聖記大隻仔 – 徐灝晴

聖記大隻仔 – 徐灝晴

欖球喺香港唔算係主流運動,不過每年喺大球場舉行嘅七人欖球賽,都係國際矚目嘅盛事,因為除咗場內打得夠熱血,場邊嘅華洋美女又夠哂養眼!今個星期嘅男神,係嚟自赤柱聖士提反書院嘅Hugo徐灝晴,亦係香港欖球隊陣中罕有嘅華將,仲有「達陣王」嘅稱號,個樣夠哂陽光,加埋健碩嘅身型,真係唔打波都唔怕冇出路!

7846

Hugo打Rugby已經打咗15年,即係4-5歲就已經開始玩架喇!因為佢細細個就好好動,又鍾意走嚟走去,佢媽咪咁啱見到球會廣告宣傳,就幫佢報名,等佢得閒可以去草地跑吓,放吓電!點知一打就打到19歲喇!

7788

雖然打Rugby唔係主流,但係打得好,一樣入到好學校架!好似Hugo咁,小學喺灣仔聖雅各小學讀書,成績一般,但係體育成績好,打Rugby又攞過唔少獎,喺升中一嗰年,佢就捧住一大盒獎牌去聖士提反面試,結果就順利入到名校喇!

7930

打Rugby衝撞多,所以有啲家長會視之為危險運動,不過Hugo嘅Daddy媽咪都好支持佢嘅興趣,雖然會擔心佢受傷,但係每次比賽都會去撐場,最多都係叮囑Hugo要保護自己。

7854

Hugo啱啱考完DSE,佢話希望自己可以考到全部4級以上,可以留喺香港繼續讀大學,咁佢就可以兼顧繼續打Rugby。至於會唔會轉做全職球員,就要再考慮吓,因為全職球員收入唔高,想睇埋DSE成績先再決定。

7906

雖然Hugo手瓜又粗,胸肌又厚實,但係佢就唔係太滿意自己嘅身型。佢話最理想係好似外國人咁,高大得嚟肌肉線條又靚,所以佢會比心機繼續操! 其實又有朱古力,又有人魚線,都唔會太差啫! 點解筆者會知道? 因為條片有Hugo嘅半裸照睇囉! 想睇就去片啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: 黃大立

拍攝:Anthony Leong

剪接: Candy

Hair & Makeup : Teresa Ng @ Teresa Make Up

提供場地:Papillon Caffe

鳴謝:

[Corporate]- Beacon tutorial-Logo_2015

贊助獎品

更多精選內容