。」,相當sweet爆!