鄺文珣

【武漢肺炎】44歲鄺文珣培養孩子愛和支持 畫鼓勵卡為抗疫醫護人員打氣

娛樂

廣告

藝人44歲的鄺文珣(May)與商人應德榮2006年結婚後淡出幕前做少奶奶,兩人育有兩子一女,包括長子Cadence(11歲)、次子Casper(9歲)和幼女Chesney(2歲)。武漢肺炎疫情持續擴散,政府宣布延遲中小學、幼稚園及特殊學校停課,May與三個小朋友留在家中,安排家教,還孩子畫鼓勵卡為抗疫醫護人員打氣。

撰文:TLY | 資料來源:Lucia May 鄺文珣 | 圖片:新傳媒資料庫

44歲鄺文珣培養孩子愛和支持

停課期間,鄺文珣與三個小朋友留在家中,安排家教讓他們解悶,還孩子畫鼓勵卡為抗疫醫護人員打氣。小孩所畫的心意卡,畫上天使,寫上不同的祝福和鼓勵說話。

鄺文珣

鄺文珣把心意卡貼上社交媒體並留言:「小小心意咭,表達我們對香港醫護人員的愛和支持!」寫出「add oiland」和「thank you」。

鄺文珣

 

鄺文珣成三子之母

一向出名童顏凍齡的鄺文珣,雖然已經是三個小朋友的媽媽,但不論外貌或是身材都保養得宜。鄺文珣與應德榮婚後兩年,2008年誕下長子Cadence,相隔七年,在2017年,May第三度做媽咪。

鄺文珣

老公生意失敗 現婚姻危機

一直被外界以為過著幸福少奶奶的生活,原來她的婚姻一直陷於破裂邊緣,因為丈夫應德榮(Andrew)一直難以控制情緒,令文珣飽受煎熬,兩人雖曾尋求婚姻輔導,但幫助不大。為了兩名兒子的成長,他們保持克制,憑著信仰的啟發,帶領他們慢慢走出陰霾,重修舊好。上年上天更賜予他們一個新生命,令他們的家庭更圓滿。

【武漢肺炎】44歲鄺文珣培養孩子愛和支持 畫鼓勵卡為抗疫醫護人員打氣

簡單妻子與複雜丈夫

鄺文珣生於小康之家,自小生活無憂無慮,是一個開心小公主,之後加入TVB成為小花,雖未至於紅透半邊天,但形象入屋得到觀眾愛戴,婚後決定相夫教子淡出娛樂圈;Andrew則經營家族製衣業生意,但從小缺乏愛,且工作上得不到爸爸認同,屢受挫折。文珣坦言兩人的成長背景與性格南轅北轍,生活在一起難免摩擦多,「每對夫妻有問題唔出奇,因為兩個人來自好唔同嘅背景成長,大家性格又唔同,兩個人住埋一齊後,當有事發生就會用上自己慣常方法處理,我哋都一樣,相處時大家都係互相摩擦,好痛苦咁磨。」

相隔七年後,文珣第三度有喜,他們堅持不會偏心任何一個小朋友,以免影響兄弟姊妹間的感情及成長價值觀。
相隔七年後,文珣第三度有喜,他們堅持不會偏心任何一個小朋友,以免影響兄弟姊妹間的感情及成長價值觀。

鄺文珣超過五年的婚姻問題

有報道指丈夫Andrew患有狂躁症,他藉今次機會澄清沒有患病,因為過去在事業和家庭上的不快,令其性格比較火爆,不懂得控制脾氣。「男士對自己目標好清晰,好想達到目標去滿足自己,當受到挫折或達唔到期望就會有情緒,係我控制得唔好,但我唔係有病,唔係日日喺度發癲想打人,只係好易因為小小事激動咗。」

鄺文珣和Andrew深信家庭的核心價值是夫妻,夫妻關係好,才能帶給小朋友幸福,所以他們教仔方針亦一致。
鄺文珣和Andrew深信家庭的核心價值是夫妻,夫妻關係好,才能帶給小朋友幸福,所以他們教仔方針亦一致。

鄺文珣飽受丈夫的情緒煎熬超過五年,曾一度想以離婚解決,但孩子還小,離婚對孩子的影響深遠,還是努力修補關係比較好,不過文珣的思想簡單,不懂得如何幫助丈夫。「我哋性格好唔同,我諗嘢好簡單㗎咋,我比較開心正面,佢就好多顧慮、擔憂,諗嘢複雜過我好多,佢成日都話我諗嘢太簡單,我就話番佢太複雜。」Andrew笑說:「咁又拗一餐喇!」

