【小一入學】統一派位填表貼士 新手家長必學 喇沙、聖若瑟小學都有機會派到

【小一入學】統一派位填表貼士 新手家長必學 喇沙、聖若瑟小學都有機會派到

距離小一入學統一派位辦理選校日子不遠,有家長走來,主動問我甲部和乙部填表方法。從家長提出的問題和焦急神情,我知道她是個「新手」家長。以下是「新手」家長和本人的傾談內容,想替子女用一個可靠的填表方法來找間好小學的家長,請細讀:

撰文:趙榮德|圖片來源:新傳媒資料庫|編輯:Cherry

趙為本人 家為家長

小一入學統一派位「甲部」可選少於三間心儀學校

家:統一派位,「甲部」有三個選擇,是否規定要填滿三個格,如果是,又點填,不是,又點填?

小一入學

趙:冇規定一定要填滿,你冇三間心儀小學,就唔需要填滿,你住邊個校網?

家:我住「油尖旺區」31校網,我只心儀油麻地天主教小學(海泓道),其他的只麻麻地鍾意。

小一入學

趙:其他校網有冇心儀小學,有便可以填落去。

小一入學統一派位可任意選擇所有校網小學

家:其他校網都可以填咩?咁我鍾意拔萃男書院附屬小學、喇沙小學、聖保羅男女中學附屬小學、聖若瑟小學。

趙:你只可以填官立同津貼小學,拔萃男書院附屬小學同聖保羅男女中學附屬小學是直資,不是官津小學,所以不能填,反而你可以填喇沙小學同聖若瑟小學,這兩間雖然不在31校網,但「甲部」可以揀任何校網小學,所以可以接受。

小一入學

家:我應該填次心儀小學嗎?

趙:我不贊成,因為如果你填31校網嘅次心儀小學,例如德信學校,萬一派到,你一定要接受,你一接受,對你個仔來講,整個派位機制便即停止,即係話你喺乙部嗰三十個選擇完全失去,你話是否值得?

家:係喎,我喺乙部填油天(海泓道)嗰個第一個選擇豈非冇咗,唔值得呀!好!乙部又點填呢?

趙:乙部有三十個選擇,你點填呢三十格呢?

家:我會將我嘅心儀小學,由第一間至第七間依次序填落去,啱唔啱?

趙:好多家長用你剛提出嘅方法,發覺派唔到嗰七間,竟然派剩末第八、九間。點解?因為排位係逐個選擇派,例如你第一選擇油天(海泓道)派唔到,第二選擇德信便要等,萬一下一個参加者嘅第一選擇係德信,在下一個嘅第一選擇又德信,連續五十幾個嘅參加者第一選擇都係德信,咁樣你嘅第二選擇便冇晒學位,跟住你嘅第三選擇都可能被其他參加者用第一選擇把學位「抽空」,如此這般,再輪到你,便有可能由第一至第七選擇都因學位被「抽空」而派唔到俾你,你只獲派第八個選擇了!

小一入學

家:那如何是好?

趙:我提議你把最心儀填第一位,搏好運氣。如落空,則表示你運氣麻麻,若然如此,便要避?怎樣避,請將第四心儀、第五心儀小學,移上第二同第三位,你填表的心儀小學次序應該是第一、第四、第五心意,餘中可以把第六、七心儀填上,二、三心儀殿後。這樣填有很大機會被派到頭三位心儀小學,因為歷年頭三位有60%派到的!

統一派位

家:明白,是否要報直資私立小學

趙:為穩陣,最好報幾間以備必時之需!

家:知道,多謝趙Sir提供寶貴意見!

統一派位

趙榮德
前喇沙書院副校長,現任社工註冊部紀律委員會會員,香港輔導教師協會榮譽顧問。曾任教育局家庭與學校事宜委員會副主席,熟識香港教育及香港升學制度,同時為香港大學專業進修學院之客席講師,亦為升學指南作家,現有著作多達廿二本。

 

更多精選內容