屯門

屯門最正掃街食場Go Go Mall 22檔全新小食

親子好去處

廣告

屯門雅都商場早前全新裝修,改名為Go Go Mall,佔地5萬呎。Go Go Mall有22間小食店進駐,種類包括不少街坊小食店,有馬來西亞菜、日本菜、甜品糖水、台式茶飲等,部分小食店會開到凌晨2點,方便大家去掃街吃宵夜!

撰文:大仁生活|編輯:CH

Go Go Mall 聚集屯門特色小食

一個商場可以有穿越的感覺, 我還是第一次感受得到. 上星期, 子子媽帶我和SY去屯門「掃街」, 她說:「E個先係真.屯門嘢食Food Court, 信我一定好過龍門居, 華都啦。」

原來, 這個屯門街坊商場叫雅都, 子子媽:「佢分開兩層嘅, 地下依然保留原始街坊場的人情味, 一樓則變成為Food Court, 連個地板都拖到閃令令㗎。」

屯門元朗區內街坊小食集合

全新裝修的一樓, 改名為Go Go Mall , 不計連鎖店, 也有22間食肆(檔位), 子子媽:「真係大部份都係元朗, 屯門開嘅分店, 或者直接搬過嚟㗎…」

忽然子子媽大叫: 「哎呀! 原來, 本來虹橋嗰間”章魚燒大師” 星期一係休息呀? 無得食添。」 (我都好想食喎, 下次記得星期一唔好嚟先得)

我:「不如食腸粉吖。」; SY:「 E~ 有鰻魚嘅? 」; 店員:「我哋有珍寶鰻魚$35, 普通$25」(普通就得啦) ; 店員又說:「通常客人會加$3雞蛋會好食D㗎。」

之後店員續說:「我哋D菊花茶同豆漿都係自家製, 加$5就有一杯。」; 我:「好呀!」(你真係好叻, 不停Sell 客, 真係成功之路必可逹到)

鰻魚腸粉出場, 這款是潮州的腸粉。

不過子子媽:「我鍾意食E款腸粉喎…但係配鰻魚就怪D, 唔夾…鰻魚有自己醬汁, 再加豉油…好奇怪….菊花茶就真係好飲又抵又唔會太甜啦…唔錯。」

鋒味屋食意粉 S59號舗

原來, 兩個頑皮的小朋友都鍾情卡邦尼意粉, 二人齊齊一望見黑松露卡邦尼立刻兩眼發光。

店員:「多謝$39, (小朋友: 姐姐, 唔係$48嗎?)因為星期一至五做特價, 星期六, 日先會$48。」(咁如果食就真係平日嚟抵好多啦)

甚麼是盲目讚不絶口呢? 當二人不停吃意粉, 不停說好食, 好食, 好香, 好香….你就會知道。

子子媽對子子說:「可唔可以畀兩啖我食呀?」極不直願的子子, 勉為其難只分配了一條給媽媽…

其實, 黑松露只有一小匙…但子子已經很滿足的說:「係就梗係愈多愈好啦, 不過E家我都好滿足了」; SY:「我就想更香, 所以我就想要多D黑松露就真」

老樹串燒店 S58號舖

子子媽:「不如之後我哋食串燒吖?」; 羊架愛好者子子大叫:「我要食羊架 ($38), 因為我最鍾意食羊架」

可惜, 因為太多味粉…可能因為羊比較羶, 所以一定要放大量調味, 令其羊內味道淡然無存了.

蒜茸原條茄子 $48 , 這個很誇張的長. 而且蒜茸味超強, 勁濃, 子子媽:「好食, 食完好夠口氣…」

我:「嘩! 咁大條茄子, 如果自己去街市買要幾多錢呢?」; 子子媽笑笑口:「幾蚊…就有一份啦」(:

雞皮 $8 很脆卜卜, SY:「我鍾意食免治雞肉軟骨捧 $15, 又軟又有D少少卜卜脆」

我:「我最初以為佢哋燒菠蘿(5片) $12…係畀地捫罐頭我哋 , 原來係畀新鮮菠蘿㗎」; 子子:「好食呀!」;SY:「好多汁呀」

叁嵐戚風蛋糕 S66號舖

最後便輪到天水圍「一糖」的分店, 總店我們一直都想去, 但總是找不到機會…我問店員:「E度啲甜品, 天水圍無嘅咩?」

店員:「無㗎…而且你哋買一個戚風蛋糕, 仲可以半價買一樽奶凍添㗎。」

結果, 我們來了一個店員推介抹㭉戚風($48); 子子媽:「其實, 我唔食忌廉, 不過佢E個忌廉我又接受到喎, OK喎,唔太甜, 仲有D伯爵茶係杯底…(但係似你話嘅綠色剃鬚膏喎), 好食吖。」

小朋友們不想吃戚風, 子子要紫薯奶凍($30), SY則指定朱古力奶凍($25), SY:「原來我的底部係Oreo碎碎嚟㗎, 好味呀。」

子子媽:「E-子子你嘅紫薯反而無乜餡喎, 畀我試下?」子子:「好好味呀! 好紫薯味, 不過, 頭先卡邦尼已經畀咗你試啦, 今次唔洗試喇。」(吓~原來子子都幾嚴格支援阿媽Keep Fit㗎喎)

子子媽:「其實, 我仲要想食醉滋味, 你睇佢個醉雞幾幾吸引呀…不過星期一又休息…無計啦。」
我問: 「青森料理好唔好食呢? 」

子子媽:「屯門街坊好出名, 你睇佢個刺身飯, 9種配料, 又唔貴…但係我哋今日都食到飽晒㗎啦, 下次你再次嚟食多2-3次, 試勻晒全部廿幾間小店囉!」

Go Go Mall

營業時間:星期一至四11:00am-12:00am;星期五至日 11:00am-1:00am
地址 : 屯門鄉事會路112-140號雅都商場1樓

鋒味屋 S59號舗
老樹 S58號舖
叁嵐 ARASHISANN S66號舖
一糖 Idou Dessert S54號舖
章魚燒大師 S67號舖

大仁生活facebook