39歲周國賢早婚早生享福  做柴可夫接送女兒太太

39歲周國賢早婚早生享福 做柴可夫接送女兒太太

歌手周國賢(Endy)在日本留學期間遇上太太李美英一見鐘情,兩人於2001年結婚。當年Endy僅22歲,婚後太太一年產下大女Clara,6年後產下二女Rachael,2010年產下Elisia,可算是樂壇早婚早生嘅代表。近日,他孖住韓藉老婆接囡囡放學,享受家庭樂﹐而大女不知不覺已經17歲長得亭亭玉立。
撰文、圖片:東方新地

周國賢早生早享福大女遺傳老竇愛音樂

要數有型有款嘅唱作人,周國賢都算係異數,一出道已經自爆有個韓籍老婆李美英仲一早做埋老竇。早生早享福,話咁快三個女Clara、Rachel同Elisia已經分別17 歲、11歲同9歲,聽講大女Clara仲遺傳父親醉心音樂㖭!

周國賢
唱作歌手周國賢早婚亦早生,一日到黑圍住老婆同三個女身邊團團轉,日前驅車出現北角接老婆同囡囡。
周國賢
生過三個嘅韓籍太太身形fit到漏,打扮亦充滿少女味,呢日孖老公接囡囡放學。

周國賢

韓籍老婆fit到漏 二女曬長腿

日前難得見到周國賢喺北角出現,原來廿四孝老竇呢日做司機,接走老婆同上完興趣班嘅二女離開。11歲嘅二女Rachel已經婷婷玉立仲有一雙長腿,身旁嘅太太李美英,fit到漏保養得宜,一啲都唔似生過三個。周家一向陰盛陽衰,對住幾個女仔吱吱喳喳,周國賢依然悠然自得,完全習慣廿四小時生活於女兒國當中!

周國賢
11歲二女Rachel已經大個女,就快拍住媽咪咁高。
周國賢
廿四孝老竇接埋女仲包辦埋接送囡囡嘅同學仔,四個女仔坐上車,非常熱鬧。

發帖文紓發自認不是一位好爸爸

早前,周國賢在facebook發帖文紓發感受,自認不是一位好爸爸,無法在這個時代下保護女兒:「我知道,我並不是一位很好的爸爸⋯⋯原諒我,我能力有限,我未能鬥得過時間,趕得及填補好家中的所有窗口,為你們去遮擋本來就不應該是你們去承受的風雨。原諒我,我能力有限,我未能為你們都鋪好一條平坦舒服的大路、好讓你們能夠在這輩子也不必知道現實有多殘酷的情況下,幸福快樂、簡簡單單的在這條大路上,快樂的走到盡頭。對不起,孩子們,要讓你們走上崎嶇的路⋯⋯但更對不起的是,孩子們,你們要知道,如果現在把凹凸不平的路統統都踏平,你們的孩子⋯⋯你們的孩子的孩子⋯⋯他們將要走的路,將會更艱巨⋯⋯對不起,辛苦你們了!」

周國賢

更多精選內容