11月免費益智綠遊親子推介!零碳天地「STEAM 築樂園」+「築影院」

11月免費益智綠遊親子推介!零碳天地「STEAM 築樂園」+「築影院」

踏入秋高氣爽嘅11月,最啱就係一家大細出動親親大自然!除咗郊遊行山同露營BBQ等活動外,家長仲可以同小朋友嚟到九龍灣零碳天地,參加建造業零碳天地年度盛事「築月2019」,其中重點推介有「STEAM 築樂園」同埋「築影院」等精彩主題活動,而且全部都係免費入場!

 

創意零碳遊戲 邊玩邊收知識

今次「STEAM 築樂園」為大家準備咗多個有趣環保嘅零碳遊戲裝置,全部都結合咗木材、太陽能同金屬三大元素設計,包括:5米高全木製工業風嘅「動樂旋轉木馬」、「夢幻泡泡製造站」,同埋超巨型「滾珠迷宮陣」!希望家長同小朋友可以透過趣味遊戲,學習與科學、科技、工程、藝術同數學等原理知識,仲可以順便影相打卡!又可以喺「築影院」欣賞《變形金剛:殲滅世紀》同《細路祥》等多套特備電影。

5米高全木製嘅「動樂旋轉木馬」採用太陽能腳踏式設計,造型滿載樂活童趣,既令小朋友興奮得手舞足蹈,同時亦勾起大人們嘅童年回憶。旋轉木馬由腳踏轉盤時產生嘅動力所驅動,無需使用其他額外能源,而速度快慢就全取決於乘坐者們嘅腳踏節奏。頂部嘅特色修路燈連接著住太陽能板,電池組件會將太陽能轉化成電能,喺漆黑夜晚散發耀眼光芒。

 

無講大人定小朋友都可以透過呢個「夢幻泡泡製造站」(即特別設計嘅泡泡模版),親手製造出唔同效果形狀嘅魔法泡泡,等大家可以沉醉喺泡泡樂飛揚嘅夢幻場景當中。大家邊玩邊打卡之餘,仲可以借助呢個互動遊戲,等小朋友喺不知不覺間明白到背後嘅科學原理。

 

10倍放大超巨型「部落滾珠迷宮陣」,將經典遊戲重現大家眼前!透過親子合作鬥智鬥力,腦筋急轉彎合力操控滾珠走向,並小心翼翼護送滾珠避開重重陷阱,直至逃離迷宮直達終點,整個過程緊張程度爆燈!同時考驗眼手協調、平衡力同親子合拍度,更可激發小朋友嘅邏輯推理、提升專注力同培養耐性。

 

同場加映:特備電影+座談會

主辦單位喺同場零碳天地內亦設有「築影院」,揀選咗3套老少咸宜,分別以香港唔同年代為故事背景,兼具香港人文特色嘅中外電影俾大家重溫,藉光影漫遊探索香港嘅發展史。每場放映都會緊接一場主題講座,並邀請相關人士作嘉賓分享,與大家一起重新發掘我城嘅迷人景觀同建築歷史。

《半邊人》1983@11月1日(開幕電影)

主角阿瑩原本每日都會喺父母經營嘅家魚檔幫忙,生活平淡乏味。某次無意中喺電影文化中心報讀咗演戲訓練班,認識咗導師張松柏,二人惺惺相惜,並互相支持對方追尋自己的夢想。

分享嘉賓:許素瑩(《半邊人》女主角)、周思中(電影文化人)

 

《細路祥》1999 @11月8日

80年代經典電影!八歲嘅「細路祥」成日幫屋企經營嘅茶餐廳送外賣,因為精靈精目而深受龍蛇混雜嘅街坊喜愛。某日祥仔喺茶餐廳遇見應徵被拒嘅同齡女孩阿芬,於是建議一齊分享送外賣小費,同時展開一場兩小無猜嘅城市冒險。

「認昔香港—尋找消失的築跡」分享會,嘉賓:符展成(LWK + PARTNERS 董事)、曾肇弘(文化研究者)

 

《變形金剛:殲滅世紀》2014@ 11月15日,6:00 pm – 6:45 pm

狂派同博派展開黑月之戰後芝加哥幾乎被夷為平地。正當人類重過和平日子之際,一班野心科學家竟然蒐集大戰後遺留落嚟嘅外星碎片去研發一種難以駕馭嘅全新科技,為地球同人類掀起另一場重大危機!人類面臨來自遠古外星嘅致命威脅,令博派不得不重回地球展開驚心動魄嘅正邪激戰!

「外國導演眼中的寶藏」分享會,嘉賓:張偉雄(影評人)、王冠豪(電影朝聖創辦人)

 

座位有限,先到先得!

報名連結:https://www.cic.hk/eform/zcbmovie/regform.aspx?lang=zh-Hk

 

 

建造業零碳天地「STEAM 築樂園」

日期:11月2日至12月1日

時間: 7:00am – 8:00pm

地點:九龍灣常悅道 8 號

交通: 九龍灣港鐵站轉乘MegaBOX穿梭巴士或步行前往

費用: 免費入場

電話:2100 9800

網址:www.cic.hk/chi/main/construction_month_2019/

 

更多精選內容