荔園

荔園微縮模型重現集體回憶 D2室內嘉年華玩Game扭Yes卡

親子好去處

廣告

美孚的荔園自 1997 年便關閉結業, 過去的5-6年, 其實荔園也不定期舉行短期活動給我們一大班老香港重拾兒時回憶, 例如2015年於中環AIA嘉年華的位置舉辦過一次暑假派對, 2016年又在機場博覽館來過一次冷氣嘉年華, 今年, 「我們的荔園」在荔枝角跟大家齊齊玩足一個月。

今次與荔園聚舊的形式與以往有少少不同, 因為主要以本地著名微型藝術單位 TOMA Miniatures 製作的1:64荔園模型為重點, 再加數個攤位遊戲嘉年華.

 

TOMA Miniatures 阿Sir (Tony) 及 Maggie合共耗了一年時間去籌備及製作這座由5組模型結合而成的 「我們的荔園」。

 

Tony:「今次啲機械部份, 我改良過…每組大約運行一段時間便會稍作休息, 咁就無咁易壞」
(最困難是製作那部份呢?) Tony:「一定是雙軸有兩臂的機動遊戲, 因為兩臂要以不同方向轉動, 我又要研究點樣收埋個摩打, 真係幾考到我㗎」

Maggie:「我都係鬼屋門口個大招牌加咗一D新元素, 因為要似返真實, 所以我要做到有凹凹凸凸效果, 你一陣可以去睇睇, 唔係平面嚟㗎」

(天奴個鼻會郁…好得意) Maggie:「E個係邱生指定要求的, 同埋以前我哋去荔園, 都一定要去探下天奴嘅, (E家識郁真係好似真嘅一樣呀)」

阿Sir 及 Maggie 表示, 模型集合了 70 至 90 年代間荔園的所以機動遊戲製作的, 慕求可以一次過將多年來荔園的回憶重現眼前.

當中標誌性的荔園城堡、百麗殿舞台、動物園及宋城都全部重現出來…

還有阿Sir當年最怕坐的過山車, Maggie最愛玩的掟香口膠攤位遊戲, 還有令人難忘的旋轉木馬、碰碰車、咖啡杯、摩天輪、八爪魚、海盜船等等

扭Yes Card 重現集體回憶

除了, 可以令大家欣賞最少3小時的荔園微型模型外, 場內還有Yes Card 可供大家”扭”回家.

Yes Card 還有分5款, 60年代, 80年代, 千禧年代, 現代, 及大會特別製作的「我們的荔園」Ver. (白卡有一套10套, 但我不知道有沒有閃卡, 閃中閃卡)

明明SY不會認識Yes Card 上的偶像, 但他也一到場便大叫:「我要扭, 我要扭…(你都唔識佢哋, 扭嚟做乜?) 唔識都可以扭吓啦…咁好玩」

荔園攤位遊戲波波池+捉圈

同場的嘉年華設有3個攤位遊戲 +「天奴香蕉池」, SY:「我其實都想玩波波池…爸爸你睇…入面仲有D香蕉軟淋淋好好摸㗎」(可惜你太高唔比入Lu)

三個攤位遊戲也是用2個代幣便可以玩一次…「荔園百發百中」…射槍只要射到15分便有大公仔, SY得到8分, SY:「哎呀! 如果9分我就可以有中公仔啦」(咁E家有細BearBear都唔錯啦)

「放電肥肥人」~ 只要唔過電就有大獎…SY:「真係好震㗎, 一定會震㗎, 仲震咁耐添, 震咗我3次…我無公仔喇」

「圈中肥肥人」~每次有6個圈, 中4個便有小笨象, 全中就有大笨象, 結果, SY中三個圈, 與象無緣.

場內還有一個用手機Scan QRcode 答問題, 牆上己一早有大量格仔中文字, 答案在牆上找便可以.

問題:「當年荔園掟階磚的獎品是甚麼?」目不轉睛的SY看了一回大聲答:「香口膠」(吓? 點解你會識答㗎?)

SY:「我都唔知呀! 我估咋…但係掟得咁辛苦得「香口膠」咋」(又係喎…一句講出重點來…香口膠咁平, 點解以前D人唔直接買呢?)

「我們的荔園」活動
日期:2019 年 9 月 13 日至 10 月 13 日
時間:3pm–9pm(星期一至五); 12nn–9pm(星期六、日及公眾假期)
地點:D2 Place 二期地下 The Garage
票價:$80 (包入場門票及 6 個遊戲代幣)
鳴謝: TOMA Miniatures (https://www.facebook.com/tomaminiatures/)

大仁生活facebook