沈月

沈月獲邀出席巴黎名媛舞會 試晚裝散發女人味

娛樂

廣告

被傳媒譽為最靚星二代沈月,似足媽咪邱淑貞,沈月不時都會喺社交網站上分享靚相。最近,沈月被獲邀出席11月舉行嘅巴黎名媛舞會,為尊重場合,佢特意飛往巴黎試晚裝裙,仲上載多張試衫相同2020必買手袋,超有模特兒風範,好多人都大讚沈月亭亭玉立,成個優雅淑女咁好靚女!

撰文:Kammy|圖片來源:沈月Instagram沈日Instagram

17歲沈月獲邀出席巴黎名媛舞會

17歲嘅沈月一向都深得網民喜愛,最近佢就飛到巴黎試晚裝裙,仲上載多張試晚裝嘅相。相中見到,沈月遺傳到媽媽邱淑貞嘅優良基因,笑得好甜美,仲擺出多個甫士為雜誌進行拍攝,超有專業模特兒嘅風範,散發出陣陣女人味!

沈月
沈月遺傳到媽媽邱淑貞嘅優良基因,笑得好甜美
沈月
仲擺出多個甫士為雜誌進行拍攝,超有專業模特兒嘅風範
沈月
真係好靚女!

巴黎名媛舞會(Le Bal des Débutantes)係世界10大頂級晚會之一,出席嘅人非富則貴,當中包括皇室成員、富豪、星二代等,每年只約20位、年齡係16至22歲嘅少女同其男伴能夠獲邀出席。曾經出席過嘅包括賭王何鴻燊四房女兒何超欣、霍英東外孫女劉澤儀等。

沈月
曾經出席過巴黎名媛舞會嘅包括賭王何鴻燊四房女兒何超欣

最靚星二代

邱淑貞(豆鬥)作為九十年代的性感女神,係唔少男士心目中完美的化身,不過佢自1999年嫁畀時裝公司IT老闆沈嘉偉後就淡出幕前。豆鬥結婚後替老公誕下三個女兒沈月、沈日及沈晨,其中長女沈月生得亭亭玉立、氣質出眾,皮膚及標致面孔都甚有母親的影子!雖然沈月平日多以淡妝或素顏示人,不過都足以睇到佢係個美人,相信過多幾年後能與母親匹敵!

沈月

14歲沈日晒靚相撼家姐沈月 網民:都係家姐靚啲!

沈家有女初長成,沈月同沈日兩姊妹都遺傳咗媽咪嘅良好基因,繼上次沈月幫爸爸沈嘉偉公司品牌行Catwalk之後,妹妹沈日原來都好識擺Pose!日前沈日去咗行藝術展,身穿黑色背心同短裙嘅佢,露出小蠻腰同長腳,被網民讚靚!

沈月
妹妹沈日原來都好識擺Pose!
沈月
沈日(中)、沈月(右)
沈月
沈月

17歲沈月化身超模行Catwalk

17歲嘅沈月,完全遺傳咗媽媽邱淑貞嘅美貌,甚至比全盛時期嘅邱淑晶更有仙氣!對時裝一向有濃厚興趣嘅沈月,日前遠赴倫敦出席時裝周,更首次為爸爸的時裝品牌站台,打頭陣行CatWalk。一出場,沈月已經引起現場起哄,年紀輕輕嘅佢完全冇怯場,帶領一班Model行騷,以超Cool嘅表情完成CatWalk。

沈月獲邀出席巴黎名媛舞會 試晚裝散發女人味

沈月妹妹沈日都忍唔住喺Instagram留言:「i’ m so proud of you gorgeous」(我真的為你感到很驕傲,非常漂亮!)

沈月

沈月由細靚到大

自小遺傳媽咪最強基因的沈月,絕對得天獨厚由細靚到大,近年更拍得住女神靚媽邱淑貞,去到邊都成傳媒焦點,多狂蜂浪蝶埋身外,亦被各大娛樂公司老闆爭崩頭想羅致旗下。

沈月

9歲輪廓精緻

當年只得九歲的沈月已經輪廓精緻,小小年紀就好有明星風範。雖然阿媽邱淑貞落閘唔畀女兒入行,但早年沈月就為慈善拍宣傳照,半隻腳踏足娛樂圈。

沈月

14歲晒腿搶鏡

早熟的沈月,14歲時已經長得亭亭玉立,15年以一身高貴Look晒長腿陪媽咪參加古巨基婚宴,搶盡風頭。

沈月

15歲小豆斗

當年只得15歲沈月現身香港巴塞爾藝術展,完全倒模媽咪女神風釆!

沈月