60歲吳岱融榮升半億隱形樓王  投資買磚頭寫老婆名

60歲吳岱融榮升半億隱形樓王 投資買磚頭寫老婆名

60歲無綫藝人吳岱融喺2016年憑《巨輪II》大奸角「高天鷲」一角人氣急升,奸到出汁嘅表現非常亮眼,當年更獲網友盛讚「一個高天鷲救起成套劇」,在本周一(20號)出街的《大醬園》繼續做大老爺, 無論正邪角色都難佢唔到。吳岱融默默做賺錢,夫婦二人幾乎所有的物業,保守估計手揸半億,都寫在鍾淑慧名下。日前,記者直擊岱融前往九龍城睇樓,大客仔駕到,地產經紀當然落足嘴頭,據知今次吳岱融睇了多個該區新建的豪宅樓盤,其中一個更是6千多萬的複式單位,吳岱融笑言自己有鋪睇樓癮,不過扑槌就交老婆話事,愛妻號吳岱融以行動證明錫老婆真係會發達㗎!

撰文、圖片:東方新地| 編輯:Sunday Kiss

吳岱融愈撈愈掂 榮升半億隱形樓王

60歲的吳岱融一頭灰白髮已成為個人標記,愈老愈型的他鏡頭前擅演一手遮天的有錢佬角色,現實生活中原來都是隱形富豪。過去幾年吳岱融愈撈愈掂,拍劇又拍電影,商演亦不絕,而其太太鍾淑慧(Lily)更是人如其名, 是個不可多得,賢淑又聰慧的老婆,早年她走 遍國內登台搵人仔,夫婦二人獨具慧眼,早年已投資買磚頭,之前鍾淑慧見時機成熟,把國 內五個物業套現逾千萬,而他們現在仍持有的物業亦分布東南亞各地。

吳岱融
一頭白灰髮加花花恤衫,已經成為吳岱融的個人風格,愈老愈型的他,過馬路都有氣勢過人。

 

據知情者透露:「岱融同Lily好多年前已經洞悉先機,佢哋鍾意喺外地生活,加上早年喺大陸搵到錢,所以物業都集中喺大陸同東南亞,不過近年岱融主要喺香港拍劇,留港時間多咗,呢幾年佢一直都係租屋住,見最近樓市好似有啲回落,所以有機會都想吼吓香港樓,不過佢哋喺大馬住慣幾千呎大屋,幾百呎唔會睇得上眼,如果買香港樓都要揀啲大單位,或者獨立屋。」在港忙於拍電影的吳岱融,日前與助手現身九龍城,本刊記者見他在地產舖前駐足近十分鐘,指住櫥窗內的樓盤招紙,與助手研究了一輪,有大明星駕臨,當然機不可失,店內兩名經紀即行出店外搭訕,未幾眾人即起行到附近的豪宅睇樓。

吳岱融
這日吳岱融經過九龍城一間地產舖,駐足超過十分鐘。
吳岱融
除了對出售的樓盤廣告手指指,還除眼鏡睇清楚。

踢拖睇中複式豪宅 全權交老婆話事

本刊記者見吳岱融上了一個低層單位,單位望九龍城寨公園景,他跟隨經紀走出露台望景,不過望了兩望就返入 屋,看來這個單位並非吳岱融杯茶,之後未見他即時離開,未知是否繼續睇其他單位。約45分鐘左右,吳岱融徐徐步出,邊行邊興高采烈地與助手討論,莫非已經睇啱心水豪宅?

吳岱融
本刊記者見他走出露台望了兩眼,不過可能該單位屬低層,景觀一般,吳岱融很快就返回屋內。
吳岱融
吳岱融睇完樓步出豪宅,而女經紀則繼續在其身旁雞啄唔斷。

對於有意在港買磚頭,本刊記者致電吳岱融,他笑言老婆鍾淑慧不在港,絕對不敢輕舉妄動,「我唔係買樓,係睇樓咋!有時間咪睇吓囉,我不嬲有鋪睇樓癮,周圍睇,唔同地區都睇吓,時機啱同價錢啱先會入貨,不過咁大件事始終都要睇老婆頭,佢呢排唔喺香港,要等佢喺香港先再同我一齊去睇,我話唔到事㗎!」原來吳岱融當日還睇了一個叫價6千幾萬的複式單位,問他是否滿意,都係嗰句:「我滿意冇用,都要我太太鍾意啱佢心水。」

吳岱融
要睇老婆頭!(真實對白)

鼠年繼續旺 做馬明父親演喜劇一樣得

至於鼠年的工作安排,吳岱融將會繼續當旺工作不斷,他說:「今年有劇拍亦會接電影,不過我好希望今年喺音樂方面可以有更多發展,好想開自己嘅個人音樂會。」據知吳岱融下個月便會為無綫新劇《 BB來了 2 》開工,今次飾演男主角馬國明父親,唔使做奸角演喜劇一樣得,再加上拍住出爐視帝一定有運行啦!

吳岱融
吳岱融唔止有演技,仲係唱得之人,早前他於 「面包台有您共鳴頒獎典禮」中獲頒「共鳴新歌 手獎」,以及憑歌曲〈 我的朋友不簡單〉獲得 「共鳴金曲獎」,之前他為這首歌拍 ,碌盡人 情卡特別邀請張兆輝、歐陽震華、陶大宇等好友助陣㖭
吳岱融
排忙於拍電影《老友情歲月》的吳岱融,片 中女主角是香香岑麗香,而他更首次演神 父,非常破格。
吳岱融
更是由他主唱:做完小男人,吳岱融罵俏發生趣事,而插曲 〈你比我重要〉小男人,經常同劇中老婆龔慈恩打情人刮目相看,他飾演的 「大爆」
吳岱融
做完小男人,吳岱融在新劇 《大醬園》 演的是大老爺,不同的角色性格他都可以駕馭。

更多精選內容