35歲周柏豪IG透露愛女英文名  囡囡遺傳老竇靚靚基因

35歲周柏豪IG透露愛女英文名 囡囡遺傳老竇靚靚基因

35歲周柏豪與圈外太太Stephanie(朱敏君)在2016年結婚,一直享受二人世界,去年成功造人,12月初榮升爸爸,老婆Stephanie為周柏豪誕下 6.7磅小公主周芯悅,自此每次柏豪一提湊女就眉開眼笑,講到幫囡囡換尿片一樣咁開心,完全掩不住做爸爸嘅興奮!近日,老竇更在IG公開愛女英文名。

 

撰文、圖片:東方新地

周柏豪愛囡遺傳老竇靚靚基因

小芯悅剛兩個月大,柏豪忍唔住喺IG開心share囡囡嘅近照,雖然只係見到B女半邊面珠仔,但可見芯悅嘅眼睫毛又長又密,而且天生向上鬈,眉粗粗,再加上濃密嘅頭髮,應該遺傳咗老竇嘅靚靚基因 ﹗相片更附上囡囡嘅英文名,原來小芯悅叫「Sonya」呀!

周柏豪
柏豪對囡囡愛不釋手,充滿父愛。

周柏豪

周柏豪
小芯悅英文名叫「Sonya」,頭髮濃密、眉粗粗、眼睫毛又長又密,遺傳咗老竇嘅靚靚基因。
小芯悅嘅出現的確為周家上下帶來喜悅,柏豪笑謂以前父母最喜歡去旅行,依家連旅行 都唔去,日日都要去佢屋企見小公主。
小芯悅嘅出現的確為周家上下帶來喜悅,柏豪笑謂以前父母最喜歡去旅行,依家連旅行 都唔去,日日都要去佢屋企見小公主。

周柏豪太太出院時低調蒙面

之前仲話努力造人中的周柏豪,被踢爆秘密產女,才開心上載三張湊女親密照,不過,休息五日出院的周太,依然未有同老公柏豪企埋一齊影相,罕有現身繼續保持低調,當日下午12時半柏豪率先一個人步出港安醫院,跟在場傳媒打招呼,之後便一直企在七人車旁,此時,老婆Stephanie由抱住B女的柏豪媽陪同步出醫院,B女用毛巾包到冚,周太亦戴上口罩及冷帽,著住厚衛衣和大褸擋風,一直低下頭行上車,柏豪受訪時未有多講老婆,不過一提湊女便眉開眼笑,坦言已幫囡囡換過三次尿片,全程掩不住升任爸爸的興奮!

經常強調要保護家人的周柏豪,同女友Stephanie長跑十年先結婚,一直將女友收收埋埋更自稱單身,Stephanie廬山真面目和背景相當神秘,直至14年在叱咤頒獎禮連掃多個大獎,柏豪才首度在台上公開多謝女友:「感謝你陪我長大,經過好多難關,我會跑快些,跑到我們的終點,我愛你,多謝你的耐性!」被柏豪盛讚有耐性的Stephanie,更非常賢淑能。

周柏豪
B女面頰脹卜卜兼頭髮濃密,雖然瞇埋眼亦可見眼線長長,相信遺傳咗父母嘅大眼睛,柏豪更冧爆望住前世情人!
周柏豪
老婆大肚收收埋埋冇人知,周柏豪直至囡囡出世第三日,才開心向外報喜,並開心share湊女甜蜜照,新任爸爸深情錫住B女額頭,父愛泛濫!

獨家捕獲!周柏豪護妻Stephanie出巡

其實專登請假一星期陪老婆生B的周柏豪,自從老婆Stephanie陀B已減少工作爭取時間陪實照顧,早前,《東方新地》便獨家捕獲柏豪護妻Stephanie出巡,周太廬山真面目極罕曝光,當日二人一齊返回觀塘寫字樓,快生產的周太,得天獨厚完全冇水腫,離開時柏豪一個人抽住兩大袋服裝,不用老婆操勞,更小心翼翼傍實老婆上車,多功能老婆收服廿四孝好老公,幸福畫面羡煞旁人!

周柏豪
周太Stephanie生B前,本刊獨家捕獲柏豪夫婦孖咇返觀塘寫字樓,雖然著住oversize牛仔褸遮掩,Stephanie巨肚當時已好有份量,愛妻號柏豪全程緊張護妻,更為老婆開埋車門,小心照顧老婆上車!

周柏豪

周柏豪

周柏豪
周柏豪陪住大肚老婆Stephanie返觀塘Office攞衫,粗重嘢由他做晒,Stephanie則輕鬆挽著手袋跟在老公身後。

現場所見,Stephanie的確得天獨厚,即使就嚟生得仲五官輪廓完全冇走樣,就連手腳都冇水腫。

周柏豪

周柏豪
安頓好老婆上車後,柏豪才上司機位準備駕車離開,新任爹哋更難掩喜悅,臨走前仲笑到見牙唔見眼!

更多精選內容