【停課不停學】免費情緒小遊戲包 親子遊戲助BB辨認顏色

撰文、圖片︰荔枝孖媽|編輯：TLY

免費簡易情緒小遊戲包

認識情緒，係成長過程中極重要嘅一個課題，亦都係小朋友能否平穩迎接新學習生活嘅關鍵。期待父母善用呢份 106頁嘅「情感Emotions & Feelings Pack」網上資源透過大家共享，令每一位家長都可以同小朋友一齊認識情感，引導小朋友同自己一起打開情緒死結，幫助彼此嘅善意都可以有機會充分表達，從而令小朋友係面對同迎接新嘅校園生活個陣，都可以產生更多嘅正向情感，有開心愉快嘅新校園生活。

學習辨認情緒

陪小朋友一齊認識同接納自己嘅情緒，幫助小朋友學習辨認情緒，善用繪本同遊戲引導。但要小心呀，千萬唔好過度關注與過度處理，家長要特別留意，唔好令情緒成為小朋友獲取注意力嘅錯誤工具，適時放手其實係比小朋友有機會學習，要相信佢地都可以做得好好。

其實在我看來情緒沒有對錯，情緒係反映生命當下嘅真實感受，當我們面對、了解、接納、釋放各種情緒之後，情緒得以恢復平靜與穩定，然後我們定能好好對話、好好做事。

希望家長同小朋友都可以係情緒支流當中搵到出口，讓平靜成為引你前進嘅方向。

如果有家長都想玩，亦想得到呢套情感Emotions & Feelings Pack小遊戲，記住like同follow實我地嘅荔枝與孖寶專頁，之後有機會送出一set template，比家長自己print出來同小朋友係屋企輕鬆玩呀~

同類文章

DIY小手作助BB辨認顏色

教BB認顏色好多人都話好容易，亦有好多人話難。其實教BB學分辨顏色，就係教BB認識事物、發展智力、培養美感不可缺少的內容。一般我哋可以由BB 1至2歲開始教佢哋認識顏色，首先可以用最基本4隻色紅、黃、藍、綠開始。

每種顏色逐一學

剛開始教孩子認識顏色和形狀時，一定要好強調主力一個個顏色教，等小朋友唔理見到咩都可以一眼就分辨出係咩色，認好一隻色再教BB另一隻顏色。咁樣來幫BB加深記憶，鞏固認好的顏色基礎，才能達到事半功倍的效果。要留意「填鴨式」的方法都好容易令小朋友混淆，盡量唔好一下子就要小朋友學咁多種顏色，因為咁樣會令佢哋更加混亂，用強化的方式，先搞清楚一種顏色的概念，再慢慢一個一個顏色咁去學。

DIY七彩雪糕遊戲

孖媽亦有透過DIY小手作，幫助孩子辨認顏色，同佢哋玩遊戲。

首先大家可以預備唔同顏先的毛絨布，之後就用呢啲毛絨布做你想做的物件出來。

我今次就拎來做甜筒雪糕，而雪糕就用咗唔同顏色去做，幫Caydan和Ramsey認識唔同的顏色。

我哋仲玩小遊戲，綠色就係Green Tea味，黃色就係Mango味，而白色就扮成Vanilla味。YumYumYum……好好味呀！

只要簡單咁先用紙畫出你想要的形狀，之後沿住紙板嘅形狀用剪刀剪出來，之後用黏布的膠水將各色嘅雪糕同甜筒黏埋一齊，就可以變成各色的甜筒雪糕，比小朋友學顏色。

變奏小遊戲 迎合孩子喜好

我亦已經做好車仔的圖案，迎合孩子的喜好，孖寶近來好喜歡車車。

遲啲就會做車車嘅毛絨布玩具比佢哋玩啦！

兩個都對新做出來的甜筒雪糕小手作有興趣！

兩兄弟都係咁玩同睇呢！

自製紅綠燈玩具

我哋仲有做呢個紙牌紅綠燈來玩，既可以玩walking/stop。仲可以順便認識埋顏色唷！

呢個DIY嘅紅綠燈小手作，係佢哋近來的大愛呀！

慢慢來吧，孖媽會和你們一起慢慢學習。

有規律次序認顏色

我會先教佢哋一次認一個顏色，可以先揀一件固定物，好似一塊紅色嘅積木，之後通知佢係紅色。之後你亦可以拎住呢塊積木，去同其實物件對比，再強化小朋友紅色的items。其實都可以當係一個遊戲。可以一齊搵紅色花，紅色波，紅色碗等等。仲有就係媽媽唔好心急。

另外，我亦都有睇過一啲文章的分享認顏色可以係有規律：紅/黑/白/綠/黃/藍/紫/灰/啡。我都會用呢個順序方法去教孖寶認顏色，可以每星期教佢認一隻色，下一個星期就認另一個色，認識日常生活中有呢隻顏色嘅事物，如此類推，相信BB好快就可以認識到不同嘅顏色啦。

我和孖寶的Facebook Page:荔枝與孖寶

我和孖寶的 Instagram IG#:laichimama