39歲張栢芝母兼父職 獨力養大3子 未來不排除追多個女

39歲張栢芝母兼父職 獨力養大3子 未來不排除追多個女

張栢芝是圈中出名的烈女,向來想做就去做,離婚後獨力照顧大仔謝振軒(Lucas)及二仔謝振南(Quintus),去年 11月秘密生多個,生父身份成謎,囝囝跟栢芝姓, 名叫張禮承(Marcus)。轉眼Marcus已一歲,栢芝最近狂晒孻仔萌照,雖然個樣睇唔清楚,但Marcus肥肥白白而且甚有混血兒feel,人見人愛。 日前栢芝為Marcus開一歲生日會,與她傳過緋聞的外籍男友Leo亦有現身。母愛氾濫的栢芝非常享受湊仔生活,另 一方面又投資自家品牌時裝店, 家庭事業兩兼顧, 絕對是超人媽媽。
撰文、圖片:東方新地

張栢芝母兼父職秘密生三仔疑似生父曝光

張栢芝
離婚後母兼父職的栢芝,對 12歲大仔Lucas與9歲二仔 Quintus照顧無微不至,今年情人節,兩子更送上鮮花, 令栢芝非常開心。

張栢芝從小就懂得照顧人,十幾歲開始照顧同父異母的細佬,婚後與霆鋒生了Lucas與Quintus,她非常盡力做好母親的工作,即使近年母兼父職,無論去到哪裡,都見她帶著一對兒子,三母子關係密切。直到去年11月,有消息指栢芝秘密生多個仔,之後她親口承認,不過對BB生父身份保密,孻仔亦跟她姓張,栢芝為保護囝囝,從沒公開他的正面照片,亦甚少在港帶他出現公開場所。

張栢芝
栢芝絕無偏心,孻仔生日,她在網上放了一張一家四口漫畫,留言表示擁有三個仔覺得非常幸福。
張栢芝
Marcus正日生日切蛋糕,栢芝只上載了囝囝肥嘟嘟的手仔與蛋糕的合照。
張栢芝
栢芝在社交網上載為Marcus慶祝生日的片段,見她親自餵奶,又讓Marcus觸摸蛋糕,不過網民的焦點就落在栢芝跟一名外籍型男碰杯的合照,該型男名叫Leo,是工程 師,早年曾跟栢芝傳過緋聞,有指他有可能是Marcus的生父。

張栢芝有仔萬事足 唯一心願想再生個女

知情者透露:「栢芝唔想大家對Marcus過分關注,所以喺香港好少帶佢出嚟,不過佢就成日帶個仔去外國旅行,依家Marcus一歲大,栢芝知道喺香港生活都好難避免曝光,其實Lucas同Quintus自細都喺鏡頭下長大,Marcus遲早都要同哥哥一齊面對,所以栢芝都放鬆咗好多,最近佢自己忍唔住成日post囝囝相上社交網。栢芝照顧三個仔不遺餘力,佢覺得啲仔就係佢最大嘅支柱,呢半年佢又要搞時裝店又要湊仔,不過從來都冇話攰,因為三個仔令佢好開心,栢芝仲有個心願未了,就係生個女,唔排除落實計劃再追女。」

張栢芝暱稱「小王子」的 Marcus 於 11 月生日,轉眼已一歲大,栢芝早前在微博分享親子照片,滿臉笑容的她於街上高舉雙手抱起兒子, Marcus 身穿短袖 tee 配長褲,雖然他的手臂仔遮了大部分面容,但隱約見到眼仔睩睩、樣子精靈,一雙「肉臂」好搶鏡,髮色看上去是啡色,混血兒 feel 甚重。
張栢芝
在港外出怕曝光,栢芝不停帶 Marcus外遊。
張栢芝
之前推住BB車遊日本,再去新加坡及馬來西亞,抱住身形都幾大隻的Marcus 周圍去,栢芝臂力驚人。
張栢芝
早前栢芝在馬來西亞度假時狂晒 Marcus在波波池玩樂的照片及短 片,雖然未見Marcus正面,但見他肥嘟嘟,非常活潑,相信是個非常可愛的小朋友。

湊仔兼經營自家品牌超人阿媽一腳踢

栢芝留港搏殺,同時又要照顧三個兒子,超人媽媽幾能幹都好總不能分身,所以最近栢芝胞弟豪龍又再擔任御用司機。日前栢芝與二仔Quintus現身數碼港的超級市場,見她狂掃家中日用品及茶米油鹽,而Quintus就忙於掃自己喜愛的零食,之後栢芝負責埋單,豪龍就帶住Quintus搬嘢上車。細佬豪龍雖然隨傳隨到非常幫得手,但栢芝一個女人孭起成頭家真係唔易,始終需要一個可以依靠的膊頭,唔知佢個真命天子出現咗未呢?

張栢芝
粗重嘢當然要由男人負責,Quintus舅父張豪龍校啱時間現身,幫手把所有戰利品成車推出超市,然後抬上車。
張栢芝
粗重嘢當然要由男人負責,Quintus舅父張豪龍校啱時間現身,幫手把所有戰利品成車推出超市,然後抬上車。
張栢芝
生完三個依然咁瘦削的栢 芝,盤起個髻淡妝示人,39歲一 樣咁有氣質。
張栢芝
栢芝去年初推出自家品牌,在網上賣衣服、手袋及飾物等,今年 9月終在中環開實體店
張栢芝
身為老闆娘的栢芝不時落舖頭招呼客 人,其母及好友張文慈更親身到店助陣力Sell。

更多精選內容