文珣和Andrew經歷過五年的婚姻問題後,現已重修舊好,恩愛如昔。
文珣和Andrew經歷過五年的婚姻問題後,現已重修舊好,恩愛如昔。

大仔充當和事佬

無論有多憤怒,他們堅持不在孩子面前爆發,但小朋友都有感應,甚至不小心被他們聽到,文珣說:「我哋已經盡量入房先嘈,但就算關埋房門佢哋都知我哋做乜講乜,我哋鬧交會大聲咗㗎嘛。」

兩名兒子充滿運動細胞,最愛踢波、踏單車和去冒險樂園玩,周末父母則放寬可以打機。
兩名兒子充滿運動細胞,最愛踢波、踏單車和去冒險樂園玩,周末父母則放寬可以打機。

她指九歲的大仔開始明白事理,見到父母爭執,會充當和事佬的角色。「大仔會叫我一齊祈禱,再叫我哋分開冷靜一陣,之後一 齊傾番件事。呢啲係我教過佢,所以佢教番我轉頭。」他們發覺這個方法有效,退一步更能看清問題所在,尤其丈夫性格比較剛烈,更需要時間靜下來,文珣說:「我自己都調整得到,但男人需要多啲空間。」

兩名兒子皆就讀有基督教背景的國際學校,希望兒子愛神愛人,培養正確的價值觀。
兩名兒子皆就讀有基督教背景的國際學校,希望兒子愛神愛人,培養正確的價值觀。

當Andrew見到太太憤怒到一個點,亦意識到要收火行開;而性格樂觀的文珣,冷靜後會從好的方向自我安慰,並慢慢擴大自己的包容度。「每個人嘅容忍度有限,但喺婚姻之中你同對方有承諾,大家都應該寬容啲,當大家能夠包容對方,愛情就會昇華。我學識到要先重情後重理,同埋放低自己,我見到佢嬲我會講:『如果因為我嘅緣故令你唔開心,我同你講對唔住。』如果大家只係爭辯理由,覺得自己啱晒,咁問題永遠解決唔到。」

Andrew笑言自己好好彩,因為太太懷孕後,情緒上沒有大變化,「只係夜瞓同食嘢奄尖咗少少」,只需學煮兩三味就滿足到她。
Andrew笑言自己好好彩,因為太太懷孕後,情緒上沒有大變化,「只係夜瞓同食嘢奄尖咗少少」,只需學煮兩三味就滿足到她。

鄺文珣相隔七年生第三胎

因為宗教信仰的幫助,兩人慢慢得到啟發,學懂如何寬恕,明白家庭中夫婦是核心,必須把雙方放在第一位,當雙方感情穩固才能給予小朋友快樂。近年兩人終於重修舊好,Andrew 更希望追多個女兒,令家庭更圓滿。不過,文珣起初對生多個表現不太積極,因為有兩個仔已經好滿足,自己又「騰雞」,生多個驚搞不定,決定交由上天安排。直至去年底文珣一次祈禱之後,即傳出好消息,Andrew形容為「計劃上的意外」,「生BB唔一定有㗎嘛,我哋係有計劃,但冇刻意做啲咩。」他們一直保持神秘,沒有宣布BB性別,不過早前文珣就在社交網站宣布陀女,追女成功!

文珣今次懷孕比之前都陀得辛苦,除了年紀問題之外,胎位亦較低,常感到腰骨痠軟,走路、坐下及穿褲子都有不適。她形容最辛苦是頭兩個月,完全沒有胃口:「以前最多聞到嘢食會唔舒服,但我仲會食嘢,但今次我係完全唔想食嘢,唔想郁唔想行,成個人好沮喪咁,影響埋情緒。」

在懷孕一個月之時,他們一家赴日本旅行,文珣因為在旅程中休息不足,又行得多,一度出現小產跡象,幸經醫生檢查後有驚無險,自此她便多加休息養胎。
在懷孕一個月之時,他們一家赴日本旅行,文珣因為在旅程中休息不足,又行得多,一度出現小產跡象,幸經醫生檢查後有驚無險,自此她便多加休息養胎。

丈夫超過100分照顧

至今九個月的孕期,文珣得到丈夫貼身照顧,一知道她無胃口,即使廚藝不精仍樂意下廚吸引她,文珣甜笑道:「初期我特別鍾意食cream source嘅意粉,仲要係某一間餐廳嘅意粉,即使係元朗咁遠老公都肯陪我去食。」文珣對丈夫的照顧給予超過100分,近日她手腳出現水腫,Andrew每晚為她按摩,他笑稱按摩按到手指起枕,文珣見到丈夫的付出也十分感動。

