39歲熊黛林做貼身媽媽 減少工作 親自帶孖女「出巡」探嫲嫲

撰文、圖片：東方新地

熊黛林自己個B自己孭 母性大發湊女親力親為

日前熊黛林與母親步出新居，一 人負責孭住一個B，等 司機前來接她們去位於西灣河的嘉亨灣奶奶家， 全程沒有外傭隨行， 熊黛林親力親為湊女。

孖女未夠一歲，熊黛林已安排她們返 playgroup打定個底，更做廿四孝媽咪陪上堂，對於教肯女兒絕不假手於人。

今年二月，熊黛林與老公郭可頌現身有「幼稚園界哈佛」之稱的寶山幼兒園，夫婦齊心交表盡顯誠意，為女兒未來升學鋪定路。

早前熊黛林一家暢遊廸士尼，熊黛林的孖女戴上米妮頭箍非常可愛，而童心未泯的媽咪比囡囡玩得更盡興。

有說孖女感情會特別好，雖然兩個女唔同樣，但姊妹情深，在家玩得融洽不時互錫。

熊黛林是個稱職的好媽媽，閒時會帶女兒出外玩樂，踏足之地非常平民， 普通一個商場都會見到三母女足跡。

Model 工作未停過 隨時ready再追B

熊黛林身為百億郭家新抱，本應可以印印腳做少奶，不 過事業心重的她，未能完全放棄模特兒的工作，知情者透露：「Lynn（熊黛林）生完孖女都親力親為湊咗成年BB，佢自己好唔捨得對女，不過又想繼續做自己鍾意嘅嘢，而Ken（郭 可頌）亦好尊重老婆，畀好多自由度Lynn，只要佢開心就得。今年年初孖女開始返playgroup，Lynn亦試吓出返來有限度咁工作，其餘時間都係自己湊女，不過佢哋兩公婆亦有共識，想喺Lynn40歲前追多個仔，呢個亦係奶奶最大嘅心願。」 對於追仔一事，熊黛林都非常樂意配合，更承諾一旦成功懷第二胎會再全面停工養胎。

熊黛林識做新抱 親自帶孖女見嫲嫲

熊黛林日前不用開工，熊黛林親自湊女外出離開新居。現場所見，熊黛林不施脂粉孭住細孖率先步出新居，之後其母亦孭住大 孖緊隨，她們由司機接載前往嘉亨灣。據知熊黛林一對孖女平日是由熊母負責主力照顧，她知道奶奶亦非常掛念一對孫女，所有一有時間就帶孖女去探嫲嫲。熊黛林如此善解人意又識做的新抱，難怪熊黛林會深受郭家上下愛錫。