52歲陳小春入紙紅館11次 因疫情撻Q  專心迎接小兒子彌補失落

52歲陳小春入紙紅館11次 因疫情撻Q 專心迎接小兒子彌補失落

結婚十年,陳小春大仔Jasper(陳胤捷)下月滿七歲,兩夫婦終於成功追多個。上周五(5月29日),36歲應采兒為老公陳小春添多個小兒子,並改乳名「HoHo 」,三口變四口之家,Jasper正式當哥哥。屋企多個「小Jasper 」,小春掩不住喜悅心情,受訪時揚言細仔樣子較似老婆,又表示在產房拍下不少片留念。家有喜事喜上眉梢,但原來疫情關係,令陳小春等了十七年的紅館騷夢碎,一直恨再開紅館騷的他,入紙申請十一次才獲批出檔期,卻被新冠肺炎打殘,四場演唱會全部取消,幸好有小兒子來臨彌補失落,現時留家專心做奶爸,悉心照顧家中一大兩細先最緊要,紅館開騷心願惟有再等!

原文刊於:東方新地|編輯:Sunday Kiss|撰文、圖片:東方新地

陳小春細囝出世專心做奶爸

52歲陳小春近日再當爸爸,老婆應采兒為他開刀誕下二仔,日前小春到養和醫院探剛出世的兒子及老婆,就興奮表示已幫細仔改了乳名「HoHo 」,寓意甚麼都好好,半百年紀再添丁,小春確實好興奮。今年同老婆剛慶祝完錫婚紀念,大兒子Jasper快滿七歲迎來新生命,一切都是夫妻計劃之內。據知情者透露:「丁丁(應采兒)同小春本來都想早啲追多個,等Jasper可以有個伴一齊玩,年紀差距唔使咁大,但佢兩公婆錫到個仔燶,生B計劃一定要過Jasper 一關先行動,早兩年Jasper 仲未接受到有細佬妹,佢話驚細佬妹會搶走佢啲玩具,直至上年, Jasper 忽然答應話肯要細佬妹,丁丁同小春先敢開Turbo造人,雖然佢哋好想追個女,但丁丁唔想再做高齡產婦,兩公婆已決定生完呢胎就收爐!」

"應采兒在上月29日入院開刀誕下二仔「

紅館開騷申請11次最終因肺炎再撻Q!52歲陳小春專心做奶爸

在細仔出世第四日,小春藉住國際兒童節終畀兒子HoHo」曝光,相片中「HoHo」正打喊露,眼睛和鼻子都皺起,十分可愛。
在細仔出世第四日,小春藉住國際兒童節終畀兒子HoHo」曝光,相片中「HoHo」正打喊露,眼睛和鼻子都皺起,十分可愛。
連日來,小春頻撲醫院、屋企兩邊走,探初生小兒子和老婆外,亦要照顧大仔Jasper
連日來,小春頻撲醫院、屋企兩邊走,探初生小兒子和老婆外,亦要照顧大仔Jasper
疫情關係不用開騷的陳小春,可專心做奶爸陪老婆坐月,對老婆服侍周到的小春,日前親自煲魚湯畀老婆谷奶。
疫情關係,不用開工的陳小春,可專心做奶爸陪老婆坐月,對老婆服侍周到的小春,日前親自煲魚湯畀老婆谷奶。

Jasper妒忌細佬

去年12月,陳小春選擇在台灣開騷時在台上宣布老婆再陀B消息,當時坐在台下睇騷的Jasper ,興奮得手舞足蹈,萌樣超級可愛,對多個細佬似乎完全冇抗拒,的確令小春夫婦放心晒;不過小兒子出世後,原來Jasper對多個細佬仍不免妒忌。小春受訪時直言:「Jasper 尋日探咗細佬好開心,但今朝瞓醒佢就有啲唔舒服嘅感覺,今晚我返去都要氹吓佢,其實之前佢問過我, Jealous係乜嚟,問我最後一次Jealous 係點樣,最初我都唔識點答,後尾諗到同佢講『Jealous is no big deal 』,佢聽完都話OK!不過剛才同佢視頻,見佢都唔太開心,以前佢好多嘢講,依家想講又講唔出咁!我都應承佢,返去陪佢踩單車同睇波,佢先開心番!」

老婆生B辛苦,小春就做廿四孝老公及暖爸,陪老婆晚上約友人鋸扒前,下午先一個人帶兒子外出吃漢堡,Jasper 食包期間又同爸爸傾唔停。
老婆生B辛苦,小春就做廿四孝老公及暖爸,陪老婆晚上約友人鋸扒前,下午先一個人帶兒子外出吃漢堡,Jasper 食包期間又同爸爸傾唔停。

紅館開騷申請11次最終因肺炎再撻Q!52歲陳小春專心做奶爸

小春透露Jasper對細佬出世後有點妒忌,而當日見他和爸爸排隊買包時,有點悶悶不樂。
小春透露Jasper對細佬出世後有點妒忌,而當日見他和爸爸排隊買包時,有點悶悶不樂。
平日惡形惡相的小春,對住Jasper晒火,對兒子錫到燶的他,當日見下毛毛雨,為免兒子行上行落,他吩咐兒子企在街口等他,自己獨個兒去攞車。
平日惡形惡相的小春,對住Jasper晒火,對兒子錫到燶的他,當日見下毛毛雨,為免兒子行上行落,他吩咐兒子企在街口等他,自己獨個兒去攞車。

