免費下載邏輯小遊戲  觀察事物規律 訓練邏輯思維

免費下載邏輯小遊戲 觀察事物規律 訓練邏輯思維

大家有無試過同小朋友玩邏輯小遊戲?最開始可能會因為概念比較抽象,覺得呢個mission難度好高?但其實只要耐心慢慢引導,通過小遊戲慢慢引導,自然可以培養出小朋友這方面的能力。

撰文、 圖片:荔枝孖媽 |編輯:TLY

排序遊戲訓練邏輯思維

心理學家Jean Piage 相當重視幼兒的「邏輯」能力,你知道嗎?幼童由開始玩排序遊戲,就係培養幼兒邏輯力的有效途徑。

學齡前,小朋友的思維主要靠感知和動作來完成。小朋友會透過聽、看、玩的過程中,來進行思考。

而5歲以下的幼童,基本上仲未形成抽象邏輯思維,但家長亦可以慢慢開始加入一些基本邏輯思維的訓練作為開始:
邏輯

免費下載邏輯小遊戲

慢慢地通過遊戲,家長都可以引導小朋友去觀察事物,提升專注力

同時亦可以幫助小朋友理解抽象邏輯,培養洞察力。

今次呢個小遊戲目的:

1. 觀察事物規律

2. 訓練邏輯思維

3. 辨別物體差異

4. 透過小朋友日常接觸的物品,增加趣味性及投入度

家長只需要彩色打印出來,之後將需要序列的小圖案預先剪好,就可以啦!
邏輯
呢個完成序列的小遊戲,可以幫助加強小朋友邏輯思維能力。

提一提,我地做家長的切忌操之過急,要以耐心同趣味慢慢引導。

希望大家都喜歡這個簡單又省錢,大家都可以自己在家自製的教材啦。邊過小遊戲以趣味去引導小朋友邏輯思維,從而激發小朋友學習興趣!

請下載 免費邏輯小遊戲練習紙

之前我哋都有一些文章開心share過孖媽作為佢哋私人御用嘅體適能教練,為幫孖寶設計唔同感統訓練的要點,依家好開心兩個小人有時都會自己要求做體操,佢哋覺得好好玩,而孖媽就可以繼續幫佢哋玩住咁做感覺統合訓練啦。

訓練身體各部位

今次set呢個跨欄、走半圓形榴槤球腳踏石、仲有爬過底欄都係訓練緊唔同的身體部位及感官。簡單講一下,首先跨欄就可以幫助身體平衡能力。體適能教練可以先預備一支柱體分別固定在雪糕筒或椅子上離地大約15-20cm高,可以試下畀小朋友試下雙腳輪流抬高跨欄,如果無做到雙腳唔緊要,可以先讓他們慢慢由單腳抬高跨欄做起,每個小朋友都有自己的步調,我們應該由他們能力所做到的盡量從旁輔助,太多介入反而會造成反效果。呢個跨欄對訓練小朋友平衡力、促進身體協調和邏輯思維都係大有幫助!

邏輯

為何要感統訓練?

可能大家會問,點解要對小朋友進行感統訓練呢?

因為有一啲小朋友係成長過程中容易產生下列一些問題,我哋做感統訓練就正正係可以幫助糾正偏差,提高學習能力。如果你發現小朋友可能注意力不集中、好動不安、沒有太大嘅自制力,成日都劇烈跑跳,尋求強烈刺激, 又或者小朋友閱讀時易漏字、添字、容易計算錯誤、倒轉了字來寫,又可能分不清p或q、b或d,亦有可能情緒不穩定、比較貼身、怕黑、膽小、成日喊、易衝動、動作唔係太靈敏、成日都跌跌碰碰、又可能著衫等自理能力唔係太好,感覺訊息包括視覺、聽覺、味覺、嗅覺、觸覺、本體覺和前庭平衡覺,簡單啲黎講小朋友可以有效處理各感覺訊息,就更易專注學習,情緒穩定。

若小朋友係觸覺、本體覺和前庭平衡覺出現問題,可能有機會會害怕被擁抱、唔敢打鞦韆同玩滑梯、執筆無力、唔喜歡跑同跳等等……

我哋做感統訓練就可以促進大腦功能發展同成熟,從而幫助小朋友更有效地適應環境,提高小朋友學習技能同體能,幫助小朋友享受成就感同建立信任感!

邏輯
從遊戲中訓練

接下來,再講返行半圓形榴槤球腳踏石,其實就正正係觸覺嘅練習,促進視覺運動協調,同時亦可以促進兩側協調,最重要係有助刺激觸覺,而且對促進本體同前庭感覺都有幫助。
邏輯

最後,孖媽今次set呢個爬過底欄嘅setting,同樣可以幫助小朋友係爬行時獲得前庭覺嘅刺激,而手腳同地面嘅接觸則可以有助觸覺嘅刺激,加上爬行需要全身都用力,因此本體覺其實亦都係可以同時得到刺激,爬行嘅時候的確手腳需要用力去支撐身體嘅重量,咁亦提供咗足夠嘅本體覺刺激比小朋友嘅大腦,仲可以令手腳嘅肌肉力量開始慢慢提升。如果有咩唔明,當然最好梗係搵返你嘅兒童體適能教練去了解同詢問返啦。
邏輯
孖媽我希望將呢啲好玩又可以親子訓練小遊戲整理出黎,同各位有需要嘅家長分享,其實都係一啲唔需要洗咩錢嘅遊戲。

小朋友需要嘅係陪伴,但同時佢哋需要嘅亦係有智慧有方式嘅陪伴喔!希望大家都可以陪住小朋友開心玩樂中學習喔!

我和孖寶的Facebook Page:荔枝與孖寶

我和孖寶的 Instagram IG#:laichimama

Oh爸媽 – ohpama.com:Featured Bloggers

MamiBuy香港媽咪幫:駐站部落客

Sunday Kiss:Featured Bloggers

SuperMami HK:Featured Bloggers

關鍵詞
邏輯遊戲

更多精選內容