多寶魚三文治  魚柳當麵包

多寶魚三文治 魚柳當麵包

多寶魚火腿三文治$328 法國多寶魚柳扮麵包,餡料有巴馬火腿和小白菜葉,賣相極似三文治!配菜有小龍蝦肉、小白菜和炸薯仔。
多寶魚火腿三文治$328
法國多寶魚柳扮麵包,餡料有巴馬火腿和小白菜葉,賣相極似三文治!配菜有小龍蝦肉、小白菜和炸薯仔。

多寶魚三文治 魚柳當麵包

三文治多是在餡料上有變化,但歐陸餐廳Zurriola新任德籍總廚Daniel Birkner就在麵包上花心思,自創全新主菜多寶魚火腿三文治,用法國多寶魚柳扮兩塊白麵包,夾住巴馬火腿和小白菜葉,驟眼看,真係好似三文治!食落仲好嫩滑鮮味,絕對唔係普通魚柳包。另外,估佢唔到嘅主菜仲有脆釀豬蹄,賣相好似連鎖店的蘋果批,做法亦有別一般南部炸原隻豬手,先將豬蹄去骨起肉,連同木耳和番茜等釀回豬蹄內,蘸麵包糠再煎至金黃,是大廚家鄉德國西北部的做法,全港獨家。

脆釀豬蹄$268/一人份 賣相和做法都有別於常吃的德國豬手,吉列豬蹄外層裡面是豬蹄肉和木耳,配紅酒牛油及芥末醬、椰菜及薯仔,香口惹味,全城獨家。
脆釀豬蹄$268/一人份
賣相和做法都有別於常吃的德國豬手,吉列豬蹄外層裡面是豬蹄肉和木耳,配紅酒牛油及芥末醬、椰菜及薯仔,香口惹味,全城獨家。
Zurriola
地址:尖沙嘴彌敦道100號The ONE 18樓
電話:2253 7111
營業時間:12pm-2:30pm、6:30pm-10:30pm
付款方式:現金及一般信用卡,另收加一
前往方法:港鐵尖沙咀站B2出口
每人平均消費:$400

 

撰文:Fiona

更多精選內容