楊證樺被劇本考起苦練8國語言 硬漢變成住家男妻兒才是第一位

楊證樺被劇本考起苦練8國語言 硬漢變成住家男妻兒才是第一位

藝人44歲楊證樺(Man)和43歲沈可欣是TVB模範夫婦,最近楊證樺在《機場特警》飾演的「吹水哥」機智又精通8國語言,勇救企跳少女想企跳,不少觀眾看完都讚他演得出色。Man入行20多年至今演出劇集超過100部,他坦言今次「吹水哥」一角,都有相當高的難度,因為角色設定精通8國語言,包括法文、西班牙文等,被法文劇本考起。出色事業的背後,他都是個100分老公爸爸,太太生了2個小朋友後,他就變成住家男,應酬大大減少,妻兒才是第一位。

撰文:TLY|圖片:TVB電視截圖

楊證樺請教外語老師苦練劇本

楊證樺飾演的外表花弗口花花、鍾意撩女仔的「吹水哥」,角色設定精通8國語言,包括法文、西班牙文、日文等。Man雖然在《巾幗梟雄之義海豪情》中飾演日本少佐宮崎一角,都用日文作為對白,都坦言外語作對白有相當高的難度。

楊證樺

楊證樺

楊證樺表示,劇組有安排西班牙文老師,自己都有找日文老師,而法文就邀請了法國藉的黃祥興指教,黃祥興用法文讀對白,讓他不斷複習。所以劇中出色的表現,都是努力苦練出來的。

 

楊證樺
劇中要與外國人用外語對話

 

楊證樺當舞蹈員參加新秀入行

入行20多年的楊證樺至今演出劇集超過100部,試過一日有6齣劇集有他份兒,最為人熟悉是2010年在《巾幗梟雄之義海豪情》做宮崎隊長,獲金牌監製李添勝公開大讚專業。

不說不知,楊證樺13歲已經童星入行,又曾當舞蹈員,1996年在美國紐約參加「全球華人新秀歌唱大賽」(同屆冠軍為何韻詩),取得當地冠軍後回流香港,沒有參加香港舉辦的總決賽而直接加入TVB。為甚麼不參賽與何韻詩較量?「我知我輸梗㗎喇,諗諗吓覺得演員條路長啲,咪直接簽TVB藝員約。細個發明星夢先參加歌唱比賽,但歌星好講機遇,有機會當然都想做。」

楊證樺
楊證樺既要拍劇,又要打理餐廳生意,每日收工後都會抽時間陪囝囝落街玩。

楊證樺入行前一直當舞蹈員,但有感舞蹈員生涯短暫,做演員卻可以做到老。「Dancer可以跳到幾多歲吖?30幾歲都硬晒啦,就算轉做排舞師都有限,做演員就可以做到80歲,演出範圍亦闊好多,我鍾意做日本人都得呀。」楊證樺在默默耕耘下,終憑2010年無綫劇《巾幗梟雄之義海豪情》的日本人宮崎隊長,獲金牌監製李添勝及觀眾大讚,即使未必講得出真名 楊證樺 ,觀眾都一定認得宮崎隊長。

楊證樺
今時今日大家仍記得《巾幗梟雄之義海豪情》的宮崎隊長。

 

太太Janice則於2000年底演藝學院畢業入行,兩人合作拍劇無數,早已認識十多年,但從來不過電,直至幾年前timing到,兩人恰巧搬到附近居住,約食飯多見面後終於走在一起,但他們沒有刻意宣揚感情事,所以2015年註冊結婚時,有藝員同事以為他們拍劇,Janice笑說:「嗰日有其他同事嚟觀禮,即刻將啲相擺上facebook,有同事睇到就問拍緊咩劇?我話係真㗎!之前有人問咪講拍緊拖,冇人問就唔會講囉。」

楊證樺
楊證樺和Janice在TVB認識多年,直至近年才走在一起,Janice笑說︰「身邊啲人都覺得難以置信,問我哋真定假。」

遲來的緣份仍能促成小生命到來,Janice以40歲之齡順產誕下囝囝Eugene,無懼風險,「我一直都有check住唔怕,因為我覺得順產比較好feel、順其自然,媽媽生仔一定痛,女人係要經歷下,而且順產對BB好啲,對媽媽身體恢復都好啲。」

