親子酒店

南區親子酒店2日1夜 特色主題房試住報告

親子好去處

廣告

香港其實都有不少親子酒店,而且各具特色,毫不亞於兒童遊樂場。踏入暑假尾聲,不想外遊操勞,又想找些本地好去處來讓一家大細玩樂一番,不妨留港進入「旅遊mode」,找間特色親子酒店來個2日1夜之行,一樣好玩!這次blogger荔枝孖媽為大家介紹一間位於南區,具備親子房間的酒店,不但設備齊全,景色更是一流!一齊睇下!

撰文:荔枝孖媽|編輯:Vicky

一起來捉住暑假的尾巴吧!

趁暑假小朋友可以盡情放電,父母當然亦要適時紓壓啦,何不來一場小旅行?

親子酒店

南區玩樂你會諗起d咩正景點?鴨脷洲風之塔公園、海濱公園、赤柱市集、數碼港、定係鴨脷洲體育館兒童遊戲室?一直都覺得南區係一個好特別嘅地方,小小地方可以容納豐富多元嘅地形景觀和文化。從高度發達嘅商廈,到幽美嘅山巒,無邊嘅大海,你都可以係港島南區統統體驗到。

親子酒店

仲係唔知去邊好?不如同我地一樣簡簡單單係南區來一場小旅行,今次小旅行之後我地就愛上了南區嘅幽靜同壯麗的風景。我地今次係襯住酒店有夏日住宿優惠,就入住親子package嘅兒童主題客房。其實香港數碼港艾美酒店Le Méridien Cyberport,連接住數碼港商場,數碼港聽起來好似好遠咁,其實都只係距離中環15 mins左右嘅車程,而且係機場快線香港站有免費shuttle 接駁巴士來回酒店接送,所以交通亦很方便。
南區親子酒店2日1夜 特色主題房試住報告

我地今次呢個「家庭同樂」親子package,房間係會有特別為小朋友打造的小帳篷,同埋玩樂區,另外仲會送對 baia baia 拖鞋比小朋友,個 Family Pacakge 仲已經包埋2位成人加1位12歲以下兒童可以係酒店嘅 Prompt 餐廳享用自助早餐。
親子酒店

親子酒店設備夠齊全

一入到房間裡見到架起兒童探索家小帳篷已經勁開心,2個小人之前都未試過室內露營嘅滋味。媽媽就見到房間有一個小玩樂區area,預先擺放咗啲書本,玩具,完全係啱佢地年紀嘅小朋友玩。
親子酒店

房間亦有提供小朋友size拖鞋比每位入住嘅小客人。當然係同樣貼心已經預先為小客人預備好兒童牙刷,沖涼套裝,而唔需要任何額外收費啦。
親子酒店

親子酒店

酒店亦會為住客送上welcome amenities,預訂時如說明同行小朋友生日,更有又靚又美味嘅生日蛋糕呢,孖寶淨係見到個蛋糕都已經好開心啦,thank you!
親子酒店

房間真心寬敞明亮、拉開窗簾就係無邊嘅美景,非常舒適,絕對係可以比大家放鬆一下,享一夜安穩、寧靜的睡眠。
親子酒店

小朋友係小帳篷玩得好開心,見到佢地邊玩邊看睇住咁靚嘅海景真係一大享受呀!好幸運我地的房間得到 upgrade 去海景房,真心好正呀!
親子酒店

媽咪就最喜歡呢度嘅浴室啦,超大間!
提下大家呀,唔好唔記得翻開小冊子,入面有可免費兌換嘅咖啡券,仲有些景點優惠券。酒店亦會按需要為比較細嘅嬰幼兒提供用品呢。
南區親子酒店2日1夜 特色主題房試住報告

