孫慧雪

孫慧雪患8cm腺肌瘤險不孕 用提早更年期方法成功生B

育兒

廣告

37歲靚媽孫慧雪早前榮升新手媽媽,囝囝Riley月底都滿兩歲,她透露剛生完B體重飆升至147磅,後來三管齊下修身,成功在2個月減去27磅,身材更勝從前,今年再次殺入書展加入寫真混戰,與同是人妻 人母的溫碧霞羅霖鬥過。她更在寫真散文集剖白,當成患瘤,險不孕還要把全個子宮割掉。

撰文:東方新地 圖片:新傳媒圖片、IG

孫慧雪 打半年停經針

樣子甜美兼擁有33C魔鬼身材,被網民捧為「宅男女神」的孫慧雪,16年為紀念入行10周年,推出首本寫 真集《 Once 》好評如潮,今年再接再厲出寫真,唔係為突破性感界限,原來只為圓心願。大學時主修語文系的阿雪,好想將個人經歷同人分享,今次趁書展推出散文寫 真集《那個願沒有圓》,除咗大晒火辣身材,還大爆曾患腺肌瘤,差點不能成孕,對於成功誕下囝囝,阿雪接受本刊訪問時感觸良多:「嗰時發現患咗腺肌瘤,有成8cm大,因為喺子宮內膜好深入嘅位,根本做唔到手術,除非係將成個子宮割走,當時醫生話我懷孕機會率好低,我喺醫院喊到收唔到聲,後尾,打咗半年停經針,用提早更年期方法,希望令個瘤縮細,好彩個瘤真係縮細到1cm ,自己就把握時間生BB ,能夠生咗囝囝真係好開心,雖然依家個瘤又去番5cm大,要食藥控制住,其實一直以嚟,自己都冇講呢件事,今次出書,真係好想用正能量去鼓勵人,只要有信念積極去試,冇嘢係做唔到,希望大家遇到困難千祈唔好放棄,唔放棄你就會成就好多意想唔到嘅嘢!」

 

 

冇畀老公審批

身材向來有睇頭,今次寫 真阿雪亦豁出去以最性感一面派福利,如此誘惑,她卻透露事前未有經老公審批:「老公好信任我,佢知我好有分寸唔會亂嚟,亦唔會刻意賣弄性感,所以唔使畀佢審批,不過,佢都講咗話自己唔會睇!」雖然表明冇眼睇,但阿雪老公依然以行動撐老婆,日前阿雪在會展出席完寫 真宣傳活動,老公就帶埋囝囝駕車接她,一齊去銅鑼灣逛街,全程表現恩愛甜蜜,抱實寶貝仔的阿雪更笑到見牙唔見眼,有老公錫又生咗得意仔,幸福滿瀉!

緊張人媽

入行十三年的孫慧雪,16年12月同拍拖六年從事木材生樓合共市值超過億的富二代男友羅天彥結婚,富貴老公被指擁有地舖及寫字7,000萬物業,有老公錫翌年更誕下囝囝Riley,婚後減產的她,湊仔親力親為,在個人IG就不時po出同囝囝的親密互動相片,是個稱職好媽媽!

發放正能量

三年前出過寫 真《Once》紀念入行十周年,今年阿雪推出的寫 真集就夾雜埋散文集,除咗大晒33C驕人身材,更撰文抒發自己人生經歷,發放正能量鼓勵大家積極圓夢。

白Bra誘惑

寫 真散文集內附有唔少噴血寫 真照片,其中穿著白Bra僅以白紗遮掩若隱若現晒激凸身材,更是充滿誘惑,阿雪揚言老公冇詐型,但就表明 唔會睇,似乎真係對老婆派福利有啲酸溜溜!

升cup澎湃
囝囝Riley月底就滿兩歲,37歲孫慧雪做咗人母,身材依然keep得甚fit,上圍更比前升cup變得更澎湃。