張智霖袁詠儀18年恩愛如初 魔童長大 夫妻重拾二人世界

張智霖袁詠儀18年恩愛如初 魔童長大 夫妻重拾二人世界

張智霖袁詠儀結婚18年,一直是公認的模範夫妻,無論鏡頭前後一樣恩愛,Chilam更為老婆爆過無數金句,例如「堅持愛老婆是一個男人應該做的事情」,羨煞旁人!如今仔仔張慕童(魔童)已13歲,有自己社交圈,夫妻終可重拾二人世界,更齊齊北上賺過億人仔,愛情麵包全都有!

撰文、圖片:東方新地|編輯:Sunday Kiss

張智霖袁詠儀偶有風浪 惡妻形象外剛內柔

夫婦關係一凹一凸最完美,袁詠儀與Chilam結婚十八年並非無風無浪,不過靚靚識得軟硬兼施,馴服Chilam零難度。隨著13歲的兒子魔童(張慕童)漸漸長大,踏入青春期有自己的社交生活,不再做裙腳仔跟出跟入,靚靚終於把時間與精神放回Chilam身上,近年夫妻檔北上做真人騷,有錢搵之餘,更讓夫婦二人重拾拍拖感覺,鏡頭前的Chilam,對老婆靚靚非常溫柔,而靚靚原來亦非常著緊 Chilam,一次單獨去旅行更在鏡頭前聲淚俱下,說沒有Chilam很不習慣,可見平時一副惡妻形象的靚靚,其實是外剛內柔。

張智霖袁詠儀
囝囝魔童有自己世界,Chilam 與靚靚亦可盡情享受二人世界, 9 月去了張家界旅遊。
張智霖袁詠儀
9 月去了張家界旅遊,到 10 月又去了杭州拜訪師父,篤信佛教的二人每年都會抽時間去修行,非常神心。

留港過二人世界 當街抹嘴甜到漏

近年靚靚忙於北上搵銀,難得最近稍為得閒,而Chilam亦只有賀歲劇《非凡三俠》在身,夫婦二人趁空檔留港,日前到大坑搵食, 靚靚食飽飽悠閒歎番杯咖啡,而Chilam就大細路上身食雪糕,各取所需。現場所見,靚靚與Chilam雖然冇拖手冇親密的身體接觸,但一切盡在不言中,二人甚有默契邊行邊食,期間靚靚突然撒嬌要老公餵食雪糕,見Chilam食到一嘴都係,便出手幫他抹嘴,這些甜到漏的場面在真人騷都睇唔到。

張智霖袁詠儀
靚靚行行吓突然向老公擘大口,原來撒嬌要Chilam餵食。
家有兩個仔,一個係大仔 Chilam,另一個係細仔魔童,靚靚照顧兩仔無微不至, 見Chilam個嘴有雪糕,徒手幫佢抹。

袁詠儀脈搏紋心冧老公 張智霖唔紋身但「紋心」

記者更看到靚靚在右手腕脈搏上紋了的心形圖案, 有指這紋身是用來冧Chilam,據知情者透露:「靚靚身上嘅紋身唔多,前腰上面有個紋咗好多年,嗰個喺台灣紋,佢見到藍心湄紋咗個好靚,所以佢就叫心湄帶佢去紋,不過佢冇逼Chilam去紋一樣嘅圖案做紀念,因為佢認為紋身係好個人嘅,佢陀魔童時個紋身畀個大肚撐開咗,第一次出關見人露腩仲畀人笑係『腩中龍』。近年佢同 Chilam愈來愈sweet,去年突然走去紋咗個細心喺右手手腕脈搏位置,係紀念佢同 Chilam嘅愛情。」

張智霖袁詠儀
Chilam夫婦識飲識食,早前歎日本菜放相上社交網,靚靚手上已見心心紋身。
早年靚靚已在腰間紋了一條龍,她認為紋身是很個 人的,所以從來沒有逼Chilam紋愛的紋身。

張智霖袁詠儀夫妻檔北上搵真銀保守估計身家過億

Chilam與靚靚15年開始合體北上做真人騷吸金,頻頻以夫妻檔亮相內地綜藝節目,收入豬籠入水,有指他們參與《一路上有你》第二季、《一年級畢業季》共收入約六千萬人民幣;拍攝電視劇《求婚大作戰》收八百萬,再加上拍食品、護膚品與寢具等廣告,又收三千五百 萬,保守估計至今已搵過億人仔。17年他們以首次置業身份以近億元購入大坑豪宅作自住單位,靚靚亦透露日後會再睇樓買樓。

夫妻檔亮相內地綜藝節目,收入豬籠入水。

張智霖袁詠儀

更多精選內容