學單車話咁易  $50個鐘租單車+高人教學|柴灣單車公園即學即踩

學單車話咁易 $50個鐘租單車+高人教學|柴灣單車公園即學即踩

編按:學單車有人學得快,有人學極都唔識,很多父母可能都有教子女踩單車的經驗,甚至乎教極都唔識的痛苦吧!男孩子可能問題較少,女孩子很多時都比較細膽,要令她們學去突破自己踩出第一步,的確不易。所以,聞說有高人租單車連教學,兼可一小時學會,揚揚媽媽的真實經驗,值得跟大家分享一下。

學單車 自己仔女最難教

揚爸爸對單車嘅熱愛就係人都知,試過通宵踩200km比賽,雖然同啲後生仔一齊踩緊係食塵,但佢都好enjoy~ 揚爸爸希望將來同2隻小羊一齊踩車環台。相信家有「單車友」爸爸嘅就好明白~ 所以大家以為揚爸爸一定可以教識揚家姐踩車,但現實~ 正所謂「自己仔女係最難教」,作為父母一定好明。雖然揚家姐平衡力係唔錯,但奈何天生個膽有問題—— 細膽得好緊要,所以未學識踩單車。

撰文、圖片:揚揚媽媽|編輯:Sunday Kiss

學單車

學單車

延申閱讀:鐵人爸爸李致和 生活化教運動

細膽囡囡一學就識 全靠好老師

上星期揚家姐突然話要學踩單車,我哋緊係把握機會等佢學識,我哋特登去咗搵高人教授。呢間租車連教踩車嘅單車鋪,傳聞話1個鐘就學識,緊係要來拜訪一下。間鋪雖細,但確實有好多人等住高人指導,時租只係$35/ 1小時….無睇錯係$35….連租包學邊度搵 (編按:1月14日起加價至$100/2小時)。除咗小朋友,我仲見有一位女士正在學車。單車高人叫揚家姐坐上單車,然後將單車左擺右擺,等佢感受吓點樣用身體去平衡單車,以防自己跌倒。我心裡真係暗喜,果然係高人,學踩單車嘅心理關口就係驚跌,如果知道點避免跌倒,加上揚家姐唔錯嘅平衡力應該好快就學識~ 有方法有技巧相信就係快速學成嘅原因~

學單車

學單車

呢間單車鋪斴近單車公園,小朋友可以係裡面練車;學識咗就可以落單車道玩啦說時遲那時快,揚家姐學識踩兩輪單車啦,yeah~你睇吓佢幾得戚

學單車

後記:
單車高人真人係幾cool,黑黑哋,無乜笑容,但佢對小朋友係好體貼,見到小朋友學識踩單車佢會有個好滿足嘅樣,不少學識嘅小朋友仲會返嚟同佢影相

資料:
合昌單車行
地址:柴灣怡順街1號
電話:97336647 (Whataspp)
時租:$100/2小時

 

更多精選內容