另一溫馨提示每個星期六,日Prompt餐廳附近都會有為小孩打造的遊戲區。

另外,當然亦有為大人準備24 小時開放嘅健身房,我8掛入去望咗一下設備超齊,所以呢無論你係大人定小朋友都可以玩得盡興。
親子酒店

以家天氣咁熱梗係要去游泳池啦,戶外游泳池感覺清爽舒適,欣賞下鬱鬱蔥蔥的花園庭院,而且有淺水的細池,啱小朋友玩水,涼快下。
親子酒店

小朋友可以喺一大片的草地上自由活動,自由地跑來跑去,真係玩得不亦樂乎。
親子酒店

仲有呀,提提大家8月底前,逢星期六,日都會免費卡通片電影係呢隻播放比大家任睇。
親子酒店

我覺得可以係呢片的大草地上悠閒活動,感覺身處外地,相當放鬆。

游水游到累,當然就要去食野補充體力啦,晚餐我地就去酒店嘅中餐廳南坊食,我地點咗幾個小菜,其實款款菜式都超好味,令人唔捨得剩下,到最後甜品時,我地本來都已經超飽想放棄,但甜品的吸引力超強,令我地一陣風咁就消滅晒所有食物。
南區親子酒店2日1夜 特色主題房試住報告

南區親子酒店2日1夜 特色主題房試住報告

我地點咗其中一個小菜係潮式清湯坑腩,d牛坑腩質肥瘦適中,有煙韌感之餘又鬆軟美味,清湯不搶牛味,真係令人讚賞。
親子酒店

另外,order咗孖寶都岩食的竹笙雜菌燒豆腐,野菌煮南瓜,豉味蝦乾肉鬆炒涼瓜,主廚Bosco梗係想用高超的烹調技巧征服食客的味蕾。
親子酒店

而且款款賣相都精緻特別,又好好味,環境優雅寧靜又舒服,服務更加係好好。
孖寶無論去邊度食飯都唔肯食涼瓜的,估唔到今次食哂之餘,仲主動再夾涼瓜來食,款款小菜都入口清新,特別適合夏天的胃口。
親子酒店

而甜品更係令你無法抵擋的超級好味,面應該係用咗焦脆的爆炸糖,底層有餅底,相當香口,口感好豐富,令人忍不住一口一口吃下去。
親子酒店

親子酒店

孖寶的白免仔甜品同糕點更加係香氣撲鼻,2個小人都表示無得頂!
親子酒店

其實今晚每個菜式都很有水準,令我地回味無窮,真係心思思想下次再來試下其它菜色,南坊絕對係真係令人有驚喜嘅中菜。

食飽我地就去附近行下,對面仲有戲院,第2日check out之後同小朋友來睇返場戲清清靜靜都唔錯呀!

2隻豬仔返到酒店房再玩多一陣,都乖乖地去瞓啦。
親子酒店

豐富自助早餐 每日不同

到第2朝起身我地就去咗食個package贈送埋嘅自助早餐。食物嘅種類多樣化,而且又好味,原來每日早餐都有不同的選擇供應,我今日就有最愛肉骨茶,想不到吧!?每次去星馬都必食的早餐食物。
親子酒店

南區親子酒店2日1夜 特色主題房試住報告

南區親子酒店2日1夜 特色主題房試住報告

仲有呢個廚師親自請每一位食客品嚐的烘麵包布丁,細佬都表示好喜歡呀!
親子酒店

加上有佢地至愛的乳酪同芝士,真係大滿足呀!
親子酒店

親子酒店

親子酒店

親子酒店

親子酒店

酒店不只友善小小孩,大人也能玩得盡興,下次爸爸媽媽帶小朋友來玩的話,唔好忘記提前預定,尤其是暑假期間特別搶手啊!

數碼港艾美酒店背山面海,附近一帶綠樹環蔭,彷彿置身於城市的綠洲中,寬敞的住處,真係好適合一家大細來的親子酒店。大人小孩都能玩得開心,住過的旅客可是都讚不絕口呢!暑假想搵間渡假酒店歎吓不妨都考慮一下。

港島的南區也有不少好去處,不坊順度去一去南區休閒地Hea下,一起創造出更多美好親子時光吧!

 

以下簡單同大家介紹返酒店「家庭同樂」Family Package :

– 入住智能客房一晚

– 兒童房內佈置

– 1 張加床或為小朋友打造的小帳篷

– Prompt餐廳自助早餐3位(2名成人和1名12歲以下兒童)

– 成人於Prompt餐廳用餐,孩子免費用餐

– 延遲退房至下午2時

預訂:https://myclubmarriott.com/en/member-offers/happy-child-happy-family-staycation-room-package
親子酒店

期待下次再有機會來唷。

Le Meridien Cyberport

香港數碼港艾美酒店

地址:香港數碼港道100號

電話:852 2980 7788

Facebook:https://www.facebook.com/LeMeridienCyberport/?ref=br_rs