楊證樺
楊證樺指自己是事業型,未結婚前將事業擺第一位,經常出去應酬以擴大自己的人際網絡,但有小朋友後變成住家男,應酬大大減少,妻兒才是第一位。

見到個仔就叉足電

兒子轉眼間長大,楊證樺和Janice形容他是一個開心BB,臉上經常掛上笑容,惟他沒有耐性,比較忟憎、心急,Janice說:「佢學行會向前『舂』,因為佢太心急想行,搞到成日仆親。」楊證樺笑稱兒子最喜歡出街,對身邊的事物十分好奇,即使自己忙拍劇又忙於打理餐廳生意,就算多勞累都會陪兒子出街玩。「一見到個仔就好似叉咗電,幾攰都唔記得咗,有時拍完劇返到屋企,個仔話想行街街,我都會帶佢落去行一行。」

楊證樺
Eugene性格活潑,表情多多,阿Man覺得兒子的確有有遺傳他們的演藝潛質。

兩人教仔最重視禮貌,學業其次,將來做個開心快活人就夠。

演技精湛的楊證樺和Janice,當然有應用在湊仔之上,兒子有隻心愛公仔名叫Stephen,每晚都要攬實睡覺,楊證樺和Janice就利用Stephen與兒子談天哄他入睡,因為兒子對床前故事沒甚興趣,阿Man笑說:「佢係比較自我啲,我哋講故事佢冇咩反應,鍾意自己發掘嘢玩、周圍摸嘢,好似一個工程師。」看着兒子一天一天長大,阿Man猶如看到自己的童年,每日都用心教導他,並學習如何做個好爸爸。「唔可以迫佢做佢唔想做嘅嘢,適當時候都要話佢、要say no,但唔畀佢又會扭計,究竟點樣取得平衡呢?湊仔真係一個好大學問。」

楊證樺
父母覺得Eugene像個工程師,喜歡四圍探索。
楊證樺
Eugene最鍾意玩一隻名叫Stephen的公仔。

《踩過界》演聾啞夫婦

無論戲份多少,兩人對每個角色也十分認真,一邊湊仔一邊刨劇本。早年為準備拍攝《踩過界》, 飾演失聰人士的楊證樺和聾啞人士Janice,到聾啞中心跟老師學習三堂並拍片記錄,一放工就睇片練習,每日練十個鐘,練足一個月,Janice更需學習手語,壓力非常沉重,她說:「我都係靠死記,每日學少少累積上去,好似砌積木咁砌啲對白。不過同老公一齊拍嘅好處係可以喺屋企對劇本,佢又幫我睇啲手語做得啱唔啱,好彩BB嗰陣唔難湊,練一陣又睇吓佢。」

楊證樺
兩人夫妻檔在《踩過界》合演聾人夫妻,拍攝前練手語練足一個月,每日逐句對白練上去,非常專業。

那段時間兩人更需為兒子的健康奔波,因兒子打完一歲針後發過幾次燒,一次楊證樺為《深宮計》試造型時,收到外母的電話稱兒子發燒,即刻撲返家送他入醫院,經檢查之下證實為扁桃腺發炎,「阿仔需留院兩日,我就全晚陪住佢,放低所有工作。」

楊證樺
拍攝當日Eugene好喜歡玩舖頭門口的開關掣。

雖然兩人不會讓兒子做童星,但長大後就由他自己選擇,楊證樺發覺兒子有遺傳他們的演藝潛質。「有次我帶佢去買鞋仔,佢一聽到舖頭播disco音樂,即刻跟住beat跳舞,可能遺傳咗我。」

楊證樺

楊證樺

楊證樺細仔出世

2016年12月10號布細仔出世。楊證樺、沈可欣選擇在公立醫院生BB,佢哋特別出POST鳴謝醫護人員照顧,阿Man細仔重3.27KG,都算係大碼BB,佢又透露有全程陪產同親手剪臍帶,問到會唔會追多個囡囡,佢話未必會,因為怕太太陀B辛苦,而且見到太太生B好痛佢都好心痛,所以暫時兩個都夠晒數。

楊證樺被劇本考起苦練8國語言 硬漢變成住家男妻兒才是第一位

楊證樺 沈可欣晒靚靚孕照

雖然已經係第二胎,但是可欣都係第一次影大肚相。本來陀大仔宏志嗰陣,就已經約好日子影相,然而大仔衝閘,提早出世,所以最後就影唔到,當時可欣都好失望,還在產房哭了!

第一胎影不成,到有咗第二胎,證樺都好體貼咁為老婆圓夢,大仔一齊影!十分溫馨!

更多精選內容