一家人合力點亮6米高聖誕樹！將軍澳玩轉創意互動遊戲 + 創作專屬聖誕歌

任何時候小朋友都一樣咁活躍！聖誕假想帶佢哋放電？一於去將軍澳挑戰節拍體感遊戲，仲可以當上小小指揮家，再一家大細合力踩單車點亮 6米高巨型聖誕樹，一齊去玩住過聖誕啦！

激玩互動節拍體感遊戲

稱得上動感聖誕，當然少不了節拍體感遊戲！「鹿車挑戰賽」正正考驗大家節奏感，只要配合音樂節拍點擊電子屏幕，以正確節奏接著被大風吹走的聖誕禮物，就可以協助聖誕老人同小精靈成功派發禮物。刺激之餘仲考驗小朋友音樂感及手眼協調能力！

踩單車點亮 6米高聖誕樹

小朋友咁好活力，當然唔可以浪費！坐上聖誕發電站的單車，一邊鍛鍊體能一邊將動能轉化，只要一家人齊心合力就可以點亮高達6米的聖誕樹，將節日氣氛散佈整個商場！

指揮「智能樂團」創作聖誕歌曲

聖誕又點可以少了聖誕音樂呢？小朋友化身指揮家，指揮五隻聖誕小精靈組成的「智能樂團」，利用不同樂器，譜出獨一無二的特色聖誕歌，培養音樂感及創意的同時，仲可以即時發送給親友，送上個人化的窩心祝福。

「Playful Xmas聲 ‧星樂園」詳情

地點：將軍澳PopCorn 一期一樓中庭 (位於港鐵將軍澳站 C 出口)

日期：即日起至2020年1月1日

開放時間：中午12時至晚上10時正

*音樂燈光匯演於每日正點上演約5分鐘，最後一場為晚上9時