【親子好去處】8大生日派對場地推介

【親子好去處】8大生日派對場地推介

每逢幫小朋友搞生日會,家長都好煩惱,尤其係要請好多親戚朋友、同學仔,屋企唔夠大就要搵場地,但搵生日派對場地都唔容易,地方要夠大之餘,仲要有嘢啱小朋友玩,如果唔係家長就花啲時間安排遊戲,但book場、統計人數、訂食物咁多嘢要安排,已經一頭煙,不如都係搵啲本身已經有嘢玩嘅派對場地啦!

撰文:Sunday Kiss|攝影:Simpson、Paul Choi、Clay Lam、溫俊鏘、部分相片取自場地網站或facebook

8大生日派對場地推介

1. Fun Zone@西環、馬鞍山&港島東

位於西寶城嘅Fun Zone室內算係全港最大的室內遊戲室之一,足足有一萬呎,賣點除了有基本的玩樂城堡,讓小朋友捐窿捐罅之外,室內場亦設有小型球場、潮爆Dance Floor 及靚爆嘅派對場地!Party 場地約佔總面積的五分一,設有特色主題,搞完生日Party仲可以玩埋場內其他設施,玩足全日都得,絕對係由頭玩到尾。場內更有舒適的Cafe區,家長可以在此休息,仲有免費Wifi 供應,等小朋友慢慢玩。另外,Fun Zone亦不時會舉辦「學前唱遊班」,由專業導師教小朋友英語和普通話,如果撞正時間亦可以即場參加!

更多精選內容