紅館開騷申請11次最終因肺炎再撻Q!52歲陳小春專心做奶爸

紅館開騷申請11次最終因肺炎再撻Q!52歲陳小春專心做奶爸

陳小春入紙紅館十一次最終撻Q

老婆生B辛苦,小春亦全天候照顧家中一大兩細,但原來今年他本有望完成開紅館騷心願,更已獲批出三月檔期,一心以為雙喜臨門!誰知新冠肺炎打殘演唱會,最終個唱撻Q。據知情者透露:「自從03年開過兩場紅館騷之後,小春一直都好恨喺香港再開騷,眼見好兄弟伊健近年密密開騷,佢就更加心癢癢,不過,單係呢兩年幾以嚟,佢已經入紙申請紅館檔期十一次,本來早就心淡,直至今年三月紅館先批咗九日檔期畀佢,佢仲計劃好做四場演唱會,叫定班『古惑佬』兄弟撐場,點知人算不如天算,新冠肺炎突然殺到,佢個騷亦因此開唔成!」

原本在台灣開完騷後,小春會在港舉行四場演唱會,可惜因新冠肺炎疫情,香港個唱被迫取消。
原本在台灣開完騷後,小春會在港舉行四場演唱會,可惜因新冠肺炎疫情,香港個唱被迫取消。
去年底,小春在台灣個唱上宣布再做老竇,台下看騷的Jasper 興奮得手舞足蹈,對快當哥哥未有抗拒!
去年底,小春在台灣個唱上宣布再做老竇,台下看騷的Jasper 興奮得手舞足蹈,對快當哥哥未有抗拒!

生仔前約友鋸扒硬食老公二手煙

紅館開騷無望,小春近日專心陪老婆大人應采兒湊仔,向來錫老婆的他,見老婆陀B辛苦,更加廿四孝服侍周到,湊仔煲湯一腳踢慰妻,生B前應采兒還在社交網晒出老公為她煲的谷奶湯水,大讚好味公開晒幸福。而應采兒入院生仔前,還先和朋友鋸扒歎餐好,日前(5月25日)傍晚,小春夫婦到中環會合友人吃西餐,邊食邊傾兩個幾鐘才離開,當晚約九時許,小春跟友人先落樓扯煙,接著落樓的應采兒,飯後即戴回口罩防疫措施相當謹慎,即使小春和友人食住煙,她仍百無禁忌圍埋傾偈,臨盆在即的她不時摸住巨肚,眾人企街吹水十分鐘,她才盡興跟小春乘七人車返回大埔寓所。而夫妻約友人鋸扒當日,小春下午先做慈父安撫大仔Jasper ,見佢一支公帶Jasper外出吃漢堡包,父子邊食邊傾,但見Jasper 不時扁嘴,看來真如小春所言,他仍未適應做哥哥心情!睇嚟小春做奶爸湊細仔之餘,真係要加大力度氹番Jasper 先得!

入院生B前四日,應采兒同老公陳小春約了五名好友到中環歎牛扒,吃足兩個幾鐘先落樓離開,眾人還企在街頭吹水等車,而快將臨盆的丁丁,當時個肚已經相當大。
入院生B前四日,應采兒同老公陳小春約了五名好友到中環歎牛扒,吃足兩個幾鐘先落樓離開,眾人還企在街頭吹水等車,而快將臨盆的丁丁,當時個肚已經相當大。
飯後煙癮起,小春與友人企街扯煙,戴著口罩的應采兒亦百無禁忌圍埋一齊傾偈。
飯後煙癮起,小春與友人企街扯煙,戴著口罩的應采兒亦百無禁忌圍埋一齊傾偈,硬食老公二手煙。
當晚出入冷氣地方,應采兒亦披著牛仔褸保暖,更不時低頭望住和摸著巨肚。
當晚出入冷氣地方,應采兒亦披著牛仔褸保暖,更不時低頭望住和摸著巨肚。
眾人企街吹水傾足十分鐘,之後應采兒與小春齊上七人車返歸。
眾人企街吹水傾足十分鐘,之後應采兒與小春齊上七人車返歸。
身為惠州政協委員的陳小春,在內地人氣頗高,近年他和老婆應采兒便經常上內地綜藝及真人騷演出,小春更以天價帶同萌爆寶貝仔Jasper先後出演兩季的爸去哪兒5》及《爸爸去哪兒6》
身為惠州政協委員的陳小春,在內地人氣頗高,近年他和老婆應采兒便經常上內地綜藝及真人騷演出,小春更以天價帶同萌爆寶貝仔Jasper先後出演兩季的爸去哪兒5》及《爸爸去哪兒6》
年又夫妻檔演出《妻子的浪漫旅行》 ,幾乎大部分時間都在內地賺人仔。
年又夫妻檔演出《妻子的浪漫旅行》 ,幾乎大部分時間都在內地賺人仔。

更多精選內容