Bob

Bob由月薪6千到 現住3層獨立屋 女兒視父親為學習對象

娛樂

廣告

藝人40歲林盛斌(Bob)可算是人生大贏家,事業有成,活躍於幕前及各種司儀工作,同時家庭幸福美滿,跟Bob嫂黃乙頤Pearl育有三個可愛千金,以及細囝Jaye,一家六口相當熱鬧呀!Bob呢位廿四孝老公兼爸爸,多年來為給家人最好的生活,一直忙住賺錢養家,但從前的他都曾經歷一段艱難日子,才可以由月薪6千,到現在住月租11萬的獨立屋。

撰文:TLY | 資料來源、圖片:Bob

Bob入行辛酸史

Bob身兼多職是電台主持,近年更加入TVB擔任過不少節目的主持,還會為許多活動或婚禮等擔任司儀。初入行做電台時,他不是一開始就可以成為DJ,他也是由一名sale做起。他曾經被看不起,更加被人稱為「阿豬阿狗」,後來得到賞識轉做DJ,漸漸發展到現在的事業。

Bob今日在社交媒體分享:「我人生第一份工,就係喺電台做Sales。當年我嘅銷售成績,今日回想返,算唔錯,由起初底薪六七千蚊,只係短短半年時間,到我離職嘅時候差唔多出緊六七萬一個月,以一個啱啱大學畢業出嚟做嘢嘅死𡃁仔嚟講,直頭係好似人生大贏家咁!
點解我可以做到?因為我好明白一個道理:「我唔係打緊一份工,我係經營緊我嘅生意」如果你只係當一份工,你得到嘅只係人工;如果你當係自己生意,你得到嘅就係利潤同回報。
當你好重視你盤生意,覺得間公司你都有份嘅時候,你嘅目標、你嘅心態、你嘅想法、你嘅行為,同 「只係當自己打份工」會有好大嘅分別,而呢個分別,經過一段日子,就會帶嚟好唔同嘅結果。

所以懇請在座各位,無論你係做緊任何範疇嘅工作,千祈千祈,唔好再當自己只係打份工,你要相信你係經營一盤你都有份嘅生意,日後你所得到嘅,將會超乎你想像咁多!」

11萬月租住獨立屋

事業家庭兩得意的Bob,跟Bob嫂結婚10年,有三女一子,努力工作為給家人最好的生活,一家六口搬入月租11萬加多利山三層獨立屋。

有樹屋、滑梯超好玩

獨立屋中,地板放了兩張床褥,看來是讓工人姐姐睡的,方便照顧小朋友。一邊是滑梯一邊是樓梯,兩種玩法。

 

在下層床邊放了很多圖書,看來Bob也希望從小培養孩子閱讀的興趣呢。

 

Bob工作再忙 依然照顧子女

Bob嫂曾公開讚揚老公是好爸爸及好伴侶,那怕工作再忙,即使凌晨收工都捱眼瞓照顧子女。「好多人都話我好勁呀!一個湊四個,阿Bob一定幫唔到你啦!佢咁忙!都係架!係幾勁架!

不過我唔會話阿Bob冇幫到我嘅,因為佢係有得幫就儘量幫!話說…有一晚凌晨三四點,當佢啱啱完成工作返屋企撻落床之際,二家姐同三家姐不約而同叫媽咪。咁我當然去睇下佢地啦!

點知跟住聽到四少喊,喊左幾聲就冇左喇!到我搞掂曬返房時,就睇到呢個畫面,其實我好多謝佢。佢可以唔理,或者叫工人嚟(我啲小朋友夜晚自己湊,工人可以完全休息)

佢大條道理繼續瞓。但佢冇,佢選擇幫手抱下BB。所以我返房接手時,即刻多謝佢!佢即刻帶住返去瞓!」其實,阿Bob一向愛錫子女,佢曾經分享過每天清早看到她們就是他工作的動力。

二女讚美bob個溫柔好爸爸

Bob在子女心中,是樂觀、溫柔、「他每天都很開心」、「他說話的時候很平靜」、外貌臉圓圓和英俊的爸爸,她的影響:「我要成為一個成功的人」、「我每天都要進步」。

Bob留言話:「見到佢寫我對佢嘅影響,爭d想喊出嚟⋯⋯二家姐熹熹,我相信你會做到,亦希望每一個小朋友都做得到!」

關鍵詞
Bob熱話