譚俊彥

譚俊彥入行19年 拒靠父上位|包青天之再起風雲

娛樂

廣告

多年來提起譚俊彥,大家都會加上「狄龍個仔」呢四個字。貴為星二代、現年38歲嘅譚俊彥入行19年,自早年簽約TVB做親生仔,套套劇都孭重飛,包括正在播放嘅《包青天之再起風雲》!不過,譚俊彥直言曾聽到不少冷言冷語,有人認為他憑什麼擔正做男主角,但他會更努力去工作,證明自己是肯做、有實力的演員,而不是靠父蔭上位。

撰文:Sunday Kiss、東方新地|圖片來源:新傳媒圖片庫、譚俊彥Instagram譚俊彥微博

世襲接演包拯

依家播緊嘅《包青天之再起風雲》由譚俊彥飾演包拯,將與幕僚公孫策(曹永廉飾)、侍衛展昭(張振朗飾)等人合力打擊歪風,劇內更會與胡定欣姚子羚一起屢破奇案。其實,譚俊彥爸爸狄龍都1995年的電視劇飾演「包青天」一角,對他而言壓力固然之會有,不過其壓力來源主要是因要飾演一個傳奇人物,而不是跟爸爸比較。

譚俊彥拍《特技人》受傷縫18針

譚俊彥在早前播映的《特技人》中有不少動作戲,例如飛車、爆破等危險場面,但他經常堅持親身上陣,連同劇嘅關楚耀都大讚佢好多戲都好搏,原來拍攝其中一場碌落山戲份,他的手掌被玻璃割傷,當場血流如注要送院治理,傷口要縫18針!

譚俊彥 《天命》做皇帝

早年主力在內地發展的譚俊彥,前年「回歸」香港,簽約無綫成為「親生仔」後,拍首部劇集《天命》已坐正做「男一」,夥拍視帝陳展鵬扮演的和珅鬥智鬥力,有觀眾認為飾演「嘉慶帝」的他穿起龍袍有帝皇風範,但也有網民則認為他太用力演出,略嫌過火!

還有一部未出街的劇集《十八年後的殺人告白》,他都是「男一」!譚俊彥接受傳媒訪問時透露,簽約無綫成為「親生仔」後,不少人都問點解他會拍TVB劇?憑什麼可以演這些角色?公司很多人會𥄫實他,看他到底懂不懂演戲。他說:「我唔敢講我演技好,但至少我會敬業,唔會遲到,每場戲都會做到最好!」

很多人也以為譚俊彥有父蔭,工作上也較順利,容易得到厚待。但他卻情形剛好相反:「以我的嘅身份,去到邊度都唔會有特別待遇,正因為我是狄龍的兒子,反而會付出更多的努力,去證明自己都有實力。」

譚俊彥入行19年 多做大茄

嘅譚俊彥自2000年加入爾冬陞旗下入行,拍咗套梅䒐芳主演嘅《慌心假期》,之後拍過《男人四十》、《少年阿虎》等電影,都只係做大茄。

03年譚俊彥轉戰內地,拍過林峯主演嘅古裝劇《陸小鳳與花滿樓》,以及劉愷威主演嘅《抓住彩虹的男人》等,但大家提起佢,仍然只記得係「狄龍個仔」。

2015年,譚俊彥同內地女演員任祉妍結婚,同年誕下大女譚晴(Renee),去年再誕細仔譚杺(Rex),湊夠一個「好」字。

譚俊彥說太太任祉妍是舞台劇演員,受過傳統訓練,工作會給很多意見。夫妻相處少不免有爭駁,但二人會以大局為重,讓一下對方!

去年譚俊彥38歲正日生日,他在社交網上載和老婆仔女及爸爸狄龍合照,留言:「Thank you so much for all the birthday wishes ❤(非常感謝所有的生日祝福)」。相中嘅譚俊彥抱住大女譚晴坐喺度,老婆就捉住佢隻手,而狄龍就抱住孫仔譚杺,幸福滿滿!

譚俊彥為家人回流香港

2016年譚俊彥由內地回流香港,簽約無綫做親生仔,佢話最大原因係想有更多時間陪屋企人:「我想陪多啲家人,尤其個女(譚晴),嗰陣(2015年)佢出世冇耐,我就即刻去咗開工,覺得欠咗佢哋好多,同埋我個女喺香港出世,所以想多啲時間喺香港,呢度就算我開到幾點,我都可以攬住佢,同佢哋多咗相處時間,呢樣係大陸拍劇,就算幾多錢都賺唔到。」

百厭仔曾被罰困狗籠

去年父親節譚俊彥孖父親狄龍上節目《爸爸的告白》互訴父子情,講到小時候譚俊彥因太百厭被狄龍罰困狗籠,譚俊彥話當年佢同隻都柏文困埋一齊,驚到發燒,而狄龍就指呢件事亦係佢心中嘅一道疤痕,更向譚俊彥道歉謂︰「係爸爸唔啱!其實我後來都了解到用呢類壓力式方法去改變一個人,只會令佢驚,但唔會令佢了解到事情嘅真相。」兩父子借機冰釋前嫌。

譚俊彥仲喺節目中親自下廚,為老婆同一對仔女煮牛扒同麵食做晚餐,十足住家好男人!