44歲滕麗名滑雪斷骨休養1年 無奈暫停做人計劃老公愁爆 硬頂《陀槍師姐5》 再做陳三元

44歲滕麗名滑雪斷骨休養1年 無奈暫停做人計劃老公愁爆 硬頂《陀槍師姐5》 再做陳三元

44歲滕麗名近年在《愛・回家之開心速遞》演周嘉洛阿媽熊尚善入晒屋,大家別忘記阿滕經典作品《陀槍師姐》,近日無綫宣布開拍第5輯《陀槍師姐2020》,阿滕16年後再回歸延續經典角色陳三元,但演員班底大換血,再冇歐陽震華(Bobby)同關詠荷,加入宣萱做女一。但奈何人算不如天算,滕麗名與老公朱建崑到日本滑雪,跣低跌斷左邊5條肋骨,更插傷肺部致內出血,醫生表示要一年時間才可完全康復。原本滕麗名向監製辭演新《陀槍》,但監製勁減她動作戲份,最後才游說成功。而老公既擔心又心痛,頻撲港日兩邊飛照顧老婆。滕麗名呢一年要養傷,又要準備拍劇,相信做人計劃,要無奈暫停了!

撰文、圖片:東方新地

滕麗名滑雪受傷瞓床一個月 肋骨跌斷插傷肺

在《愛・回家之開心速遞》演周嘉洛阿媽熊尚善入晒屋的滕麗名,近期鮮有在該劇出現,原來去年12月底,滕麗名與老公到日本青森滑雪,不小心在樓梯跣低跌斷左邊5條肋骨,更插傷肺部致內出血,在當地治療了3個多星期情況嚴重,滕麗名返港後繼續接受治療,醫生更表示要等肋骨自然癒合,要半年時間才能穩定情況,完全康復更需長達1年時間。據知情者透露:「阿滕足足瞓床1個月先可以落地行,雖然依家行動冇問題,但其實大動作,或者瞓低起身同轉身都會劇痛,醫生仲要開嗎啡止痛藥畀佢食,仲講明要佢一定要好小心,唔可以再碰到整親,唔係手尾會好長。」

滕麗名
在日本滑雪場跌至重傷休息了個多月的滕麗名,日前因為劉丹發燒,被監製急召復工拍《愛.回家之開心速遞》,阿滕更要吃住嗎啡止痛藥開工。
滕麗名
滕麗名熱愛滑雪, 去年二月她曾跟老公飛加拿大 Northern scape Heli Skiing 滑雪。
滕麗名
早已身經百戰,今次不小心在滑雪場樓梯遇意外 跌至重傷,人算 不如天算!
滕麗名
去年12月底在日本青森滑雪場樓梯跌斷左邊五條肋骨,更插傷肺部引致內出血,滕麗名在當地治療三個多星期才乘機返港,情況相當嚴重。

滕麗名不小心跌倒重傷,老公朱建崑既擔心又心痛,更因有工作在身,要頻撲港日兩邊飛照顧老婆,令阿滕非常感動。滕麗名呢1年要養傷,又要準備拍劇,相信做人計劃,要無奈暫停了!

 

 

滕麗名
滕麗名

日本留醫兩星期後,因為肺功能減弱未能坐飛機,阿滕入住當地酒店休養多一個多星期,之後更要坐輪椅上機返港再接受治療。

滕麗名
除了要等斷了的五條肋骨自然癒合,更因肺部被壓至萎縮,阿滕要吹波仔鍛鍊肺功能,醫生更表示傷勢要一年時間才可完全復原,近日阿滕就爭取時間留家休息積極調理,希望盡快康復。

留家靜養改變人生觀 曾想辭演《陀槍師姐2020》

牽一髮動全身,要留家靜心休養的滕麗名,除了影響《愛・回家》 演出,就連二月底開拍的《陀槍師姐2020》亦受影響,為免影響身體復原,阿滕更曾向《陀槍》監製方駿釗辭演。據知情者透露:「當年 《陀槍》令阿滕爆紅,仲紅到返內地,所以知道有得再演三元呢個經典角色,阿滕真係好開心,為咗以最佳狀態演出,佢一早開始做gym同行山鍛鍊體能,真係冇諗過會喺滑雪場樓梯跣低跌斷肋骨,始終年紀唔輕,佢都好小心治療同休息,驚治療得唔妥當將來手尾長,其實今次滑雪重傷,阿滕人生觀都改變咗,好多嘢唔再執著,覺得冇嘢比健康更重要,除咗《愛・回家》減少演出,原本阿滕想辭演新《陀槍》,不過,因為佢個角色好重要,係唯一一個由上四輯帶落嚟今輯嘅重要人物,如果阿滕唔拍,成個劇本都要改動,最後監製答應大減佢動作戲,仲會用鏡頭遷就, 阿滕先答應頂硬上。」 相信除了監製及滕麗名想延續陳三元經典,觀眾同樣充滿期待,阿滕加油呀!

滕麗名
98年《陀槍師姐》令關詠荷及滕麗名爆紅,滕麗名演出的警花陳三元,更是劇中經典人物,由第一輯帶到落第四輯,角色遭遇多災多難,經歷過被姦、兒子被殺、老公失蹤,在新一輯《陀槍師姐2020》唔知三元又有乜遭遇?!
滕麗名
加入《愛・回家之開心速遞》兩年多的滕麗名,與熊家上下儼如親人,早前在日本跌傷,熊家上下都非常擔心,除了不 停致電慰問,更空運物資給她。

關鍵詞
滕麗名

更多精選內容