呂慧儀壓力爆煲 蟹媽變虎媽 與仔仔準備小一面試

呂慧儀壓力爆煲 蟹媽變虎媽 與仔仔準備小一面試

藝人呂慧儀(Konnie)自今年宣布與前夫黃文廸已於上年離婚,Konnie母兼父職照顧兒子,早前更因體力不支在家中暈倒,健康與壓力同時爆煲。5歲的蟹籽Anton (黃柏翹)明年升小一,為力谷他考到心儀小學,變身虎媽。

 

撰文:東方新地| 資料來源: | 圖片:新傳媒資料庫

呂慧儀健康與壓力爆煲Dry爆變「忟薑」

最近《愛.回家之開心速遞》宣布一星期播足七日,劇中要角呂慧儀每日放工都要趕返屯門娘家湊仔,早前更因體力不支在家中暈倒,健康與壓力同時爆煲,再加上懸崖勒馬與花心張景淳斬纜,Dry爆的呂慧儀變「 薑」,睇嚟惟有蟹籽快啲考到好學校,呂慧儀先可以放輕鬆。

呂慧儀

呂慧儀
另一日呂慧儀拍完《愛.回家之開心速 遞》,妝都唔落趕去位於屯門公屋的娘家,接 回由母親照顧的蟹籽。

蟹籽下年讀小學蟹媽後知後覺嚇到癲

呂慧儀形容過了一個「地獄九月」,因要忙為蟹籽準備面試學校而亡羊補牢,更為他報讀了不少面試班,知情者透露:「之前兩年呂慧儀都未識驚,幾個月前同蟹籽啲同學家長傾開,佢先知 原來個個小朋友都周身刀,乜都唔識考小學一定唔掂,所以佢就變咗虎媽,依家每晚陪蟹籽瞓覺都同個仔練自我介紹,拍劇趁空檔又整定啲生字卡畀個仔認字,未面試佢已經緊張到喊,依家冇 嘢緊要過蟹籽考小學,呂慧儀因為畀自己同個仔太大壓力,最近精神差咗笑容都少咗。」

呂慧儀
母兼父職的呂慧儀,日頭辛苦搵錢 養家,晚上接蟹籽返屋企後,仲要 睇功課同準備升小考學校,真係好辛勞。

阿媽當街發恔憎阿仔笑笑唔上心

天子唔急皇后急,呂慧儀緊張到不得了,蟹籽卻依然輕鬆面對,貫徹其樂天本性。日前呂慧儀與蟹籽及母親現身大坑醫肚,離開時蟹籽手握結賬後找回來的錢唔肯交還,呂慧儀即場教仔兼面燶燶,之後行去上車仲表現得好忟憎。為湊仔疲於奔命的呂慧儀,都要自己搵方法減壓先得㗎!

呂慧儀
這日呂慧儀與家人到大 坑幫襯好友林子善開的冰 室,離開時由囝囝蟹籽負責 去埋單,她伸手想取找回來 的錢,蟹籽唔肯放手,呂 慧儀屢勸無效火都嚟, 畀阿媽鬧的蟹籽依然哈哈笑。
呂慧儀
呂慧儀心情明顯唔多靚,畀蟹籽激多 一激直頭面燶燶過馬路。
呂慧儀
要返工兼湊仔的呂慧儀,都咪話唔攰,體力與精力都 斷消耗,對住家人不自覺變得忟憎。

更多精選內容