麥當勞nanoblock開箱文 (實物相)

麥當勞nanoblock開箱文 (實物相)

(左) 官方圖片 (右) 實物圖片 由此比較圖可見,官方新聞相片係由nanoblock逐件砌成,不過實物就係一層一層啤出嚟,無「零件」感覺。
(左) 官方圖片 (右) 實物圖片
由此比較圖可見,官方新聞相片係由nanoblock逐件砌成,不過實物就係一層一層啤出嚟,無「零件」感覺。

麥當勞nanoblock開箱文 (實物相)

喂喂喂,早前同大家講過,星期四係麥當勞 × nanoblock正式推出嘅日子,而佢哋終於喺凌晨四點俏俏咁開始換領喇!《Sunday Kiss》編輯部有唔少大細路,其中三個編採同事各自踏正四點,去到屋企附近麥當勞換nanoblock。據同事們回報,屯門、將軍澳、同葵涌都無人排隊,行入去就買得到,成為第一個嘅顧客。縱觀各鋪貨源非常充足,不過每一間做法似乎有少少唔同。例如光顧屯門安定麥當勞嘅同事,唔需要買嘢食就直接買到四套Box Set,因為無人排隊,一次打一張單分四次俾錢就得;反而將軍澳同事就一定要買嘢食先可以換Box Set,但再可以追加多兩個散件。結論就係,無論間鋪是否要求你買嘢食,正常嚟講一個人一次點餐,只能夠換到一套Box Set,想幫人買嘅就留意喇!

Display Box係獨立包裝,好企理,入面有位擺好每件模型。
Display Box係獨立包裝,好企理,入面有位擺好每件模型。
一大包nanoblock模型有齊六款。
一大包nanoblock模型有齊六款。
獨立包裝嘅nanoblock模型,同散買一樣,唯獨餐廳只跟Box Set。
獨立包裝嘅nanoblock模型,同散買一樣,唯獨餐廳只跟Box Set。
巨無霸生產日期係2015年5月22日,好新鮮喎!
巨無霸生產日期係2015年5月22日,好新鮮喎!
$10禮券一套五張,有效期到今年年底。
$10禮券一套五張,有效期到今年年底。

下頁有組合後嘅相片,唔好錯過!

介紹返今次套nanoblock先!相信大部分讀者同筆者一樣,第一目標係有埋間鋪嘅Box Set!計計數,$198 Box Set附有五張$10美食券總值$50,實際用$148買六個nanoblock模型加一個展示盒,按每個模型$20計,展示盒不過$28,算係抵玩!睇返實物,一買返嚟就已經砌好晒,無得自己砌感覺總是若有所失的,睇落造工似乎唔錯,但望真會發現,係一塊過啤出嚟,然後一層一層用膠水黏合,保存到nanoblock的像素感覺,始終非是逐件拼合,欠了些神緒,但得意搭夠!

 

餐廳身份最特別,不過編輯覺得造型麻麻哋啫!
餐廳身份最特別,不過編輯覺得造型麻麻哋啫!
巨無霸,相逢何必曾Big Mac?可惜一餅過啤出嚟感覺始終爭少少。
巨無霸,相逢何必曾Big Mac?可惜一餅過啤出嚟感覺始終爭少少。
薯條造型感覺係最像真,不比巨無霸差。
薯條造型感覺係最像真,不比巨無霸差。
無汽水又點成一個超值套餐呀?雖然係一層層黐出嚟,但汽水造工已算最靚。
無汽水又點成一個超值套餐呀?雖然係一層層黐出嚟,但汽水造工已算最靚。
怕一個餐唔夠飽,加個蘋果批最掂,可惜感覺都係一餅嘢,唔夠積木感。
怕一個餐唔夠飽,加個蘋果批最掂,可惜感覺都係一餅嘢,唔夠積木感。
甜品有麥旋風,但感覺唔夠其他幾款咁classic。
甜品有麥旋風,但感覺唔夠其他幾款咁classic。
個盒比想像中厚身同埋多層,閂埋之後原來唔太清楚。
個盒比想像中厚身同埋多層,閂埋之後原來唔太清楚。
走盒淨係用紙托托住,立即精神晒!
走盒淨係用紙托托住,立即精神晒!

下頁有McCafé nanoblock嘅相片,唔好錯過!

最後提提大家,McCafé杯咖啡係獨立發售,同埋係McCafé專屬。

bag
McCafé特別版套裝包括nanoblock 1個及McCafé中杯裝熱飲換領劵4張

nano

coupon

有關Box Set最新消息:

Box Set於大部分分店上午時段已告售罄,為照顧買唔到嘅顧客(同埋唔想益炒家),麥當勞由即日起至六月十一日,接受以全數現金預訂McDonald’s Food Icons ×nanoblock Box Set,並可於七月廿三日至八月二日期間到預訂Box Set的麥當勞分店領取。

查詢:www.mcdonalds.com.hk

 

撰文:Ken

攝影:Clay

 

如您欣賞本文章,懇請讚好我們的FB專頁,鼓勵我們做得更好。

更多精選內容