孕媽陀第二胎的勇氣  6個令媽媽害怕再次經歷懷孕至分娩原因

孕媽陀第二胎的勇氣 6個令媽媽害怕再次經歷懷孕至分娩原因

相信好多二胎媽咪同我一樣,回想起懷孕第一胎的可怕懷孕經歷,之後就會諗唔明點解又再一次落入恐怖又甜蜜的懷孕過程當中!「一切都是因為愛呀!」以下與大家回顧下懷孕中各位孕媽咪經歷懷孕的痛苦處!

撰文:kylife|圖片︰新傳媒資料室、TVB截圖

1.懷孕的可怕是沒原因持續腹痛

我陀第一胎由五週到八週都有腹痛,感覺似M痛,所以當時搵醫生照咗好幾次,不過胎兒很健康,醫生解釋有機會係胎兒長大中,拉扯到子宮內肌肉所致。

懷孕
懷孕

2.可怕的長期孕吐

第一胎我由第七週開始想嘔,之後試咗好多方法都搞唔掂,最後用到終極方法—訓床完全不郁,100%靜止先可以止嘔,不過有幾次都係床上衝入廁所嘔,所以當時每次產檢我都好驚會係車嘔。亦因為嚴重孕吐,我體重無按正常發展,懷孕20週前體重只有下降,不過好彩筋肉寶寶吸收能力好強,我食唔多但他身高體重發展得好好。

第一胎最終到二十週孕吐感先回落,我先可以開始正常食每一餐,不過食唔到好耐,大概到懷孕七個月,因為胃部受到子宮向上壓所影響,結果又開始食唔到嘢啦!而今胎情況亦都差唔多,不過孕吐感更長久,大概去到22-23週先回落!

懷孕

3.可怕的腰痛感

做孕媽咪時常有腰痛,孕初期唔知點解腰會酸痛,到孕後期就更加唔洗講,腰痛到好勁,所以好多孕媽咪會用托腹帶去盡量舒緩痛楚,不過我今胎發覺原來做簡單運動都舒緩到。

 

4. 可怕的水腫

我幸運地無嚴重腳水腫,但聽講好多孕媽咪講係孕中期已經要買大一對鞋或著拖鞋代替。

5.可怕的分娩

我生第一胎由穿羊水到真正分娩用咗28個鐘,經歷22小時都只係開咗4度的恐怖經歷,拎住笑氣去到唔識放手,大概20-30秒一次的陣痛。不過很幸運因為度數開得唔夠,所以可以選擇打無痛,最搞笑因為真係太攰,之後係手術床上訓埋,最後仲被助產士發現添。

懷孕

還有我覺得還可以的分娩經歷,插尿管放尿我試過兩三次,不過當時陣痛到癲,所以都無心情理。

6.可怕的無間斷兩小時餵奶開始啦

我同其他媽咪的產後醫院經歷唔太一樣,當時筋肉寶寶唔係我身邊,所以我唔需要每兩小時起身去餵奶換片,不過我知道好多媽咪係依個階段心情會好低落,特別好擔心上奶問題,見BB不斷喊又唔知點算,再加上每兩小時就要起身都好攰了!

如果大家身邊有位肯為你生二胎、三胎的好太太,真係要用心愛鍚呀!!
懷孕

如果你有咩關於生BB、產檢或者照結構想知道,歡迎inbox我呀!!

懷孕中看到筋肉寶寶的成長,更令我期待二胎BB的加入!

每週小煮意食譜、肥貓與肥B日常點滴、親子好去處、大家記得要follow呀!

喜歡玩IG的朋友記得Follow:kylife.babies

面書專頁:Kylife與二寶之日常

Email:[email protected]

懷孕

關鍵詞
懷孕生產

更多精選內容