海洋公園新春開運學堂水豚獻瑞陪你過新年

海洋公園新春開運學堂水豚獻瑞陪你過新年

(presented by Ocean Park)

鼠年將至,今個農曆新年海洋公園將邀請到跟金鼠家族同屬齧齒類嘅水豚家族,同大家拜年迎新春!可愛萌爆嘅水豚穿梭園內有多個賀年氣氛打卡位,小朋友仲可以參加新春保育學堂,從玩樂中學習及認識水豚構造。樂園內仲有富貴吉祥花燈及轉運揮春遊戲等互動影相位,大家可以盡情任影創意全家福,同大家一齊喜迎鼠年!

水豚獻瑞 新春全家福打卡熱點

可愛萌爆水豚換成賀年新裝,佈成花團錦簇鼠豚陣同大家迎春接福,一定要瘋狂打卡啦!肥嘟嘟嘅水豚家族出名最鍾意浸泡喺水之中,嚟到會噴出團團霧氣嘅竹林溫泉體驗下再影相合照先,今個鼠年一定水頭充足,豐衣「竹」食﹗

迎春接福當然仲有當紅大鼓陣,富貴吉祥花燈同轉運揮春遊戲等互動影相打卡位,大家可以盡情任影,每處充滿賀年氣氛!

慶賀新春財神殿 大派賀年利是

過新年點少得財神爺到場呢?初一至初九有財神大派賀年利是,祝大家發大財,新年盤滿缽滿,超好意頭!

新春水豚學堂 呆萌水豚解碼

同可愛水豚瘋狂打卡後,就嚟到熱帶雨林天地嘅呆萌水豚解碼同新春水豚學堂,由教育大使帶你觀察水豚,認識水豚嘅獨特牙齒結構,再了解如何為水豚打造安樂窩!初一至初九期間,小朋友仲可以同爸爸媽媽一齊製作水豚揮春,向親友送上祝福。威威天地仲有威威與好友保育歷險嘅「海洋保衛隊」同「救救小企鵝」影像投影互動遊戲等住大小朋友一齊挑戰,邊玩邊學,實行寓教於樂!

初一至初九期間,小朋友仲可以同爸爸媽媽一齊製作水豚揮春,為親友送上祝福!

新春加映:

新春期間,樂園內仲有連串好特別賀年表演,包括國術變臉世界紀錄保持者-韋瑞群大師,聯同世界表演藝術錦標賽全球金獎得主韋飛雄,為大家呈獻極精彩、出神入化嘅變臉表演;以及竹林舞台上嘅熱血沸騰舞蹈表演來賀新歲;玩得盡興,記得要品嚐園內特別推出好意頭菜式,包括「珠光寶氣新春午市套餐」、「橫財就手」(南乳炆豬手)、「富貴黃金蝦」等,今個鼠年一定大飽口福啦!

全新節目隆重登場:

賀年節目夠滿足,想挑戰自己就要玩埋全新登場嘅「狂野龍捲風」,極刺激4G重力極速旋轉,一定令你尖叫萬分!

日間玩得盡興,海洋公園最新夜間大型光雕匯演「光影盛夜」已經有得睇啦!由國際知名多媒體工作室Moment Factory 及The 7 Fingers 傾力製作嘅360度全方面水上投影匯演,有極震撼火焰及水幕場景,加插驚險雜技及水上舞蹈,帶來極夢幻全感官之旅,玩盡日與夜嘅無限歡樂!

圖片來源:Moment Factory
© 香港海洋公園版權所有

詳情請瀏覽:﹕https://bit.ly/2uYOdv9

更多精選內容