黃澤鋒陪老婆行街女不離手   陳麗麗老來得女想追多個B

黃澤鋒陪老婆行街女不離手 陳麗麗老來得女想追多個B

前無綫藝人黃澤鋒太太陳麗麗於去年7月,以52歲高齡誕下女兒「小黃妃」。太太身為新手兼高齡孕婦,陀B甚艱難,懷孕初期飽受妊娠濕疹折磨, 期間又受到不少網民的毒舌咒罵,身心受苦!小黃妃健康出世,兩公婆感恩又開心。對住前世情人,黃澤鋒自然錫到燶,不過對太太的愛護亦無分薄。日前兩公婆帶住肥肥白白的小黃妃出巡,黃澤鋒全程奶爸上身陪太太shopping,讓太太安心購物,當然亦一拼負責錢重任!

原文、圖片:東方新地|編輯:Sunday Kiss

黃澤鋒前世情人小黃妃出巡 肉騰騰勁可愛

家住屯門的黃澤鋒,早前屯門傳出刺鼻不明氣體,太太懷疑受到空氣污染影響,令皮膚刺痛及出現紅疹,一直餵哺母乳同時令囡囡都中招皮膚出現「粒粒」,黃澤鋒勸喻太太多留家中以免令皮膚問題嚴重。日前,一家三口難得離家出外抖氣,原來安排太太shopping止痕,只見到達商場,太太 用電話查地址,黃澤鋒則在旁等候「指令」,然後隨太太去了商場內一間女士時裝店,在BB車上的小黃妃突然扭計喊,黃澤鋒為令太太可全心全意睇衫,立即抱起小黃妃又氹又搖止喊。太太入完一間又一間時裝店,黃澤鋒抱住小黃妃在旁,適當時候給太太意見。眼大精靈又肉騰騰的小黃妃,去到邊都引得Sales姐姐們或途人圍住望大叫「好打耳」,如同出巡一樣!

黃澤鋒
教游水又教拳的黃澤鋒自爆囡囡出世後工作量增多,搵奶粉錢重要,陪太太更加重 要,日前黃澤鋒全程湊住小黃妃陪太太shopping 掃貨,廿四孝爸爸兼老公咪呢種囉!
黃澤鋒
半歲大的小黃妃肉肉面珠加雙眼又大又圓,好得人鍾意﹗
黃澤鋒
太太揀衫期間,小黃妃突然扭計喊,黃澤鋒立即抱起囡囡又呵又氹,並一直在太太身邊不時畀吓意見。

黃澤鋒

黃澤鋒太太無懼高齡懷孕 不設防想追多個B

黃澤鋒陪完太太shopping,就輪到睇BB衫同玩具,行了半日終於坐低醫肚,兩公婆繼續視線未離開過囡囡,然後對望一笑,盡在不言中,在二人臉上只見到幸福二字! 雖然生產到湊B過程歷盡艱辛,不過首次任爸媽,黃澤鋒和太太不設防想追多個,知情者話:「佢兩公婆好鍾意小朋友,生完囡囡更加好想生多個,雖然已經半百但有運動底子,體力好好,親自湊B都唔覺得攰,所以好想再追多個!」希望黃生黃太願望成真!

黃澤鋒
囡囡喊唔停,黃澤鋒識做抱開在店內行來行去氹女,以免掃太太 shopping 之雅興。
黃澤鋒
小黃妃喊到臉紅紅,但樣子太可愛,店員都忍唔住過去氹埋一份。
黃澤鋒
熟手奶爸見囡囡喊到滿頭大汗,立即拿紗巾幫女抹汗。
黃澤鋒
小黃妃肥肥白白,每入一間店,都氹得Sales姐姐們圍住讚可愛,真係好似皇妃出巡一樣咁架勢。
黃澤鋒
生女後,兩公婆感情仍然如一,邊行邊有講有笑,好溫馨啊﹗
黃澤鋒
父母初體驗就係雖然同枱食飯,不過為了照顧囡囡,大家要分工合作,兩公婆分頭 食,一個食完到一個!黃澤鋒三扒兩撥快食然後湊 B ,等太太可以慢慢歎﹗
黃澤鋒
囡囡得來不易,早前為囡囡舉行百日宴,一張甜蜜全家福,隔住mon都感受到黃家濃濃的愛﹗
黃澤鋒
為了紀錄囡囡的成長日誌,黃太在社交網開設了帳號「妃嘗物語」,幾乎日日有更新,聖誕節 boxing day ,囡囡獲得一 個卡通人物咬膠,囡囡「咬」到笑唔停﹗
黃澤鋒
小黃妃出浴照,手腳肉肉一截截,似足米芝連,勁得意﹗

更多精選內容