34歲黎振燁背8個月大肚妻偷食  扮愛妻曾承諾「眼中只有太太」出糧由老婆管理

34歲黎振燁背8個月大肚妻偷食 扮愛妻曾承諾「眼中只有太太」出糧由老婆管理

2016年港男冠軍被喻為「老翻古天樂」的34歲黎振燁(Jackson)最近在《機場特警》憑情深男一角上位,是無綫力捧小生之一。近日,被踢爆與33歲落選港姐朱智賢於屯門寓所附近車廂內私會食餅,當刻被揭發兩人驚到語無倫次,更震驚的是黎太近日懷有8個月身孕。此外,黎振燁與前無綫《東張西望》主持李潤庭指撞樣,兩人同樣都是瞞結婚5年空姐妻子偷食,估唔到兩位的經歷都會咁相似!

原文刊於:東方新地

黎振燁扮愛妻 朱智賢豪放甩仔有前科

黎振燁為港男冠軍,播映中的劇集《機場特警》中飾演有病的癡心男警,因患有頑疾而唔想阻礙女友賴慰玲發展,而忍痛分手,劇中扮曬癡情暖男,現實中亦一度在傳媒面前扮演「愛妻狂」,不時強調與妻結婚多年,早在選港男時更難得公開已婚,黎太亦公開撐場sweet到漏。

黎振燁

 

黎振燁
32C上圍的朱智賢,係第一代《3日2夜》女神。

山邊偷食 車廂切餅語無倫次

話說二人被撞破在山路旁泊車私會、一齊食兩個蛋糕,但被撞破之日都相隔一段距離(朱智賢是6月24日生日、而黎振燁的生日為3月8日),與到底二人為何事慶祝、還是礙於「限聚令」唔敢去餐廳約會?不過出事後兩位主角均潛水,朱智賢更極速將ig轉為私人瀏覽、擺明身有屎,家有孕妻的黎振燁對記者質詢更顯得語無倫次,而朱智賢男友謝東閔則避席唔聽電話⋯⋯

黎振燁
兩度參選港姐, 2013年成功入圍20強佳麗,落敗後加入無綫。

黎振燁扮晒「愛妻號」與太太識與微時

黎振燁同太太喺中學時代已經開始拍拖,一直都夢想要做演員嘅佢,都得到太太支持,曾經入過訓練班,但係都係做啲唔起眼嘅小角色,到後來入咗港視,以為會有出路,點知港視又因為牌照問題,開台不成。2016年,黎振燁參選港男自爆已婚,憑「好老公」形象成為大熱,喺拉票環節中表示參選港男係人生奇迹嘅開始,喺台上對老婆發表「愛的宣言」,成功打動觀眾!

黎振燁
參選香港先生先,拎埋太太出嚟拉票。
黎振燁
爆出車震新聞前,黎振燁最近在IG暗示太太有喜,榮升爸爸。
黎振燁
黎振燁係《2016年度香港先生選舉》冠軍。
黎振燁
當年選港男,太太現身支持,當時受訪他表示「眼中只有太太」,仲話每個月出糧,成份糧都係直接入落老婆戶口。

朱智賢有前科 撇圈外男友箝謝東閔

2013年落選港姐 朱智賢 (Ashley)早年在J2旅遊節目《3日2夜》大騷身材而人氣急升,狂騷32C上圍加長腿被獲封為新咪神,成功上位!對 朱智賢 來說上位同媾仔一樣重要,本來佢已經有個在中環開餐廳的圈外男友Derak,不過遇上屋企有米的「巨聲幫」謝東閔後 , 朱智賢 貪新忘舊即撇舊愛,姣黐 謝東閔 大半年已心急逼婚,一心部署入豪門做謝夫人!

黎振燁

朱智賢 撇男友箝謝東閔

朱智賢 於2013年參選港姐,與陳凱琳及蔡思貝同屆,惟當時未能入圍決賽,落選後佢簽無綫並入讀訓練班,憑高佻及豐滿身材出位。Ashley去年在J2台旅遊節目《3日2夜》遊台中浸溫泉,先後換上兩套比堅尼大騷32C、23、35噴血身材,成功彈出,近年被安排主持不少旅遊及綜藝節目,節目幾受男觀察歡迎㗎!

黎振燁

黎振燁
入行四年朱智賢以身材做賣點,無綫亦用到盡。日前出席宣傳活動,朱智賢與同是咪神的陳婉衡被安排在水上激鬥,玩到小背心走位露事業線是常識吧!

