梁慧恩Viann嫁入豪門  老爺親手接生

梁慧恩Viann嫁入豪門 老爺親手接生

被指拜金的廖碧兒與林忠豪一段情食白果,前Roadshow主持、藝人梁慧恩(Viann)卻與林忠豪堂弟林忠澤(Arthur)修成正果,兩年前嫁入豪門,現懷孕七個多月。老公家族背景顯赫,是李澤楷表弟林忠豪堂弟,更是「百億工廈大王」楊耀松外孫,婦產科聖手林孝傑就是他爸爸,九月尾將為Viann開刀接生。

狂嘔五個月

開舖成為她整個懷孕過程中,唯一的寄託。懷孕至今她感到非常痛苦,戒口戒清不特止,還嘔足五個月。「我仲未感受到懷孕的美麗,未到期驗孕我已經嘔,中醫幫我把脈話我有咗,十日咋。」她的孕吐情況嚴重,Arthur笑她嘔到似鬼上身,每日嘔五、六次,誇張到口鼻齊噴,辛苦到想入院,但醫生指情況正常,只勸她多休息,「我就係休息唔到吖嘛⋯⋯」Viann的婦科醫生正是她老爺,雖然她食乜嘔乜,但依然重了60磅,上圍B級升至D級,老爺指她體重已屆上限,「應該係食中藥太補,但個中醫都係老爺介紹。」

胎盤低險大出血
Viann原打算邊陀B邊上學,她正就讀中大生命科學學院環境科學系博士課程,主修珊瑚保育及能源周期,但她嘔到身子虛弱,試過兩次駕車返學作嘔炒車,被迫停學一年。「諗住喺屋企睇paper睇書都唔得,好冇精神,嘔得最犀利嗰陣,望到啲字都想嘔,睇電視都集中唔到,最叻只係睇老夫子,一版六格公仔。」第六個月終於停嘔,開心一個月後,輪到體重急升,身體出現毛病,「我手腕、膝頭、腳踭同背脊都痛,企起身、着褲着裙都要扶,膝頭關節好似肥人咁,行兩個鐘就痛。」懷孕初期她仍有驚險,老爺指她的胎盤位置好低,有出血風險,連打噴嚏都不能,「20周後,BB開始有重量壓着,就會容易出血,如果30周胎盤仲係低,有機會造成胎盤撕裂,嘭嘭聲出血好大鑊㗎,所以我要成日瞓床,好彩20幾周開始上番去,鬆晒!」

撰文:Ling
攝影:Clay Lam(部分相片由受訪者提供)
化妝:[email protected] MAKE UP
髮型::[email protected] MAKE UP
場地:貓山皇@銅鑼灣

更多精選內容