黎諾懿留家抗疫 做囝囝陪玩 夫婦親自買餸超溫馨

黎諾懿留家抗疫 做囝囝陪玩 夫婦親自買餸超溫馨

39歲藝人黎諾懿在TVB劇集《BB來了》贏盡口碑,但有指李佳芯被內地封殺並遭無綫雪藏,公司決定「大執位」,男、女主角改由馬國明、岑麗香頂上,換掉李佳芯及黎諾懿。加上新型冠狀病毒肺炎(武漢肺炎)疫情致小朋友停課黎諾懿近來都是留在家中陪囝囝黎峰睿放放電,更兩夫婦親自拍住拖買餸,超甜蜜。

撰文、圖片:東方新地

黎諾懿享受做囝囝陪玩

有 follow開黎諾懿IG又係囝囝小春雞fans嘅就實留意到,黎諾懿日日陪小春雞玩遊戲、睇卡通、唱歌仔、講故事,停課日子不知幾充實。家庭幸福事業又穩步上揚,今年黎諾懿又撈多一瓣下廚搞飲食,繼新年煮完自家品牌年糕後,留家抗疫正好多咗時間精力露一手,日日分享好味考功夫家常小菜,有姿勢有實際睇落都幾得㗎!

黎諾懿
全港學生停課,黎諾懿惟有同個仔自娛,佢話小春雞玩水壺可以玩足一日。

黎諾懿

黎諾懿
見到IG日日更新,因為多咗好多時間同小春雞喺屋企搵娛企搵娛樂,一時齊齊玩玩具,一時無聊玩變臉Apps過日辰。
黎諾懿
黎諾懿唔止識蒸糕,日前上載製成品臘味飯仲有蠔餅,賣相吸引!

夫婦親自買餸超nice揮手

呢日就見一家之「煮」黎諾懿又落九龍城買餸,帶埋老婆揸埋車由街頭行到街尾,睇個勢買齊幾日份量兩公婆至心滿意足上車離開。啱喇,買多啲儲備夠煮幾日,咁就可以慳番啲時間留喺屋企陪小春雞,仲可以出吓力乘機同老婆再追多個㖭!

黎諾懿
年頭蒸糕露一手,至知黎諾懿演得、主持得、仲煮得!日前呢位一家之「煮」就驅車去九龍城街市入貨。
黎諾懿
兩公婆由街頭行到街尾,分幾轉至買齊瓜果肉菜同日用品,夾手夾腳抬上車。
黎諾懿
同行仲有老婆李潔瑩,兩公婆都nice到爆,見到八姨太即笑笑口主動揮手打招呼。
黎諾懿
有老婆做司機,黎諾懿印印腳返歸。

《BB來了2》李佳芯被黎諾懿踢走

有指,李佳芯6月因呼籲香港人應盡公民責任,登記做選民,引起內地人不滿,傳被內地封殺,她所代言的支付寶及化妝品牌廣告都被抽起,與黎諾懿主演的《BB來了2》都會換角。

黎諾懿

岑麗香馬國明頂上

李佳芯近日承認不會拍攝《BB來了2》,有傳男、女主角改由馬國明、岑麗香頂上,以BB系列全新故事拍攝。

 

BB來了

BB來了

 

 

 

 

 

更多精選內容