 

黎振燁

 

秘戀餐廳老闆

有胸又有腦的 朱智賢 一副戰鬥格,去年被踢爆與Lobster Central餐廳其中一位老闆Derak秘密拍拖兩年,去年餐廳開張,朱智賢以半個女主人身份現身支持,見男友被大班女仔圍住影相,她即縞實男友手臂宣示主權。當時她更坦白承認戀情,表示與男友拍拖已一段時間,感情都好穩定。

 

黎振燁
朱智賢的圈外男友是Lobster Central其中一個老闆,年約30歲個樣似足韓星Rain,冇家底全靠自己創業,講條件,屋企開按摩店與食店的謝東閔應該高一線。

 

黎振燁3黎振燁

 

寓工作於拍拖

不過近半年 朱智賢 卻與「巨聲幫」的闊少謝東閔愈行愈埋,早前Ashley與謝東閔早前一齊拍《Big Boys歷險記》,在記者會上二人合照有默契笑晒。談到在節目中探險有緋聞男友謝東閔貼身照顧,怕黑的Ashley卻聲稱唔需要勞煩佢。

黎振燁

 

黎振燁

 

黎振燁
在公在私,朱智賢都mark實謝東閔,早前二人拍《Big Boys歷險記》更攞正牌寓工作於拍拖。

黎振燁

覓食斷正 融入朋友圈

朱智賢 與謝東閔矢口否認拍拖,但早前卻被粉絲當場斷正,二人與友人在餐廳醫肚,當時謝東閔對女友照顧周到,一碟嘢兩份食。身為crazy runner成員的謝東閔,今年一月尾帶埋Ashley出席在胡諾言家中開的聚餐,可見二人拍拖已是不爭的事實。

黎振燁

 

黎振燁

 

朱智賢 姣黐謝東閔

據知Ashley入行前做過空姐,目標為本只吼有錢仔,佢識Derak時以為對方有家底,之後發覺Derak只係餐廳一個小股東。後來因為做嘢同謝東閔混熟咗愈行愈埋,有段時間仲一腳踏兩船。Ashley計過度過,謝東閔有錢咁多,梗係唔放過啦!

 

黎振燁

 

後來Ashley同Derak正式分手,同謝東閔更加唔避忌,謝東閔不時揸車接女友放工,又成日孖住出席圍內朋友飯局。早前兩個一齊拍《Big Boys歷險記》,不時去荒山野嶺拍外鏡,據知Ashley成日捉實男方,喺電視城兩人嘅關係都半公開!Ashley份人又好進擊,成日有意無意向Brian提結婚,不過男方連公開戀情都未肯,睇嚟冇咁快畀Ashley夾到。

黎振燁

豪放女唔錫身

朱智賢參選港姐前曾經做過空姐,之後在一間財經公關公司做公關,加入無綫後毫不吝惜身材,拍節目着三點式當食生菜。現實生活中的她亦好豪放,不時穿bra攬狗晒床照,又或者只圍浴巾出鏡一樣冇所謂。不過無綫有身材有條件的小花多的是,朱智賢為將來釣金龜亦無可厚非, 謝東閔向來甚有女人緣,未必會為一棵樹放棄整個森林,Ashley等吓啦!

黎振燁

黎振燁

黎振燁

黎振燁

黎振燁

黎振燁、李潤庭「賤男相撞樣」背妻偷食有樣睇

人有相似,賤男都一樣!前有無綫《東張西望》主持李潤庭4年前被揭瞞結婚五年空姐妻子,偷食人妻,今有2016年港男冠軍人夫黎振燁偷食朱智賢,兩男向來被指撞樣,90%似樣連口味都相若!重溫當年李潤庭在公司安排下兩度鞠躬認錯,下場是離婚兼停工,黎振燁會唔會落入相同的「雙失」下場?!

三年前李潤庭,瞞空姐索老婆偷食人妻,雖然已經結婚5年,事發後聲淚俱下誓言要箍煲,公開鞠躬求原諒,結果再次斷正甩人妻失敗,被無綫踢走。

今次被踢爆「車震偷食」朱智賢的黎振燁,跟潤庭同黎振燁無論膚色、身型、樣貌都似到足,當年黎振燁選港男入行,亦有與李潤庭合照留念,連李都笑稱二人是「失散兄弟」!!估唔到兩位的經歷都會咁相似!

黎振燁
雖然有說黎振燁係「老翻古天樂」,但佢自己都覺得同李潤庭似失散兄弟⋯⋯

 

更多精選內容