海馬仔開學小分享

海馬仔開學小分享

差不多一年前考了這間幼稚園,終於都到了返學嘅日子了。上年與海馬仔第一日上PN班時,媽媽我又驚又興奮,驚係怕準備少咗開學的東西,驚第一次海馬仔分離3小時會唔會大喊,好似要佢細細個2歲就上堂;興奮又帶點感觸係佢好似大個,要開始成長記錄的新一頁,唔止海馬仔喊,媽媽也喊了起來!

撰文、圖片:海馬媽媽|編輯:TLY

為小朋友開學作準備

今年K1返新一間學校還是緊張,但開心多過擔心,而準備的東西少了物質上的準備,反而多是心靈上的準備,有一些開學小分享:

1.早一些時間告訴海馬仔要轉校啦

海馬仔:「點解呀?」
媽媽:「因為大個仔啦,畢業啦,要轉新學校啦!」

開學

 

2.介紹新校服新書包

媽媽:「這是你的新校服新書包,著起上來好靚!好似大哥哥啊!」

開學

 

3.閱讀有關返學的書籍

可以講解到學校是一個什麼地方、返學是做什麼、有什麼人在學校⋯⋯(介紹返學中、英文版的書籍都有)

開學

4.預演返學及到校園觀察

我與海馬仔預演返學一次,由家到學校再介紹學校內的設施及外貌,讓佢心靈上有準備。

開學

 

5.與老師多溝通

轉一間新校再適應新老師,與老師多溝通,讓他盡快了解小朋友嘅習性、性格,也會大大幫助到小朋友適應新環境,減少分離的不安。

開學

 

 

6.鼓勵和獎勵

鼓勵海馬仔回家做小老師教媽媽和分享校內發生的事,獎勵海馬仔叻叻上學聽老師上課,給予多一些鼓勵和適度的獎勵也有助小寶寶成長和愛上返學。
開學

第1日返學:海馬仔與媽媽一起上堂,對著陌生的環境有點害怕,但仍乖乖的上堂,自己行返學

第2日返學:今日係自己坐校車,好開心見到佢開心上校車揮手、拜拜。 老師也有講返佢在校無喊,也投入課堂活動!

 

 

————————————

請Like Facebook海馬仔成長日記│ 亦歡迎大家電郵聯絡我們試用產品或出席活動~

=====海馬仔Channel=====

FacebookInstagramBlogspot

更多精選內容