楊怡全面停工養身體等做人母 羅仲謙:係時候啦!

楊怡全面停工養身體等做人母 羅仲謙:係時候啦!

39歲的楊怡於2016年下嫁比她小5歲的羅仲謙,至今結婚已有3年,二人不時在公開場合表示自己非常喜歡小朋友,加上羅仲謙是圍村人,難免會有傳宗接代的壓力。造B工程一直只聞樓梯響,夫婦二人長期分隔兩地工作,更一度因為楊怡脊椎問題要延遲生B。今年開始楊怡收埋自己唔見人,擔起頭家留港半年為無綫開劇的謙謙,日前就胸有成竹揚言:「呢半年可以留香港拍劇,都係時候要實行生B啦!」

撰文:東方新地 圖片:新傳媒圖片、IG

羅仲謙喜洩做老竇 楊怡等生豬BB

楊怡16年嫁給細5年的羅仲謙,婚後表明不設防,揚言要全速前進,謙謙仲誇下海口表示想三年抱兩,可惜事與願違,夫婦二人為工作不時分隔兩地,即使其中一方肯移船就磡飛去探班,造B工程依然未能成功達標,有指拍劇多年的楊怡早已五勞七傷,婚後需要長時間去調理身體,然而脊椎問題非常嚴重,並非短時間可以醫治好。知情者透露:「阿怡一直有睇中醫同脊醫,知道自己身體因為多年勞損,醫生都叫佢最好調理好先至陀B,始終女人生仔條腰骨係最受壓,如果脊椎有問題亦會有影響。謙謙亦唔想阿怡冒險,一切以老婆身體狀況行先,今年阿怡實行停工休息,呢半年嚟佢哋都好努力,希望盡快有好消息公布。」

更多精選內容