諸葛紫岐結婚7年闊太風範依然 氹掂有錢老公甘願做阿四

諸葛紫岐結婚7年闊太風範依然 氹掂有錢老公甘願做阿四

今年36歲嘅諸葛紫岐同Neway二少薛嘉麟結婚7年,又生咗兩個小朋友,但身材毫無走樣,出到街都依然超強闊太風範,雍容華貴從容不迫。日前有記者影到兩夫婦同大仔Arthur出街採購,只見老公任勞任怨,一手抱仔一手拎戰利品,旁邊嘅諸葛紫岐就輕輕鬆鬆行得風騷,一睇就知薛嘉麟係絕世好老公

撰文、圖片:東方新地

諸葛紫岐做人妻7年 闊太風範不減

就講就到,呢日兩公婆同大仔 Arthur 一齊行母嬰用品店幫細佬添置用品,Anderson 得四個月人仔,玩具、餐具、衣物雜項梗係大把嘢買,睇咗好耐亦都買咗唔少,諸葛紫岐竟然仲可以兩手揈揈聽住電話、孭住名牌手袋仔保持台型嘅?

諸葛紫岐
啱啱生完四個月,操到fit 一fit 、扮到靚一靚、一身便服嘅諸葛紫岐,孖老公同大仔去到銅鑼灣添置嬰兒用品。
諸葛紫岐
闊太都會幫襯平民牌子。
買完大大袋保持輕輕鬆鬆兩手揈揈,全靠拎住戰利品又抱住仔嘅幕後功臣薛嘉麟。

諸葛紫岐嫁得好Neway二少薛嘉麟擔得又抬得

之唔係喺佢身後,有一個一手抱住6歲大仔、一手仲可以拎住大大袋戰利品嘅老公囉!出錢出力仲任勞任怨,細心體貼到咁去邊度搵?呢啲正宗嫁得好囉!

買完嘢經天橋去商場另一邊,今次 Arthur好乖自己行,唔使爸爸抱。
行經餅店,囝囝想食蛋糕,兩公婆好有耐性,交畀 Arthur 自己揀。
買完蛋糕, Arthur 好滿足地拖住媽媽。
出到商場,司機一早等候,Arthur 興奮跑上車,諸葛紫岐緊張跟貼囝囝,又再將全程出錢出力嘅 Neway 二少拋在腦後。

更多精選內容