周柏豪眼光獨到居屋換豪宅   三千萬清水灣大屋送老婆

周柏豪眼光獨到居屋換豪宅 三千萬清水灣大屋送老婆

35歲周柏豪與圈外萬能賢妻太太Stephanie(朱敏君)在2016年結婚,日前周柏豪唔聲唔聲做老竇,老婆為他誕下6.7磅小公主,講過會將全副身家獎賞老婆的周柏豪,並非開空頭支票,早前便一擲3,300萬購入清水灣傲瀧豪宅送贈老婆,以行動給老婆安全感⋯⋯

撰文:東方新地 | 資料來源:新傳媒資料庫

周柏豪眼光獨到 居屋換豪宅

原來投資眼光獨到的周柏豪,早在03年已做業主,當時把全副身家做首期,買入一個60多萬的居屋單位,之後樓換樓斬獲唔少。

據知情人士說:「柏豪滿咗18歲,老竇已經鼓勵佢買磚頭保值,當時撞啱沙士樓價大跌,佢用咗60幾萬買咗個細單位居屋,兩年之後升咗值,佢換咗個大單位嘅居屋收租,近年就有老婆幫佢理財,有個咁好嘅老婆,佢工作都冇後顧之憂,呢幾年佢密做儲錢,就係想買大屋送畀太太!」

周柏豪

老婆獨揸 3,300萬豪宅

近年周柏豪逐漸走紅,工作多咗,好多時都要開工,Stephanie又會主動幫手照顧柏豪父母,對兩老好體貼,等男友可以安心喺外邊工作,柏豪搞自家時裝品牌,都係多得Stephanie鼓勵,係柏豪背後軍師仲幫埋手打理時裝生意,最重要咁多年嚟Stephanie對柏豪行蹤瞭如指掌,對柏豪身邊工作人員都熟晒,無論工作、家庭、經濟上都操控在手中!

周柏豪
▲ 開晒口話將全副身家獎勵老婆,周柏豪並唔係齋噏, 3,300萬傲瀧豪宅以老婆 Stephanie個人名義持有。

250萬的四驅車 接送家人

除咗係愛妻好男人,柏豪亦是孝順仔,日前陪同爸爸到觀塘食 飯後,同樣細心護著爸爸上車。近年賺錢能力高企的他,有車價250萬的四驅車代步。
周柏豪
▲ 老婆生 B咁辛苦,柏豪陪入產房外,仲請假一星期陪到實,日 前,他就一個人駕車去清水灣超市上糧,買 Yogurt等健康食品 同日用品,買完嘢已心急飛撲返屋企!

更多精選內容