蘇志威夫婦疫情下盡現恩愛  劉小慧開網店幫補家計

蘇志威夫婦疫情下盡現恩愛 劉小慧開網店幫補家計

蘇志威除了活躍於演藝事業,人稱蘇老闆的他亦有踏足商界,高峰期曾開了4間舞蹈學校及3間西裝禮服店,生意長做長有;然而新冠肺炎肆虐,零售業生意大受影響,蘇志威亦不能倖免,旗下部分店舖宣布停業以減開支。但另一邊廂,老婆劉小慧逆市自強挑戰網上創業,設網店賣抗疫用品,在經濟上減輕老公負擔,可謂患難見真情。

撰文、圖片:東方新地|編輯:YCL

蘇志威疫情下兩店執笠收入大減

一場新冠肺炎疫情,將大小機構生意打到落花流水,生意額步入冰河時期,投資舞蹈學校及西裝店的蘇志威亦被疫情掃冧場,位於美孚的舞蹈學校本月一日停業,下個月中環的西裝旗艦店亦會結業,面對九年來生意上最大的衝擊。據知情者透露:「呢個係大勢所趨,全世界嘅老闆都要面對嘅困難,其實喺肺炎爆發初期,蘇老闆已經諗方法自救,花咗十萬元購買防疫用品,好似口罩、酒精噴霧、搓手液咁,放喺舞蹈學校同西裝店提供畀客人用,舖頭同學校亦加強消毒,但肺炎疫情未受控,冇乜人出嚟消費,亦唔敢聚集喺人多嘅地方,令生意額暴跌都冇辦法,各結束其中一間舞蹈學校同西裝店,都係為咗減省部分開支,可以繼續頂落去!」

蘇志威
劉小慧與蘇志威結婚22年,經歷過高低起跌感情有增無減,蘇老闆對老婆更錫到燶,上年七月小慧生日,蘇老闆便精心設計送上雜菜花代替真花氹老婆,好有心思!
蘇志威
新冠肺炎打擊零售業,蘇志威開業九年的西裝店亦受疫情影響生意額大幅下跌,位於中環的旗艦店更會在下月結業,餘下尖沙咀及灣仔兩間店繼續經營。
蘇志威
舞蹈學校 i Dance亦受疫情影響,位於美孚的分店近日已經停業。
蘇志威
去年12月草蜢到美國開騷大受歡迎,不過,原本今年舉行的世界巡唱卻因新型肺炎疫情影響全部延期。

劉小慧開網店做到冇停手

蘇志威生意遇上低潮,幸好有老婆劉小慧力撐,夫妻齊心對抗疫境,去年在社交網教人整蛋黃油治療濕疹,火速爆紅做埋KOL,近日開設網店「劉小慧的生活百貨」,轉型出擊大有客路。據知情者透露:「上年做 KOL好受歡迎,小慧已經想搞網店,只係未有的起心肝去做,直至近日為老公嘅店舖同學校,撲防疫用品,見好多朋友都口罩、搓手液短缺,小慧就諗住幫埋其他朋友一齊訂,點知一呼百應,既然咁多訂單,佢先決定發大嚟做,正式成立網店,不過搞網店一啲都唔輕鬆,由搵貨源到安排貨物入口,到傾交收過程都好繁複,而且網上買賣,好多客都要逐一自己去覆,呢排小慧真係做到冇停手,不過佢形象好又係信譽保證,好多貨品一推出已經賣斷市,反應好好,小慧覺得幾辛苦都值得!」夫妻同心其利斷金,恩愛超標的蘇生蘇太疫境當然頂得住!

蘇志威

蘇志威
去年由師奶仔變 KOL的劉小慧,近日開設網店賣抗疫用品,由訂貨到物流都親力親為,日前劉小慧更自己落場搬貨,忙到冇停手,疫境創業撐老公!
蘇志威
經營生活百貨網店,劉小慧首批開賣產品,以防疫用品招徠,當中唔少產品火速售馨。
蘇志威
劉小慧開設網店,日前更孖老公蘇志威在網上直播宣傳,兩公婆公開放閃齊心抗疫境。
蘇志威
劉小慧在自己的為網店大力宣傳,從她的留言可見近日她為生意事事親力親為。
蘇志威
自從大女出世便淡出娛樂圈的劉小慧,轉眼大女蘇君蕎已經20歲,細女蘇靖珺亦12歲,兩女開始獨立亦令小慧安心開創自己的事業。
蘇志威
去年五月開通 Facebook教粉絲整蛋黃油治療濕疹的劉小慧,無心插柳下成為網紅大受歡迎,當時老公蘇志威就不時穿插直播撐老婆。

更多精選內容