文珣笑指懷孕後發福了不少,以前自己太瘦,現在看上去反而更健康。
文珣笑指懷孕後發福了不少,以前自己太瘦,現在看上去反而更健康。

距離預產期十分接近,文珣已決定開刀生產,因頭兩胎也是開刀,她坦言之前因為好驚順產,所以與醫生商量後選擇開刀。「醫生話最緊要陀得開心,當我決定咗後就好似放低咗個重擔,陀得好輕鬆。」

早前文珣鬼馬宣布自己陀女。
早前文珣鬼馬宣布自己陀女。

至於兩個囝囝Cadence和Casper,已承諾會像大哥哥般幫手照顧BB。文珣解釋一直以來教仔首重兄弟關係,兩個男仔難免爭執多及互相競爭,她努力從中調解,培養他們的手足之情,所以他們十分期待細妹出世。「佢哋成日走嚟錫我個肚,同BB講快啲出嚟啦!」

文珣另拍攝了「陀仔」的相片,佈置好有心思。
文珣另拍攝了「陀仔」的相片,佈置好有心思。

重培養兄弟情 絕不偏愛

鄺文珣和Andrew時常警惕自己不能偏心,以免影響孩子成長,尤其自我價值觀及人生觀。所以當BB出世後,他們更加不能忽視兩名兒子,要時刻留意他們的情緒變化。「我哋一定會做好平衡,唔可以偏晒一邊,好似細佬唔啱我哋會照話,唔會叫哥哥讓吓細佬。」

鄺文珣
兩個囝囝陪伴媽咪產險,一同見證BB在媽咪肚內的成長。

兩個囝囝皆是活潑的小朋友,最愛踢波,三父子經常出去切磋,Andrew 指大仔有運動細胞,手眼協調發展得好,4歲已經擅打羽毛球,亦喜歡打鼓,音樂感強似媽咪,閒時一齊彈琴jam歌!細仔運動方面亦不錯,但眼見哥哥瓣瓣掂,難免有種墮後感,Andrew與文珣見狀會大力讚賞細仔,令他感到受寵若驚呢。

文珣挺著大肚湊兩個仔疲累不堪,全賴Andrew多陪伴囝囝玩耍,囝囝亦好識做陪媽媽產檢,看著婦科醫生為媽媽掃肚皮時,他們感到很好奇,嚷著說想做醫生,文珣笑說:「不過佢哋成日變,始終仲細個,下次佢哋會有新update㗎喇!」

 

鄺文珣

鄺文珣囡囡似粉團白雪雪

2017年鄺文珣三度懷孕誕下囡囡小麵粉Chesney,May為咗慶祝囡囡兩個月大嘅大日子,罕有上傳囡囡影片,片中見小麵粉睡眼惺忪,一副剛剛睡醒的樣子。人如其名,小麵粉的確好似一個粉團一樣白雪雪,十分粉嫩!片段中小麵粉不少嘴角上揚,被媽媽話佢「奸笑」,表情多多,大個女是否學媽媽入娛樂圈發展?

鄺文珣
小麵粉Chesney兩個月大啦!
鄺文珣
遺傳咗媽媽嘅一對大眼晴同超深雙眼皮,相信大個女都會係一個大美人!
鄺文珣
小Chesney表情多多,人仔細細已經識得奸笑!

阿May宜家都十分享受做「湊女婆」的時光,不時埋囡囡去公園散步,同陽光玩遊戲!

鄺文珣

 

阿May產後一個月,在Facebook分享同囡囡小麵粉的合照,照片的她已經完全消腫,容光煥發,完全不像生完BB!

鄺文瑄
小麵粉坐喺BB車上面食住奶嘴瞓晏覺,唔知發緊咩美夢呢?

 

鄺文瑄
囡囡上月啱啱滿月,已經一頭濃密烏髮,五官立體,十足媽媽咁靚!

鄺文珣陪囝囝去運動會

鄺文珣因為照顧剛出生的囡囡,都沒有充足睡眠。不過她都十分重視兩個囝囝相處的時間,她表示,「因為實在太耐冇同佢哋出去玩,所以無論幾攰都抽時間去佢哋嘅運動會,親身到場支持囝囝,享受家庭樂」,May絕對無偏心!

鄺文瑄

日夜湊B嘅阿May當然少咗好多私人時間去享受生活,所以佢陪完囝囝都去咗一間懷舊茶餐廳嘆番杯絲滑奶茶,為自己充充電!